كلام القوافي

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياللي حظورك حظور وغيبتك غيبه=يفداك خبلٍ حظوره يشبه غيابه
بعض الاوادم لياجانا نهلّيبه=وبعض الاوادم لياجانا بلشنابه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياضلع اجا سلّم على خشم سلمى=وبـلّــغ تحـيـاتـي لـسـكّـان حــايــل
حايـل وصايفهـا قمـر وسـط ظلمـا=ومـن زارهـا يلـقـا لقـولـي دلايــل
عسى المزون المردفه تنثر المـا=ويصير واديهـا مـن الغيـث سايـل
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ان كان عندك ذاكرة حفظ وارشيف=تلقا ملفّي في مدير الملفّات
وان كان ضيّعته عوافي وتخفيف=ماصار حاجه والنتيجه سلامات
[/poem]

إحدى المرثيّات التي كتبتها في والدي -رحمه الله- وقد كتبتها في ليلة عيد :





[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بسـم الله الرحـمــن ربّ السمــوات=بديت باسمه وافضل الذكر ذكره
ولياختلط مع هاجس الشعر سـجّـات=حكرت قافٍ يتعب الناس حكره
العــيـد بكــره ياعـيـوني ســلامــات؟!=تكفـين لاتبـكـين والعـيـد بكـره
قالـت حـزينـه والمـدامــع حـزيـنـات=والا تراي كره مثل مانت تكره
قلت اصبري قالت نفد صبري ومات=طيرٍ غدا واللي بقي معي وكره
قلـت ايـه معذوره ولامن مـلامـات=اللي يلومك مامعه ربع فكره
ياعــيـد سامحني تـرا كلّي اهات=والمعـرفـه بعـيوني اليوم نكـره
فقـدت ابـوي وفـاقـد ابـوه بـالذّات=تـلـفّبه دنيـا العـنا لـفّ مـكــره
اضحك واداوي حَرّ فرقاه بسكات=صبحي ظلام وحالة الجوّ عكره
تـمّ الكــلام اللي ختمته بكلمات=وللواحد المعبود حمده وشـكره
ويالعبد مهما طال عمرك سنوات=للعـمـر وقفـاته وللمـوت سَكره
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
السرّ بصدور الرياجيل محبوس=ياساجنه ضيّق عليه المساحه
لوّ يتوسّطله فضولي وجاسوس=ايّاك ثمّ ايّاك تطلق سراحه
دنياك مليانه براهين ودروس=اترك فساد الراي واختر صلاحه
مايغني الانفس ولايرفع الروس=غير القناعه والوفا والصراحه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
خصصت هاشتاق لاجل قافي ومعناي=القاف قافي والمعاني معانيّ
الشعر مثل المحفظه وسط مخباي=من فضل ربّي لابغيته ولا شيّ
والراي ياللي تاخذ وتعطي الراي=قلّه وكثره يشبه الشمس والفيّ
الياختلف بالسوم بايع وشرّاي=السوق خلّه واقبل لمسجد الحيّ
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ما كل واحد يقنعه طيب فعلك=طيبك بمنظور الرديين غفله!!
من لا يعرفك معرفه ويعرفلك=ماهو ضروري تعرفه وتعرفله
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الاولــه بـسـم الله الرحـمـن ربّ العالـمـيـن=خالـق جميـع الخلـق ومدبّـر جميـع ارزاقـهـا
والثانيه صلّـوا علـى محمّـد شفيـع المسلميـن=فـي حـزّةٍ مـن هولهـا العالـم تجـفّ ارياقـهـا
والثالثـه روحـي ومالـي فــدوة امّ المومنـيـن=اللـي فضايلهـا علـى الامّـه وسـيـع نطاقـهـا
بالله ياهل المعرفه والراي والعقـل الرزيـن=وشلون اوضّح سيـرةٍ يصعـب علـي سياقهـا
أعنـي بذلـك سيـرة امّــي وامّ كــلّ المتّقـيـن=السيـره اللـي فـي كتـاب الله ثـبـت ميثاقـهـا
ان جيت ابكتب عن مناقب عايشه يالغانمين=أحترت واحتار القلم والكتب هـي واوراقها
هل ابتدي في منزلتهـا عنـد امـام المهتديـن؟=والاّ ابتدي فـي علمهـا واعمالهـا واخلاقهـا؟
لكـنّ ابذكـر مـا تيـسّـر والله الـوالـي يعـيـن=وابيات شعري لـو عصتنـي جبتهـا مستاقهـا
هي عايشه زوجة رسول الله توقّف يافطين=هـذي فضيلـه تـازن بحـورٍ طـوال اعماقهـا
زوجة نبي تكفي فما بالك بسيـد المرسليـن؟=فضيـلـةٍ مافـيـه فـضـلٍ بالفـضـايـل فـاقـهـا
أضـف إلـى ذلـك زيـادة حبّهـا عنـد الاميـن=علـى امّـهـات المومنـيـن وعدلـهـا وانفاقـهـا
وان قلت ابوها قلت لك صدّيق ومن السابقين=وذات النطاقـيـن اختـهـا وملقّـبـه بانطـاقـهـا
وزوداً على ذلك برآءتها مـن الافـك المبيـن=في عـشــر آيات مثبّتـه ومثـبّتٍ مصـداقهـا
والخاتمه صلّوا على سيد البشر في كل حين=عـدّ الـمـزون الـلـي تــلالا بالسـمـا برّاقـهـا
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الشعر ناداني وانا كنت مشغول=ماني بيمّه بس نادا وردّيت
قال القوافي تشتكي قلت معقول؟=قال ايه معقوله والاسباب تصويت
ومسابقات الشعر حولٍ بعد حول=اتشتّت افكار الجماهير تشتيت
يلبّسون المعرفه ثوب مجهول=ويثبّتون البيت من دون تثبيت!
