ღ عــذى ღ آآآب ღ

[align=center]السلام عليكم ورحمة الله وبركاته[/align]
[align=center][grade="4169E1 00008B 0000FF 00008B"]اتمنى ان اوفق بطرح كل جديد ومقتطفات من قصائدي
وهذه الابيات الكيبورديه كمقدمه لأفتتاح الركن [/grade][/align]

[poem=font="Simplified Arabic,5,darkblue,bold,normal" bkcolor="darkblue" bkimage="backgrounds/8.gif" border="double,5,darkblue" type=2 line=0 align=center use=sp num="0,black"]
القاف شوّقني لطرقه وقلته = إي شاعره وابدع على كل الاوزان
..=..
وباب الشعر عزالله اني دخلته = وحطيت لي بصمه .. ووثقت ديوان
..=..
مانيب مجنونه ولا نيب فلته = لكن لي في ساحة الشعر نيشان
..=..
في ناظري بيرق هل الشعر نلته=صدّقت روحي وماعلى الروح نقصان
..=..
ومشيت في ذاك الطريق ووصلته = وسجلت من قلبي قصيده وعنوان
..=..
وان جازلي قافي على طول شلته = بالصوت وآجره على كل الالحان
..=..
شعر النبط ما يوم والله جهلته=نعم ورثته والقصايد لها شان
..=..
وشعر الحداثه والنثر معتزلته=واقول في قلبي : (خرابيط ورعان)
..=..
[/poem]

[poem=font="Traditional Arabic,5,deeppink,bold,italic"
kcolor="transparent" bkimage="" border="none,4,gray" type=1 line=0 align=center use=sp num="0,black"]
نزعل ولكّن الزعل مايطوّل=لن الغلا يثّر على القلب ويلين
والضيقه اللي من كلامه تحوّل= أحلى كلام يكون مابين قلبين
الله واكبر كيف كنّا من أوّل!=والحين انا وياه وشلون صافين
وإلا تذكرنا زعلنا انتهوّل=وانقول ياعشق الغرام المجانين[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]

ياحبيبي فراقك عاملن لي مناحه =إمسح الدمع يوم ان المحاجر جريحه
لو بكيفي حبيبي جيت يمك سباحه=لاتلوم الحشا ضاقت علي الفسيحه
لو يقل اتصالك أو تزيد المساحه = لايجي عذر صدك من رسوم الشريحه
اه واويل قلبي لاهب الحب لاحه = والله اني بعد لاماك مثل الطريحه
من فراقك عذاب .. وفي ملاقاك راحه=ياحلات الغلا والشوق محدن يزيحه
قيمة الحب تنبع من كلام الصراحه=الله اكبر على ذيك القلوب الصريحه
ماعليه من الحسّاد واهل الفصاحه=وماعليّه من العذال واهل النصيحه[/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
/
/
انا اشرب عصير ادوّر الضعف والتنحيف = وانا صاحبي ياكل من الصبح سمبوسه
عسى الله يحدك ليه حديتني بالصيف؟ = اروح اتمشى يوم الارصاد معكوسه
غبار وعجاج وضيقتن ماوراها كيف = ليا رحت ساعه جيت للبيت معفوسه
تبيني اخفف ياحبيبي ولا ادري كيف !! = وانا معنويـّـاتي من ايام مخفوسه
وافكر واحاول كيف ابدي مع التخفيف = ووزني مع الميزان كل ساعه آقوسه
انا ماتعبت الا من الكذب والتأليف = تجامل وانا من فرحتي فيك مهووسه
تقول انتي كيكه بس يبغالها تغليف = وكلام المجامل جبت لي كل قاموسه
وهالحين تصدمني بكلمه بلا تكليف = (رجيمك بطيئ وخطتك غير مدروسه)[/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
ياحلو الطريق اللي يمرّه حبيب الروح=إلا جيت من صوبه أردد مواويلي
واغني واجر القاف مع صوتي المبحوح=إغنيه جديده واسمها ( آه ياويلي)
على صوت (ابو نوره) يزيد الوله والبوح=واقول آه من غيره من الناس ياوِيلي؟[/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
أضحك معه واقول : (لوّ ودّك تسافر روح روح) = وأنا قـَسم بالله ماني للموادع قادره
وشلون بتحمّل وهي فرقاه تنقض هالجروح؟ = لكنّ من زود الغلا لا بد اجي وابادره
واقول لهاحفظ كلام الحب يالقلب النصوح = واقرى الرسايل من جهازك وارده مع صادره
خل التواصل بالسفر يبني لنا سد وصروح = من شان قصّة حبنا تبقا بزمنّا نادره)[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
الشعر يُكتب من مفاهيم وفنون = واحساسي الشعري عطا الفكر وخذا
ياكثر شعّار البلد لو يكتبون = وياقلهم من يكتب احساسه .. لذا
لا قالوا الشعّار صعبه يفعلون = وانا بدعت احساس ماقلته كذا
واليا بدعت ابدع على كل اللحون = لنّه يمثل في شرايني غذا [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
لا تاخذك ضيقتك وتقول عفتيني = انا ظروفي قويّه وانت عارفها
تحمّل شوي تكفا يانظر عيني = راحت صعوباتها وهذي طوارفها [/poem]

[poem= font="Traditional Arabic,5,deeppink,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تقول مشتاق وانا جيت مشتاقه = كلن يبي ياخذ الطآله عن الثاني
[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا لا تضايق من تعبك وتعومسك= ليت المرض والله فيني ولا فيك
الله يشافيك ويحفظك و يحرسك = من عين خلق اللـه عسى الله يحميك[/poem]