تهيض الصعاق

السلام عليكم ورحمة الله وبركاته

هذي القصيده قديمه وتعتبر من نوادر القصيد وهي للشاعر عويد الصعاق الذيابي وجدتها في احدى المنتديات بسم شخص من خارج القبيله وقد حذف منها البيت الاول وحرص منى على تراث القبيله اوردتها هنا لطلاع الجميع وعلى حسب اعتقادي ان القصيده اطول من ذالك فمن يعرف لها بقيه عليه ان يزودنا به مشكور

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

تهيض الصعاق بالصدر حسات=والله عليم وخابـرٍ وش مراده

عقب العشا سويت لي خمسة طبخات=شبوب كــشب مـــولعٍ في وقاده

بريةٍ من سوقها تو ما جات=والله كريم ولا يخلي عبـاده
لو كان مرزقنا لبيعٍ وشريات=لتشوف مالٍ ما يحصى عداده

لكن مرزقنا تصيبه عقوبات=ليا جت ليال العسر حنا نفاده

ومن فضل ربي طالبٍ خمس اشارات=ما هـمني جمع القراش ومزاده

الاوله تقليط فرض الصلاوات=من قام في سنة نبيه عـباده

والثانية خطو البنات الحسينات=اللي مَناسبّ حبل هـنه جواده

اللي تحت حكم الرياجيل طوعات=وحاذور من نسب يعـود نقاده

والثالثة صفر الدلال العذيات=ومشب نارٍ ماتعود رماده

نبا بها هرج وضحكٍ وناسات=الياشيدن بيوتنا في الحماده

والرابعة شغل السلاح النقيات=شغل النيامس رمي هنه ركاده

والخامسة حمرٍ من الصيعريات=اصل الحراير ما نقضها الهباده

تقطع لجالج الحزوم البعيـدات=ليا طاوع الحرمه قليل الرشاده

نصيت ابن 0000 إلي فيه حاجات=ولاني ببحّـاثٍ لسـد الرفاقـــه

رّجَال شبــعان ويرده عنوات=وقطع اللحم والدم إله فيه عاده

يالله يا مغني القلوب الشقيات=مالٍ كثير ويطلبـون الزياده

والموت يدرجهم على كل حيلات=يبا يطمن روسهـــم للوساده[/poem]