[/poem]

[poem=font="simplified arabic,4,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
[/poem][poem=font="simplified arabic,4,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياحبّ الانسان للتّسويف والغفله=يقول ابتوب ثمّ يآجل التوبه
من وين ماراح والشيطان واقفله=في كلّ نوبه يكرر (بس هالنوبه)
[/poem]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شعب الجزيره كلّهم ربع واخوان=بالمعرفه والقرب والسلم والدين
مابين قحطان العريقه وعدنان=متقاسمين الطيب مبطي وهالحين
حرب وبني وايل ومرّه وجهنان=ومطير وعتيبه ويام وقحاطين
وسبيع وسليم وهواجر وعجمان=وعيال زايد والبقوم وزهارين
وهذيل وسهول وخوالد وشهران=وبني تميم وشمّر الكلّ وافين
وبني الصخر واشراف رفقه وجيران=وثقيف جنب عيال حارث مقيمين
وغامد وزعب وبلي وعيال شمران=والاسمري والاحمري نعم الاثنين
وشهري وقرني واكلبي وابن ذبيان=والشبرمي والصيعري والشهارين
مع عطواتٍ بالجزيره لهم شان=وعبس وعوازم كلّبوهم كريمين
ومن لاذكرته ماحصل فيه نقصان=يمكن نسيت ومثلي الناس ناسين
تمّ الكلام اللي نظمته بعنوان:=شعب الجزيره بينهم عشره ودين[/poem]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أريام غنّي وارقصي في وطنّا=لعيون كاشغري وتركي وحصّه
وليادخل ناصح نقول امتحنّا=مفروض مايقرب مكان المنصّه
نشكي هزايمنا والاسباب حنّا=ونخلق من القصّه ثمانين قصّه
باقي نعدّ ابليس فينا ومنّا=وراع النصيحه وضعنا مايخصّه!
هذا الذي شفناه تالي زمنّا=يشرقبه العاقل وبالحلق غصّه
أمّا نعدّل وضعنا وانتهنّا=والا الزمان احكم علينا مقصّه
[/poem]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
صباح الخير يانور الحياه المشرق الساطع=صباح الخير والاحساس والاشواق والبسمه
صباح الخير للواصل صباح الخير للقاطع=يعمّ الناس ويسجّل بديوان الصحيح اسمه
مقصّ الصبر لهموم الزمان المعضله قاطع=ولو همّك عسير وباقيٍٍ في جبهتك وسمه
ترا بينك وبين الهمّ سدّ وحاجز وقاطع=لكنّ العبد مهما كان دايم نكبته دسمه
[/poem]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الكلمه اللي تسبّب ضيق ومشاحَن=حلفت ماقولها للناس متعمّد
وان جنّ بعض العلوم وبعضهن راحن=ماعندي معلّم الا المصطفى محمّد
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لاتحسب اني شخص ماعنده احساس=عنده حظورك مايباعد غيابك
من حبّني قدره على العين والراس=وانت الحبيب اللي مع الروح شابك
ازعل لامنك غبت واقول لاباس=لاباس يابيت الزعل صكّ بابك
ياللي غرامك مادخل فيه وسواس=ابعدت عنّي لين زاد اقترابك
اغليك كثر الناس واكثر من الناس=واترك حساب الناس واحسب حسابك
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
انا بنشدك يوم انّك طلبت اسمي وعنواني=على ايّ اساس تطلبني مطالب غير مشروعه
بمعنى ثاني: اذكر دافع المطلب وتلقاني=صحيبٍ صحبته تسوى من الاصحاب مجموعه
تبا تعرف من اللي يستحقّ الطيب مجّاني=هذاك اللي بقلبه شجرة النعناع مزروعه!
لاتنشدني وتعرفني وتذكرني وتنساني=انا ملّيت من طيبٍ من انواع الردا نوعه!
