((أجرمت فيني لعنبوا جدّك الجد))

السلام عليكم

وصبحكم الله بالخير يا الغالين

قصيده متواضعه اتمنى ان تجد القبول


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أجرمت فيني لعنبوا جدّك الجــد = مثل (اليهود) أجرامهم في فلسطين
حطيت لي من وين ماجيت لــك ســد = وأحرمتنـي حتى صـلاة المصلين
عقب التواصل والوفاء صرت لي ضــد = وأصبحت أنا وياك يازين حزبين
أن كان قصدك درس في منهج الصـد = ناتج دروسك ناظره داخل العيـن
عذبتني وأسهرتني والغـلا ود = ماهـوب لافـرقا ولا طعن سكين
الحال من فرقـاك بالحيل منهـد = من شاف حالي قال لا حّـول مسكين
وصلت في دعواك لين آخر الحـد = إلي متى وأتبع طريق المقفين
أرجوك ترحمني وترسل لى الرد = قرار مستقبـل غـرام المحبيـن
إما تجـي مشتاق وتعانق الخـد = وإلا بـلاش تصد وتقـول بعدين
خل المعاند عنك دام الحكى جـد = كلمه صريحه منك تسوى ملايين
مانيب لا قدّك ولا نيب لك نـــد = مدام قلبي تحت حكمك من سنيـن

وسلامتكم

خالد بن سكران[/poem]