امطار الخير والبركه

على طاري الامطار والخير والعلوم الطيبه
هذي قصيدة / لـ .. محمد بن مطر السميري
معجبتني جدا جدا جدا
[frame="7 80"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

رب الملا جالِ البلا فارج الضيق=اغفـر لنـا يـارب ماكـان منّـا
واجعل لنا عونٍ بعونـك وتوفيـق=وحضٍ على العليـا خيامـه تبنّـا
في غير بابك ما اتلفت ولا اويـق=ونوًّ نصوبـه مقفيـه مـا شحنّـا
ليا استعانوا قوم مرزوق برزيـق=حنـا بـرب العالميـن استعـنّـا
الرزق لو هو في يدين المخاليـق=تناوشـوا بابـه وصكـوه عـنّـا
إلا قليل من الرجـال المطاليـق=وعَيّا ضعنهـم لا يوافـق ضعنّـا
لم النصيـب بخاينيـن المواثيـق=اصحاب من جت له على ما تمنّا
كم واحدٍ يبـي الفخـر بالتلافيـق=ينهب ويسـرق صاحبـه ويتجنّـا
أخير من جمـعٍ لرؤيـاه ماطيـق=سجة قدم ترجـع بقلـب المعنّـا
بارضٍ غصون النبت فيها مواريق=فيها أم صالح مـن طربهـا تثنّـا
تلعب طرب بين الزهر والزماليق=وليا سمعها ضايق الصـدر غنّـا
جر اللحون بحاليـات الطواريـق=وحفر لناره ونحـرف مـا تونّـا
جاب الدلال الصفر والها ملاحيق=من غير عود وهيلٍ اخضر وبنّـا
كنّ الخشب فالنار قـدم الأباريـق=قوايـم الهـرش الكبيـر المثنّـا
جَرّ الـدلال متعبـات العشاشيـق=ونزل شماغـه وإتكـا وارجهنّـا
جال الغدير اللي من المزن ماذيق=عليـه اثـارٍ للقـطـا يدرجـنّـا
كنّ الشجر وسطه طيورٍ مدانيـق=ما يظهـر إلا فرعـة اغصانهنّـا
كنّ الخدود اليا كستها الرقاريـق=كف الهنـوف منقـشٍ لـه بحنّـا
عطر الزهر راحه ونشوه وتشويق=ما جيب مـن باريـس ولاّ فيينّـا
حَدّ السهل من نايفات الشواهيـق=تفـردت مـن كـل لـونٍ بفنّـا
تبدي بها اسرار الصدور المغاليق=وتبعد كدر ما صابنا فـي زمنّـا
أحداث تاردنا جمـوع وتفاريـق=من زارته في مرقـده مـا تهنّـا
ولانا على الدنيا الدنيـه مشافيـق=وخوينا مـن مـا جمعنـا كفنّـا[/poem][/frame]

لله دره

:
:

السلام عليكم .. !!
لازالت موجة البرد القارص تجلد جلودنا فالرياض .. !!
السماء ملبده بالغيوم .. وليلة البارح وصباح اليوم هطلت أمطار متفرقه .. !!
أرتوت على أثرها (( سطوح )) المنازل و (( الحوشه )) .. !!
والمرازيم ليلهـا ليل .. ما ايقض سكون الرياض البارح الا هي .. !!
أمطار خير أنشاء الله .. !!
وعسى الله يبارك فيها ويوفقنـا لشكره .. !!



عصام مطر - الرياض
اللي حول الميكرفون يخمه .. !!

8
8
8
وش هالمطر اللي عيا يخلص
والله لو إنكم تحت حنفيه وفي روايه بزبوز



ماشاء الله تبارك الله
الله يطرح البركه يابن مشيب ، ويرحمنا برحمته

عبدالله

اشهد بالله انها قصيده خل عني العلوم
مير بنشدك هو يقول :
بارضٍ غصون النبت فيها مواريق
ــــــــــــــــــ فيها أم (( صالح )) من طربهـا تثنّـا

وشهي أم صالح ؟؟
انا والله ما اعرف الا ام سالم كانها هي .!

ام صالح هي ام سالم
لا اني قد نشدته منها وقال انهم يسمونها ام صالح

:
:

دام الراس (( سالم )) كل شي (( صالح )) .. !!

الهم لك الحمد والله لا يعاقب

قمت متأخر لصلاة الجمعه الله لا يواثم ورحت مسرع للمسجد الا المطر منقع ولاهوب شوي ولله الحمد

وبذلك تتوالى امطار الخير والبركه


ما يسعني ذكره الآن هو ان الوسمي لم يتبقى عليه الا 8 ايام ..