انا مستعجل وتعبان , انا عندي شغل ثاني=لذلك عذراً وآسف على الازعاج وفروعه
قبل ماروح عندي كلمةٍ وقفت على لساني=ابنطقها عساها تخدم الكاتب وموضوعه
سألتك ليه يوم انّك طلبت اسمي وعنواني؟=تفضل بالاجابه كان قلبك راكب ضلوعه
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أركب على اللي لاركبته واستويت مع الطريق=تطري عليك اشعار ابن جدلان يوم انه شباب
مشي وركود وراحه وسرعه وصدرٍ مايضيق=خمسة شروط اليالتقن فكّن لنظم الشعر باب
الموتر اللي صانعه ماهو من الاصل العريق=من قوم قيصر ياعسى داره مايسقيه السحاب
فكّر وخطّط عابد الاصنام بالفكر الدقيق=حتى توصّل لابتكار الرنج يوم الحظّ طاب
الياركبته تشعر انك ضابط برتبة فريق=الحظّ قدمك يبتسم والناس تحسب لك حساب
بعيونهم كنّك مدير البنك او كابتن فريق=لو كنت جندي بالحرس واحلامك الحلوه سراب
كلٍٍّ يحسب انّك مريّح وانت بهمومك غريق=تنقل همومٍ شيّبتبك لين كلّ الراس شاب
لكنّك بنظراتهم تاجر ولك باعٍ عميق=بالجاه والتوجيه والوجهه وسرع الاكتساب
هذي صفاتك لاركبت الرنج ابو وجهٍ طليق=صنع النصارى والنصارى سلمهم عكس الصواب
الاّ بميدان الصناعه وضعهم دايم يليق=معطيهم الخالق وممهلهم إلى يوم الحساب
ياحضرة السوّاق لايلهيك من دون العقيق=الاّ وقوفك للصلاه وللوقود وللزهاب
ولياوصلت الديره اللي من على القمّه تويق=سلّم على اول من تقابل منهم وعطه الكتاب
ياديرة اكرام الضيوف وسدّ حاجات الرفيق=ومساعدة جميع من يحتاجك بوقت الصعاب
الطيب عنوانك ودستورك ودايم لك عشيق=عسى محبّك للسعد عسى عدوّك للذهاب
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياسوريا لاباس قبلك فلسطين=صاحت لحكّام العرب واخذلوها
لكن بفضل الله ثمّ الشجيعين=قوّة يهود بكبرها زعزعوها
ضربة صلاح الدين والشيخ ياسين=من قوّها كلّ اليهود اعرفوها
وان مات منّا حرّ يرثيه حرّين=وان كان خلاّ ناقصه كمّلوها
وياسوريا كانك من الضيم تشكين=اشكي على ربّ البشر كلّبوها
هذي هي الدنيا من سنين ودنين=ماعزّت اللي من زمان اعشقوها
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامعلّم التفسير في معهد الهرج=قلّي على ايّ اساس فسّرت هرجي؟
الخرج عندك طيبه وطيبه الخرج=مادري وش اللي من ورا العكس ترجي؟!
أمّا تفيق ويعتدل وضعك الحرج=والاّ لاترسل بثّ والبرج برجي
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياناشدٍ عمّا يجول بضميري=انا ضميري له زمانين لوّام
عليّ وامثالي ملامه كبيري=وعلى جميع اللي يدينون الاسلام
نشري جلكسي فور وبلاك بيري=مانلتفت صوب الفقارى والايتام
كلٍّ يقول المشكله عند غيري=لوّ المشاكل عنده انواع واحجام
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
متعرّي الصمت ينصب وانكشف نصبه=حاقد على حرب والاسباب مخفيّه
مقتولة السامر اللي قيل مغتصبه=من عايله ثانيه ماهي بحربيّه
أثرك بالكذب ماهر ومتخصصبه=بالكذب تبغى تصيب اهداف سريّه
والكذب داءٍ خطير ويشبه الحصبه=يجني على صاحبه اثار سلبيّه
حنّا حميناك يوم الروم منتصبه=بارض اليمامه تبي مسكن وحريّه
شكراً جزيلاً يامتعرّي على النصبه=اللي عرفناك فيها يااسود النيّه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياسهيل وصّل كوكب الارض كلمه=تسوى سواليف العرب كلبوها
اليابدا الدجّال في عرض فلمه=جميع شاشات الفضا قفّلوها
وابليس لو يسعى لتحقيق حلمه=ماهو مدمّر قلعةٍ حصّنوها
عبد الهوى خاسر بحربه وسلمه=له خطّةٍ كلّ العباد اكشفوها
اللي مثل سلم الشياطين سلمه=لو يحفر الحفره عليه ادفنوها
يطلع من العتمه ويدخل بظلمه=من جرفه بدحديرته . وافهموها
[/poem]