(عاجل) : تعالوا إلى الإبداع الحقيقي

تظل محاورات الكبار مثيرة في كل شئ ويظل الإبداع ملازما لكل ماقدموه للساحة وهنا إنتقيت لكم هذه المحاورتين التي جمعت كبارا إفتقدنا إثنين منهم وظل أحدهم يواصل إبداعه أينما حل.

محاورتين جمعت الشاعر عبدالله المطرفي الهذلي " الذي إعتزل المحاورة " والشاعر مطلق الثبيتي يرحمه الله وأخرى جمعته مع الشاعر مستور العصيمي.


محاورته مع مطلق يرحمه الله


البدع ( مطلق ) :

سلام ياهل الديره اللي جاء لها السيل
من مزنتاً همالها يسبق رعدها

ماشوف لي في دياركم جيشاً ولا خيل
ياهل العدود اللي تصدر من وردها

(المطرفي) :

يامرحبا ترحيبةٍ نوفي بها الكيل
وتعيش للي قبلها واللي بعدها

عان المشوك في صناديق الرياجيل
وأخصامها تقفي وتشر لك بيدها

(مطلق)

صارت هذيل الشام بين الجدي وسهيل
وايق لها الفارس وهجت من بلدها

الله خدمنا في مشيلت المفاتيل
إليا غرق بارودها ينقص عددها


(المطرفي)

أنتم قطعتوا بحر جده ياهل السيل
وأهل البلد ماتنزل إلا في بلدها

يامطلق أنته صرت بين العدل والميل
وأهل البيوت البانيه تبغى هددها

(مطلق)

حنا خذينا المال كله والخلاخيل
اللي جدايلها تقسم عن نهدها

وأنته تعاين في العرب وتحط وتشيل
ماهابتك بنت الرخوم ولا ولدها

(المطرفي)

ماتأخذ الا ورث أبوك من المحاصيل
واللي غدت قدام عينه ماوجدها

النار شبت وأحرقت نص المعاميل
وأنته بعد فات الدهر تقرأ سندها

(مطلق)

بغيت تسلم مار جابتك المحاميل
والمشكله ماجاتك الا في وعدها

يوم المزون تصب ماها فوق كنثيل
عشرين كيلو فوق رأسك من بردها

(المطرفي)

المرجله ماهي بسوق القال والقيل
ولا كل رجالا يدورها وجدها

يوم الخيال يقود سيله شالكم شيل
والعين مايعمى بصرها الا حسدها



*****************************************

وهذه جمعت بينه وبين الشاعر المميز مستور العصيمي :

البدع ( للمطرفي ) :

يطول الليل والمطرود ملحوق
هلا يامرحبا والليل باقي

انا خابرك يامستور صندوق
ولك صدراً من الأرزاق ضاقي

(العصيمي) :

يطول الليل وإله رعود وبروق
يدوم إلك البقا وإملا السواقي

أنا حاضر معك وأطلع بها فوق
تبان الشمس وتسد الرواقي

(المطرفي)

انا ماذم لا برقا ولا روق
جملا لا تقاد ولا تساقي

يجي فالمعركة سابق ومسبوق
نشوف اللي سبق بعد السباقي


(العصيمي)

ولا ياشاعر غنيت بطروق
أبى الأمان ودور للفراقي

على هونك وسوق القافله سوق
وجنب عن منكسّة الطواقي

(المطرفي)

على وسق البعير اشداد مسروق
وراح من الكويت إليا العراقي

انا اعرف إن للجمال أبطون وحلوق
تذوق العيشة اللي ماتذاقي


(العصيمي)

تدور حق مار أصبحت محقوق
وطارت أبك جناحين البراقي

لكن أهل الخطأ والغر والبوق
جماجمهم على روس السناقي

(المطرفي)

ليا طار الصقر بجناح غرنوق
ترى كلاً يحذفه بالمداقي

صفقت الرزق يابو رزق مصفوق
ولا تشرب حليب أهل النياقي

(العصيمي)

ولا ياصاحبا فالدرب مرفوق
يطاق العلم وإلا مايطاقي

تبا ترجع ونص الرأس محلوق
وأنا واقف لها مالان ساقي

**********************************

لكم خالص التحيات والتقدير ....

وإلى محاورات أكثر روعة من تلك إنتظرونا