ياصاحبي .. للشريف عبدالله بن فهيد بن صامل ...!

بسم الله الرحمن الرحيم
هذه قصيدة لاخوي الاكبر// الشاعر الشريف عبدالله بن فهيد بن صامل حبييت ان انقلها لكم لتعم الفائدة


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
ياصاحبي يرزقني اللي يرزق الداب الضرير= اللي يجيه الرزق لاجحره وهو فاتح فمه
سبحانه الرزاق ساق الرزق للطفل الغرير=في وسط بطن أمه يجيه ولاسعى له بقدمه
اللي خلقني يكفل ارزاقي وهو حيٍ قدير=يرزق عبادٍ ماسجدوا له كيف نفس مسلمه
يارب أنا عبدٍ خلقته لاغني ولافقير=وإن ما رحمته ياإله الكون ملي يرحمه
ويارب أنا عبدٍ فقيرٍ إلك ونفسي نفس امير=لو عيشتي في ريال ذل الموت عندي مرحمه
المال زايل والكرامه لا ارحلت تصبح حقير=وكرامتك كالثوب الابيض كل نقطه تعدمه
من ذل نفسه للإله يصير فالدنيا كبير=ومن ذل نفسه للبشر كل الخلايق تنقمه
ومن مات تبقى سيرته لن كان شر او كان خير=أما من اهل الميمنه والا من اهل المشئمه
ياوين قارون الغني وفرعون وهامان الوزير=ولأحقاف والأيكه وتبـّع مع قبائل جرهمه
وين الصحابه بوبكر عثمان طلحة والزبير=راحوا مصابيح الدجى وسط اللي المظلمه
وراحت حضارة لندلس من بعد موسى بن نصير=راحت مساجدهم كنايس والبيوت مهدمه
والقدس له خمسين عام ولادرى ويش المصير=ارجالهم قتلى وأسرى والعيال ميتمه
والرافدين اليوم تنحب دون مثواها الاخير=وصدامها الجبار جاء صدام غيره واصدمه
والزبده إن اللي يطول يصير فالدنيا قصير=وكلٍ يموت وينتهي واللي يبي ماتممه
والرزق ماهو بالذراع وصطوة السيف الشهير=ولا يجيك بحكمه وفطنه وامور محكمه
الرزق لو هو بالذراع الذيب كل رزق الحمير=وكان النغيري جاء على رزقه نداوي وإلهمه
لكن أنا بوصيك واسمع كلمتي قبل المسير=احذر ترى ماكل بيضاء ياابيض الوجه اشحمه
واحفظ ريالك فاليسر ينفعك فاليوم العسير=في يوم من لاتكرمه يمناه مااحد يكرمه
من لاشبع من مخلبه مايشبعه بر وشعير=من زاد غيره وانتبه كلٍ فشقه بمحزمه
وترى البحور الرايقه ماتستقي جم الغدير=ولايكتمل بنيان قومٍ خلفهم من يهدمه
وترى الرغى ماهوب لمدوهان من عقب الهدير=ومن لايعرف الحر مايلام لو يشوي إلحمه[/poem]


وسلمتوووا