الصيف فـ أبهـا

السلام عليكم

ارجو ان تحوز هذه القصيده على رضاكم



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مثايـلٍ نظمتهـا نظـم مسـبـاح=سبحـة خطيـبٍ جبتها من سببهـا
من شان جملا الناميه بنت أبو لاح=الله وهبها واحدٍ ما خطبها
جميلةٍ تزهى المجالـس والأفـراح=شامت لبو عشرين عام وحربها
سلبت مابين ثنين سـارق ومـزاح=يامن نشدهـم ويـن ودوا سلبهـا
عزاه عنهـا سدهـا بينهـم بـاح=شريفةٍ ماينطعن في نسبها
ويامن تريدون التزوّد في الأرباح=وقت الغنايم ساهموا في طلبها
دنياً بحر يغرق بها كل سباح=ليا أعصفت محدٍ يطوّع صعبها
يومٍ على ناحٍ ويومٍ على ناح=من ذاق ماها ماسلم من عطبها
ياشاعمين النار مع وقت الأصباح=جزل الغضا والسمر الأشقر حطبها
ساعة مناد الفجر نادى للأفلاح=يامن شعم نار الدلال ونصبها
بفياض نجد اللي بها البال ينساح=ساعات فيها تعدل الصيف فأبها
لا سجّ فيها الرجل يدله ويرتاح=يدله وشئٍ من همومه غلبها
أرضٍ عذى يسلى بها كل سواح=نجد العروس اللي تلالا ذهبها
نسيمها يبري عليلين الأرواح=وقت الربيع ليا أشرقت به خببها
عمبر وعود وياسمينٍ ليا فاح=يرد لأعمار العواده طربها
دنة قنيب النجر فيها ليا صاح=يطرد عن النفس الحزينه غضبها
يازين لا جوا له على الصوت سرّاح=روس الرجال اللي ينومس نسبها
فهروجهم تلقى تعاليل وأمزاح=ماهيب في ودّ الهزيله وجبها
دائم سوالفهم بها شلف ورماح=أمّا قصص تحكي البطوله بأدبها
وألاّ قصيدٍ فيه من شعر سداح=اللي بيوته دائمٍ ينتخبها
من عاش معهم عنه الاوهام تنزاح=شرد السنين تمر به ماحسبها
رفقه وجيره والتواصل والأنصاح=ولا لبسوها ثوب من لا كسبها
دائم تراث أجدادهم حي ماراح=قومٍ تعز بسلمها من قربها
من يستحق المدح قفّوه الأمداح=تبقى المعالم لو راحوا عربها
تلقى الموالي للمواجيب نطاح=وإن حلّت النشبات يطلق نشبها
ينهى عن المنكر ويامر بالأصلاح=وليا عطى له جابةٍ ماعقبها
والطيب ورثٍ من بعيدين الأشباح=والثابته من له جوادٍ هذبها
أحدٍ تورّد به ليا طوّل الشاح=وأحدٍ تروح بحبلها ماقضبها
ولو يرفعون الهزل فوق العمد طاح=يترك رسنها ويتخمّش ذنبها
لاجات حزمٍ لزم جاله توحواح=يجوض عن عسر الدروب وعتبها
وصلوا على اللي منهجه نور وضّاح=مانزّلت غرّ السحايب هدبها[/poem]
..