(*(( شاعر الملك ))*)

,

الله الله الله الله ..

والله من اجمل القصائد في هالمسابقة ..

صح لسانك ,, وسلم فكرك الراقي ..

,

المشاركة الأصلية كتبت بواسطة سلطان العطاوي

انت شاعر يقصر المديح عنه

لله درك وكفى

سلطان ، الله يطول في عمرك

اشكرك علىكلامك اعلاه ، ولاعليك زود

دم تا / بخير

المشاركة الأصلية كتبت بواسطة نايف المحينيش

انت مجرم الشعر الحقيقي


وصفك للسيكل لازال في مخيلتي


وهذه ستقبع في خيالي ماحييت

صح كلك ولاهنت

نايف ، متابعتك لي شرف وفخر
وشهادتك وسام

اشكر نقاءك



دم تا / بخير

المشاركة الأصلية كتبت بواسطة عبدالله سعد

السواط


فايف فايف ستار





للأبداع مقام ولشعر سواط



ثقيل ثقيل



صح السانك

عبدالله ، سلمت وسلم راسك
شكراً لك مرورك العاطرالماطر

صح بدنك ولاعليك زود


دم تا / بخير

المشاركة الأصلية كتبت بواسطة مرزوق الروقي

شف يابو عبدالله .. انا ماتابعت المسابقه للامانه ولكني قريت بعض قصائد الاخوان في المنتدى واعجبني الكثير منها ..
اللي بقوله و بلا مجامله : اذا هالنص ما فاز بالمركز الاول , اشره على اللجنه ,
من الآخر هالقصيده فااارقه وتكتب وتحفظ وتخلدها القلوب ,
صح لسانك كثر ما ارويتني شعر يافيصل ,

ابو سعيّد ،
لمرورك فقط تزدان القصيدة ، فما بالك بتعليق شاعر بحجمك
اشكر لك شعورك ، ولاعليك زود ..
وشهادتك وسام على صدري



دم تا / بخير

المشاركة الأصلية كتبت بواسطة شاعرة نجد

خادم بيوت الله ، نصير الديـن ، حـلال الامـور
واكبر عدو .. للفقر ودمـوع اليتامـى والنيـاح
مااقول غير الله يطول عمر ابو متعـب ..دهـور
باسمي ، نيابه عن جميع اهل المعاليـق الصحـاح


اللهم آميين

وصح لسانك شاعرنا

ولاهنت على هـ الدره الجزله

وفقك الله,’’

صح بدنك شاعرتنا ، ولاعليك زود
اشكر لك مرورك الجميل



دم تي / بخير

المشاركة الأصلية كتبت بواسطة فيصل السواط

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الشعر وهبه ، والمشاعر دَين ، والشاعر شعور = وانا ، لي اكثرمن ثلاث ايام ادربي في رزاح
غصّاب ياالماقف ، وانا دمي على الجزله يفور = والفكر محرمني بنات الفكر ، وكفوفه شحاح
والهاجس ، ان كبرت عليه ثيابه ..قصيّر شبور = خصاً ليا كانت خيوطه حُب ، وقماشه براح
والصدر ، جنّه من وطن عملاق ، والاوراق بور = والقلب ، لاهبت رياح الكايده ..ريشة جناح
والسالفه ، هيبة ملك حوله من الاظلاع سور = مالت له القمرا ، وغنّت له عصافير الصباح
وشلون اعبّر ؟ والمحبة جمر واحساسي بخور =واحساسنا ، بعضه حرام يلامس الهرج المباح
كنّ القصيده صيدة الصياد ، وحروفه طيور = وكنّي مثل من يسحب الغيمه ..من يدين الرياح
تفدى هدب عين الوطن ..روحي ، وانا كلي قصور = في ظل ابو متعب ، تحت راية بلال بن رباح
في غيبته ، كن الحياه الموت ، والاحيا قبور = وكن السعاده حزن ، والدنيا لياليها جراح
كلٍ فقده ، الناس والاجناس والما والزهور = وكلٍ دعى له بالشفا والعافيه.. من يوم راح
والحمد لله عوّد ، وغنت له الدنيا : طهور = لنّه ملك ..ماهو ملك تاج ودنانير ووشاح
ملك ملك .. في هيبته حكمه ، وفي حكمته نور = تجلى الظلام ، وتسقي الترياق للسمّ الذحاح
ملك ملك .. تواضعه كسّر مجاديف الغرور = والطيب ياصل بك هدف ..ماتاصله روس الرماح
ملك ملك .. يزرع نخل خيراته ، ويجني صدور = ويعلّمك معنى .. التسامح والوفا والارتياح
ملك ملك .. ربه يحبه ، والمحبه ما تبور = والله ليا من حب شخص .. يورّده جمٍّ قراح
اي والله احبه ، واجلّه ، واتغنى به فخور = سيف العرب ، درع الجزيره ، منية الخود الملاح
راع السلام ، مبرّك العدوان ، جبّار العثور = زبن المجنّى ، قايد التطوير ، ربان النجاح
خادم بيوت الله ، نصير الدين ، حلال الامور = واكبر عدو .. للفقر ودموع اليتامى والنياح
مااقول غير الله يطول عمر ابو متعب ..دهور = باسمي ، نيابه عن جميع اهل المعاليق الصحاح
والشعر وهبه ، والمشاعر دين ، والشاعر شعور = ليته ليا ماعبّره ، ريّح قصيده واستراح
[/poem]

