.. الذنب والتوبة ..

مساءاتكم شعر ..


.

[POEM="font="Simplified Arabic,5,purple,bold,normal" bkcolor="transparent" bkimage="./images/backgrounds/55.gif" border="none,4,gray" type=2 line=0 align=center use=ex num="0,black""]
لك اشواقي من اول فقد لاخر جرح بغيابك = لك ذبولي وضيم الشعر لا من شق لك ثوبه

لك امطار العتاب اللي وقف ملهوف في بابك = ولا حسيت ولا حنيت ولا تعطيه مطلوبه

لك جروحي ، حمام البوح وسط الروح غنى بك = لك سنين البعاد اللي بدونك غير محسوبة

لك الله يا بعد قلبي وهو مذنبك ما تابك = ملكته يوم ذاك العهد ، صرت الذنب والتوبة

وسرّيته على مسراك وعرّجته على ركابك = ذبح لاجلك شرايينه وكرّت سبحة ذنوبه

خذيت النبض من صدري وغبت فزحمة اسبابك = ويتّمت انتظاراتي وليل الحب ودروبه

هذاك اللي حضن قلبك .. وطنك وصفوة احبابك = سليت وما سلا والبعد ناره تنهش جنوبه

هذاك اللي تنفسته غلا واسكنته اهدابك = هذاك اللي تواريخه بحبر الدم مكتوبة

دخيل النبض في عروقك .. دخيل دموع محرابك = دخيل الوجد ياروحي تعال استره بعيوبه

.

.[/POEM]

.