مجاراه بين الشاعر الكبير الشيخ عبدالله بن دخين الذويبي وفتاة الوشم قبل 17 عام

نقلت هذه القصيدتين عن الاستاذ حسين محمد الذويبي

عندما اطلع على قصيدة فتاة الوشم التي نشرت في جريدة عكاظ
عام 1408 هجريه وعرضها على الشيخ وقال الشيخ اكتب الرد ياحسين الان
وهاهي تجد النور في مرقابكم المميز



[poet font="Simplified Arabic,4,black,normal,normal" bkcolor="transparent" bkimage="" border="none,4,green" type=2 line=200% align=center use=ex length=0 char="" num="0,black" filter=""]

قصيده فتاة الوشم

ياناس عيني من اللوعات مذعوره=ونفسي عيال الفلس جابوا حضايبها
وقلبي يزوم الزعل والنفس محروره=حسيت باللي عيوبه مايحسبها
لقيت رجل وفيه من المره صوره=يمشي على عيب نفسه مايعاتبها
يوم يتمخطر يقلد مشي غندوره= عن مشية الرجل للخفرات يقلبها
قلته وانا من شباب اليوم مقهوره=كيف الحمايل تجنب عن مناجبها
يابنت شومي عن اللي يمشط اشعوره=ويميل بالكعب وفخوذه يهزابها
ليته لبس له بلوزه فوق تنوره=يوم المناقيد مايدرى عواقبها
شباب ياللي عليك السود منشوره=ارفع مقام الرجوله لا تخربها

وقال الشيخ لوقالت


مايعرف البندقه في حكم اخو نوره =ولا يعرف لشيلها ولا مقاضبها


وهذه مجاراة الشيخ
ياليتني عارف ارض الوشم وازوره=وانشد هله عن فتاة الوشم واخطبها
وان كان متزوجه رجال معذوره=اعنا بها وتزوج من قرايبها
اذرى من البر واصرم واحصد ابذوره =في دار الاجواد لوعسرت مطالبها
بعض العذارى من اللابوث ماجوره=تجتازمربى العلا من طيب منسبها
يوم انها بالعقل والعرف مذكوره=مجتازة العرف والرحمن ودبها
تنشد وتعطي ردي الخال مقدوره=وماكل من شافته فالناس يعجبها
وانا اتشوق لهرج العرف وسطوره =والمعرفه من عطايا الرب موهبها
اشعار فيها حكم واشعار مهجوره=وهذا الشعر حكمته في اللوح نكتبها
عذرا تجيد الشعر وتعوم في بحوره=وتجيب الاوصاف من بحره وتكسبها
عسى ديرها من الرجعان ممطوره= من غيث ديمومة هلت ذويبها



وسلامتكم جميع
[/poet]

اررررحب ياطايل




لاهنت لاهنت وانا اخوووك





عزالله اختيار موووفق





وذوق رفيع





وصح السانك والسان الشعراء





لاهنت وانا اخووك




تحياتي

اخي طايل الذويبي

سلمت يدك على هذا النقل الموفق

وفتاة الوشم شاعرة رائعة

واعتقد ان لها وجود في كتاب اسمه شعراء قبيلة عتيبة ونسيت انا اسمها الحقيقي

قصيدتها رائعة ولاقت صدى من الشعراء في لك الوقت ووقد جاراها الشاعر عضيب العلوي الحربي بقصيدة رائعة انشاء اانقلها تحت موضوعك عندما اجدها .

لك كل الشكر والتقدير

قصيده مشهوره لشاعرة معروفه

فتاة الوشـــــــم

من ابرز شاعرات العصر الحالي

لها من القصائد الاجتماعيه والوطنيه الكثير والكثير

ومشكووووور عزيزي على ايراااد قصيده الشاعر عبدالله بن دخين الذويبي

والتي لا تقل روعة عن قصيدة فتاة الوشم

من الاعمااااق اهديك الشكر