بوح المشاعر..!حديث الذات..!

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
شاعر واغني على طاروق احساسي = ثابت رغم خبث الليالي ولا زال

لوه زماني يميل ثابت(ن) راسي = ما ينحني راس الشمالي اذا مال

لا شفت طنخة عقالي اعرفه ساسي = ساس عنزي ماهو مثل ساس دجال[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
الجو هذا يختلف عن مساري = بارد وانا محتاج زولك معايا

في جيتك يجتاحني انتصاري = واترك جليد البرد وسط الزوايا

رح علم اللي كل همه احتضاري = اموت بس العز يبقى ورايا

وايل ومجد العز دايم شعاري = دام المراجل مغرمه في هوايا[/poem]

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
صبحي بلا شوفك خساره .. خساره = كذاب منهو قال تصبح على خير [/poem]

[BIMG]http://www6.0zz0.com/2014/10/09/18/641490087.jpg[/BIMG]

[poem=font=",6,gray,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يا راكب اللي لو تطول المسافة = يقصر عناها كنه الطير لا طار

مرتاح سواقة ولامن كلافة = مافيه مثله يا جماعه ولا صار

( أف جي ) فيه الغطرسه والجلافة = ناعم في وصفه تمادى وتحتار [/poem]

معرفتك لي والله ماهي خساره
ياصاحبي عمر الذهب مايصدي

الاوله ترى انت مكانتك بالصداره
في كل شي لك بمعزتك عندي

نشّمي واشهد انك نشّمي بجداره
ما ينصفك في الشعر جزري ومدّي

يستاهلون المدح راسن ورى راس
اهل المراجل عاسفين الهقاوي

اهل الحفر ماهم مثل باقي الناس
مافيهم اللي بالجزيلات ضاوي

في شارع الستين ماشي ومحتاس
والبال ضايق من زمان البلاوي

لاجار وقتك والزمن صابه اتعاس
تلقى الرفيق اللي يجي لك مداوي

في عيونك بحر وبقلبك امان
انتي الأيام واحلام العمر

تنعش الخفاق في رشفة حنان
دون وصلك دنيتي هم وقهر

بسم الله الرحمن الرحيم

بمناسبة ذكرى البيعة الخامسة
نجدد العهد والولاء والبراء والوفاء ،
لسيدنا ومليكنا المفدى
خادم الحرمين الشريفين
الملك سلمان بن عبد العزيز آل سعود

