معنـــى النـــدامــــة

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياليتني يابدر مارحت للسوق=توي عرفت اليوم معنى الندامه

عقب الذي شفته به الحسن والذوق=ابا السلامه مير مامن سلامه

شفته بعد ما اشرلي بناظره فوق=كنه يقول انا القمر في تمامه

قد لحن القاضي على الطرق طاروق=في قافه اللي غيره في ختامه

ماضنتي يلحس على الخمس مخلوق=من شاف منهي مثل ضبي العدامه

وانا الذي شفته ترك فيه العوق=لو شافه القاضي تغير كلامه

ضامر بطن يابدر والعنق منتوق=فالكف حنا واعتلى الخد شامه

ولو شافه العاقل يبا يصير مطفوق=خطر ليا مره يحذف العمامه

مرات اردد كل مطرود ملحوق=ومرات اقول ان التردد رخامه[/POEM]