الشيخ/فيحان بن سلطان الشغار والشيخ/عبدالرحمن بن ربيعان واللي سحب البياض من الرياض

((الشيخ/فيحان بن سلطان الشغار والشيخ/عبدالرحمن بن ماجد بن ربيعان وسعدون بن فهد الهرس ومحمد بن دغيم السميري واللي سحب البياض من الرياض))



اولاً قصيدة الشيخ الشاعر/فيحان بن سلطان الشغار:

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/14.gif" border="double,10,red" type=2 line=0 align=center use=ex num="0,black""]ليلة البارحه كنّي خلي=وهاجس الشعر من مافي هاض
قام صدري يفيض ويمتلي=والمحبّه مكاويها إنجاض
سافر الزين عنّا ياعلي=عقب سافر ياشينك يالرياض
كن جوّه ظلام الله ولي=شخص واحد سحب كل البياض
صاحبي ياعلي ماله حلي=فارقٍ بالجمال بلا إعتراض
لاتلومون عيني ياهلي=كان منها غزير الدمع فاض[/POEM]

مجاراة الشيخ الشاعر/عبدالرحمن بن ماجد بن ربيعان:

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/14.gif" border="double,10,red" type=2 line=0 align=center use=ex num="0,black""]
انت ياذيب في بطنك طلي=والشواوي يحرصون الفياض
خذ جوابي قبل لاتسألي=لاتخلط الصحاح مع المراض
الاصيلات عندك تصهلي=وتلتفت للأكاديش العراض
ان رضى الخال والا يزعلي=معي شوخن يكفون الحياض
وكان ماصرت من شيعة علي=إتّبع مذهب القاضي عياض[/POEM]

مجاراة الشاعر/ سعدون بن فهد الهرس المرشدي:

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/14.gif" border="double,10,red" type=2 line=0 align=center use=ex num="0,black""]

ودّي ادخل وانا اعرف مدخلي=بين شوخٍ معانيهم غلاض
كلمة الشافعي للحنبلي=سببت بين الإثنين إنتفاض
فالمناهل يميحون الدلي=والحكم بينهم قاضي عكاظ
راعي الاوله دربه جلي=شاف برق المخايل يوم ناض
طير حوران ودّه يعتلي=ويتخيّر من الربد الرباض[/POEM]

مجاراة الشاعر/محمد بن دغيّم السميري:

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/14.gif" border="double,10,red" type=2 line=0 align=center use=ex num="0,black""]
يوم جاني كلامٍ مرسلي=هاض بالي كلام المستهاض
قلت اساهم واقول إبمقولي=واقطف الورد من خضر الرياض
أشترك بالكلام اللي غلي=من غلا الشوخ واللي صار قاض
راعي الاوله مايجهلي=من يلوم المولّع كان جاض
والتعنصر نظامه قد بلي=جا بداله نظامٍ مستعاض
راح وقت النظام الاولي=قدّر الله وجاه الانقراض
إستوى المغربي والمُوصلي=والحقائق تزيل الإفتراض[/POEM]

إنتهى,,,,,,,

ياسلام والله يامحمد على اختيارك الرائع ..


السراحه ابدعتوا و ابدعتوا وابدعتوا وابدعتوا


لكن هالحين الشيخ فيحان ، هو العضو المرقابي الموجود معنا الآن والا اسم على اسم ؟


ولاهنت يالذيب

أخي بن دغيم

الف شكر على اضافة هذه الدرر



قصائد رائعة لشعراء أروع تحياتي للجميع

محمد بن دغيم السميري




لاهنت !!

ابو عمر

وقصائد من ذهب
معزوفات راقيه .. وتميز بلا حدووود
صحت السنتكم .. جميعاً
وادام الله بينكم الموده والمحبه

محمد دغيم

لاهنت على الدرر اللي نقلتها وكتبتها هنا



تحياتي لك