مبروك يا سلمان والفين مبروك
بمناسبة البيعة نزف التهاني

نبايعك ياسيدي بالشعر محبوك
لجل الوفاء والولاء وكل الأماني

من شاعرٍ بالطيب القاف مدكوك
من راس قومٍ ماتهاب الزماني

قوم عنزة اللي على المجد مركوك
دهامشه يوم العرب تحسب الثواني

بالبيعة الخامسه ياملك وهنوك
الشعب السعودي والخليج العماني

نجدد البيعة لك والشعب بروك
أمراء وشيخان قاصي وداني

مبروك يا بو فهد والفين مبروك
لجل الوفاء والطيب وكل الحناني

بمناسبة اليوم الوطني السعودي89
همة حتى القمة

همة حتى القمة مملكتنا والشموخ
سارعي للمجد يالسعودية كالمناخ

في مساحة الوطن وفي ملوك(ن) من تنوخ
يا وطنا لك علينا الحمايه بأنتفاخ

أنا العنزي من روس عنزة والشيوخ
والوطن نحميه في شجاعتنا والصراخ

هل العوجى اللّي حكموا شبه الجزيره
آل السعود وحنا لجلها بنحميها

الامن والاستقرار وحمايتنا خطيره
لجل المملكه بأرواحنا تفديها

يا مرحبا شعّار في شاعر المليون
يا مرحبا وعداد نبض للمعاني

من أسبوع لأسبوع والشعر مضمون
في ساحة الشعر وأحساس الأماني

يا مرحبا وأهلا هلا ولا يهونون
يا لجنة التحكيم طول الزماني

بعض المواقف والسوايا والأفعال
لاجتك من أهل النوايا الخبيثه

رفقة مصالح ماهي لله ولاقال
ولاهي مشت على الدروب الحديثه

للحب فقلوب المحبين قصّه
وللعشق في صدري حكايات وسطور

وأنتي وأنا لك بالقلب حصّه
والشعر غرد لك بأحساس وشعور

يا ما حلا الشبه ليا صرت بردان
في مجلس(ن) كله مباخير وعطور

مع دلة(ن) على النار والجمر ضويان
والبن الأشقر اللي به الهيل مبهور

وأبيات شعري جزلة(ن) كلها الحان
وعذب المشاعر وافيه مابها قصور

وجزل القوافي تمتلي طيب وأحزان
والبرد من شاف الدفى قال معذور

عزة النفس من طبعي وشموخي
والعز للنفس لمنهو من يطبعها

وعايش حياتي ثابت(ن) في رسوخي
والمال من يكسب عيشته ويسنعها

النوم يا باغي ٍالنوم بالليل
خل السهر لهل العلوم السخيفه

نم وتطمن وأترك الهم غربيل
ومن قوم هروج الكاذبه والضعيفه

شد العزيمه وهمتك بالتساهيل
وخل عنك الردى والجروح الطفيفه

خلك كريم النفس والعز والميل
ولا تصير مثل اللي حياته كسيفه

الطيب من يفعل الخير للناس
والخير للي يستاهل الطيبيني

اللي لهم في مجلس الطيب مجلاس
واللي لهم بالمجد فعلٍ متيني

واللي لهم بالعز والفخر نبراس
ودايم لفعل الخير للخيريني

ولا الردي يبطي ما يمسك الفاس
ويبقى ضعيف النفس طبعه حزيني

وخذها نصيحه من الراس للراس
وماهي أمام الناس بينك وبيني

أحفظ لسانك عن الهرج دساس
ولا تتبع الخيب مع الخايبيني

والسور لا صار ماهو على ساس
مبني على مبدأ وشي ٍثميني

تلقاه مهدوم ٍمن الغل حساس
ويبقى طوال العمر للخاينيني

وتبقى الخيانه من طبع الأنجاس
وطبع الوفا موجود بفعل اليميني

بيت ٍمن الشعر يسوى قصيده
لا جيت أبكتب بالمعاني فرايد

الصبر مفتاحه منهو بأيده ..؟
يارب تفرجها علينا عوايد

أنا عريب الجد والعم والقوم
لامن بغيت تشوف النسب والعزاوي


أمعرب الجدين ولاني بمذموم
وأنت الذليل اللي ماهو بمتساوي

ياكبر قدرك بصدري علومه
وياكبرها معاني الغزل والسلامي


ومن الوفا غيّم بقلبي غيومه
وصارت حياتي بين عشق وغرامي


تعالي وشوفي عيوني محرومه
وحسي بشوقي يابعد روحي ومرامي


ولا لا تخلي من حنيني حلومه
ومن نبض فكري ومن طيش السنامي


ومن يوم ماحجر بقلبي همومه
والهم من صكات بقعا حطامي

لا يا قصيدي لا تنتخي بألهامي
خلك عزيز النفس كلمتك لا تثنيها

من باب الحقيقه واقع ٍفي هيامي
ومن باب الصراحه فكرتك تحتريها

اللـه يا وقـت ٍ مـضى في سلامي
راحـت سنين ٍزايـد الخيـر فـيـهـا

أما قصيد ٍيرتفع فوق السنامي
ولا غناة النفس وعزتك تهتويها

( سكر مُحلّي )

سكر مُحلّي والشفايف يا حلاها
...والخد تفاح والعسل من الريق

حـورية ٍفوق العذارى مستواها
...والخصر مايل والحلا فيه تفريق

لاسلهمت كن السحر يطلب رضاها
...والعطر فايح وشوفها يبعد الضيق

قالت أحبك يا منى عيني وغلاها
...وأنت بحياتي كل الفرح والبياريق

قلت الهوى والمشاعر في هواها
...وهي المحبه والمعاني والإباريق

والزين من جسمها ومحتواها
...والطول فارع بالرشاقه وتبريق

الجادل اللي ماعمر عقلي نساها
...وطول العمر هي الغلا بالمعاليق