للتاريخ يا فيصل ,
للتخليد يا فيصل ,
للتألق يا فيصل ,
للسماء يا فيصل ,
فحضورك لا يشبهه حضور سوى المطر سوى البشاره سوى النبأ الأكثر وقعاً وصدقاً ,,,,

صح لسانك وبيانك يا مبدع , وتستحق الفوز وبجداره ,

المشاركة الأصلية كتبت بواسطة بدر محمد السبيعي

فيصل السواط

اسم جميل في عالم الشعر

صح لساااااااااااااانك يالغالي وتستاهل التأهل

لاهنت


بدر بن محمد

الجميل حضورك يابدر

صح بدنك


دم تا/ بخير

المشاركة الأصلية كتبت بواسطة ماجد هلال

يا ليتني ما شاركت


الله يوووووووووفقك

فالك البانوراما

ياليتني ماشاركت انا

بالتوفيق يابو هلال



وفالك الفيلا



دم تا / بخير

الله الله الله الله الله الله الله الله
الله الله الله الله الله الله الله الله



الكلام لايجاوز "سحر الكلام"
والله لا أستطيع الرد .. على هذه العملاقة شعراً وفخراً بمليكها


دعائي لك بالتوفيق
سلام يامُببببببدع

المتألق : فيصل السواط

اكاد اجزم واقسم غير حانث انها من افضل واجزل واروع واعذب وامتع ما قرأت في مثل هذا الموضوع ..

كنت اتوقع ان مثل هذه المسابقات لن يكتب لها التوفيق لانها تتحدث عن موضوع مستهلك نوعا ما ..الان اقول وبالفم المليان :
المسابقة في قمة النجاح ان كان احد نصوصها هذه الباذخة .. وفعلا ما تقدر تقول الموضوع مستهلك على شاعر يتقن صنعة الشعر شرواك يالامير ,,

الشعر وهبه ، والمشاعر دَين ، والشاعر شعـور
وانا ، لي اكثرمن ثلاث ايـام ادربـي فـي رزاح
غصّاب ياالماقف ، وانا دمي على الجزلـه يفـور
والفكر محرمني بنات الفكـر ، وكفوفـه شحـاح
والهاجس ، ان كبرت عليه ثيابه ..قصيّر شبـور
خصاً ليا كانت خيوطـه حُـب ، وقماشـه بـراح
والصدر ، جنّه من وطن عملاق ، والاوراق بـور
والقلب ، لاهبت ريـاح الكايـده ..ريشـة جنـاح


اقسم بالله ان مشد القصيدة من اروع مايكون .. ويجذبك انك تسافر معها في رحلة وطنية تتسم بالولاء والصدق ..

حي الشعر يا ملك

مااقول غير الله يطول عمر ابو متعـب ..دهـور
باسمي ، نيابه عن جميع اهل المعاليـق الصحـاح

آمين آمين

صح لسانك يافيصل ولله درك

قصيدة فاخرة وفي من يستحقها

فالك التوفيق

,