عصام مطر
قطــــر

اليوووم الجمعه

من الصباح الى هذه الساعه 6,50 والمطر همال

غشنه بعد غشنه

على المنطقة الشرقية وضواحيها

وسلالالالالالامتكم
ملاحظه
ابو قنيص
هي الها ولدين
اللي مع الروقه اسمه صالح
واللي مع باقي القبايل اسمه سالم

وكل الاسمين طيبه

المشاركة الأصلية كتبت بواسطة ضاوي العصيمي

[SIZE="4"][COLOR="Blue"]
ملاحظه
ابو قنيص
هي الها ولدين
اللي مع الروقه اسمه صالح
واللي مع باقي القبايل اسمه سالم

وكل الاسمين طيبه

ههههههههه
اكبر سالم والا صالح

اليوم الجمعه مثل ابو زياد عندنا في بقيق

جانا من الصبح الى ما بعد العصر
مطرٍ طيب على قولة بدونا اللي يكثر الما

اما من المغرب فيعلم الله اني اشك ان اللي جا
على بقيق سيليه و خاصةً في هذه اللحظه 7:23 مساءً
اللهم لك الحمد و الشكر و الله يطرح فيه البركه و ينفع به البلاد و العباد

^
^
ارحب ارحب ارحب ارحب ارحب ارحب ارحب
اررررررررررررررررررررررررررررحب
تراااااااااااااااااحيب المطر والله ان شوفتك في المرقااب انها يوم عيد وانت تدري باللي في خاااطري ولا في طوول الكلام فااايد

لي معك تفاااهم

دولة الاحساااء جعلها السيل

قبل صلاة المغرب جتنا رشةً بسيطه ومن قبل صلاة العشااء لاذالحين وهي تمطر علينااا ديم ديم والله كريم


<<<< مستغل غياب م شاهد بن وسم المبرزي

السلام عليكم ورحمة الله وبركاته

في يوم الجمعة ..

الرشاش من الصباح على الأحساء ..

إلى الآن صباح السبت


تقديري
\
\
ابو نايف

حنّا يالحساويه :-

مرحومين
مرحومين
مرحومين



...


ساهد بن وشـم !
المرقاب - غرب لم برّز

:
:

ليـلة البارح فالريـاض ..
كان هناك (( ضباب كثيف )) .. مع انخفاض في حدة البرد .. !!
الأمطار اتت بشكل خفيف ومتواصل يوم أمس .. !!
واليوم عادت البروده نوعاً ما .. !!
الحقيقه أن الأجواء هذه الأيـام ساحره .. !!
وفر سكان الريـاض الى الأوديه والشعاب للأستمتاع بالأجواء هناك .. !!
الا أنا ماطلعت لكي أوافيكم بالأخبار .. !!
<-- يبي (( أوفر تايم )) .. !!


عصام مطر - الرياض
الميكرفون للي يخمه .. !!

من ظهر امس الى اليوم

وقطر تمطر


عصام مطر
قطــــر

:
:


الرياض منذ يومين وهي تحت موجة (( البرد القارص )) .. !!
توقف المطر قليـلاً ..
والشمس بدأت تمارس جرأتها بعد ان حوصرت على مداراسبوع تقريبـاً .. !!
حيث اخفي وجهها طوال تلك الفتره بـ (( قناع )) ركامي من الغيوم .. !!
بأستثناء فترات قصيره ومتقطعه تتسرب فيها من خلف المناطق الشفافه في ذلك القناع .. !!
هاهي تعود لكنها ليست حاره .. البرد شديد حتى انه ابطل مفعول حرارة الشمس .. !!



عصام مطر (( البردان )) - الرياض
الميكرفون للي يخمه

خمتك العافيه والدفوه !



بالنزبا للأحزاء :
فهي لاتكاد تختلف عن جويكم يا أهل الرياظ !

فيها صقط كتير زاتوا


اخوكم المعتصم من أم رقيّقه


<- خليك قبلك ياشاهد بن وزم
ادي المره نغتّي عنّك !

7
7
7

باعها برخيص

8
8
8
ناصر مطوّعنا إبه لوون ؟؟
<<

:
:

هنا فالريـاض .. !!
البرد .. البرد .. ماعندنا غيره .. !!
أأحيييييه .. !! <-- تبدوى الدافور عصام .. !!



عصام مطر (( البردان )) - الرياض
الميكرفون جمد في يدي .. !!

الحمد لله و الفضل له سبحانه
اليوم مطرنا بالخير
الكويت خاصة المناطق الجنوبيه جاها رش طيب .. اليوم الظهر .. ثم زيد عاود مغرب



إلى اللقاء حتى إشعار آخر