خل العيون اللي تداعـب سهرهـا

[poem=font="Simplified Arabic,6,deeppink,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
خل العيون اللي تداعـب سهرهـا=تعرف باليا اسباب ماتسهر العيـن
والنفس فيه أمور سـر تحشرهـا=يعلم بها اللي له عبـاده مصليـن
عينآ شكت كثر السهر من قهرهـا=وعينآ شكت فرقا ولايف وغاليـن
وعينآ شقاها بس يوم أبشهرهـا=وعينآ شقاها طول الايام ياحسين
وعينآ يهل الدمع خدعه بصرهـا=حيله وتغوي ناس ماهو بداريـن
وعينآ تبين حزنهـا فـي نظرهـا=والحزن بين في عيون المساكيـن
ناسآ هموم الوقت غاصت بحرهـا=وناسآ تسابق بالشعـر للملاييـن
وناسآ تقـدم عذرهـا وتعذرهـا=وناسآ عن العذر الحقيقي بعيديـن
وناسآ تعيش وتنبصط في ديرهـا=لو ان ماهو منك ناسـآ قريبيـن
وناسآ تعيف اديارهـا وتهجرهـا=لو انهم اقرب من الربـع الادنيـن
الله مـن همـآ جنـوده نشرهـا=في ضامري وشعل بي الهم والبين
حتى دموعي فوق خـدي نثرهـا=همآ قسم قلبي مع النصف قسمين
من الظروف اللي تزايـد خطرهـا=منها التحرا الشين يقدم على الزين
عزي لمن حظـه حياتـه دمرهـا=ماله تصرف لايسار(ن)والايميـن
وليـا بغالـه حاجت(ن)ماقدرهـا=عنها حداه القل ومقاسـط الديـن
وين الرجال اللي سعد من نحرهـا=اللي بحـزات الشدايـد مزابيـن
اللي بفعل الطيـب كل(ن)شكرهـا=أهل الوجيه الفالحـه والكريميـن
اللي لكل النـاس ياصـل خبرهـا=والهم فعول الطيب رمز وعناوين
مثل الوسوم اللي كريم(ن)مطرهـا=لاجت عقب ماكمل الوسم يوميـن
وسقت ديار(ن)طال فيهـا دهرهـا=وعقب الدهر صارت تشابه بساتين [/poem]