تـــــــمّ تـــــــــمــ ه

[align=right]المبادي ..[/align]


[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لو ضاعت الأخلاق تبقى المبادي=مهما حصل لي ما تنازلت عنهـا
وعضوية الحره ولو هي رمـادي=ماهـو بقاهرهـا ولاهـو غبنهـا
مدام هي عضوية أهـل الفسـادي=ماهي بمنهم صدق ولاهـم بمنهـا
تبقى بياض ٍ ما يخالـط سـوادي=ويسطر التاريـخ شامـخ زمنهـا
لا يا وسيع العرف بالحيل غـادي=ماهي من اللي كلمتـك تحتضنهـا
ولاهي رخيصه يا مريض الفوادي=لو كل بنت ٍ خاضعتلـه ضمنهـا
ولاهي رخيصه يا خبيث المرادي=دوّر على مثلك رخيـص ٍ ثمنهـا
متظاهر ٍ بالطيـب ودور القيـادي=وماهو مميز شامهـا مـن يمنهـا
هذا بـوادي والمراجـل بـوادي=حتى وهو فـي كلمتـه ماوزنهـا
وكر ٍ من الألماس والجو هـادي=ريب المباني والسخافـه وطنهـا
لب الفسـاد ومزبـن ٍ للجـرادي=كثرت علوم الناس باللـي سكنهـا
قبل أمس نادى بالخلايـق منـادي=وبانت نواياها عقـب مـا دفنهـا
ماهي بمخيفـه وعلـم ٍ وكـادي=لو هو بشي من الدسايس دهنهـا
لو المشاكل من ضعيفيـن عـادي=مير البلا من اللي دياره حصنهـا
وليت المشاكل من عنود وهنـادي=مير البـلا فيهـا وفيهـا ومنهـا
يالله وانا دايـم عليـك إعتمـادي=عِنها على الأنذال يـا رب عِنهـا
وأكتب لها في كل خطوه سـدادي=والنفس من كيد المعاديـن صنهـا[/poem]

[align=right]العــــــش[/align]


[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا طير لا تبني على غصنهم عِـشّ= أتعبت عمرك وأنت تجمع لك أقشاش

باكر تبي تندم علـى جمعـة القـشّ=أنحش مدامك تقدر اليـوم تنحـاش

إبعد عن اللي ناهش ٍ عرضنا نهـشّ= إبعد عن اللي قربهم صايـر ٍ مـاش

أهل الحسد والحقد والكذب والغـشّ=لا عاش قرب ٍ يتعب النفس لا عاش

أطيبهم اللي لا تقفّيـت بـك حـشّ= غشاش في دنياه وإن مات غشـاش

في حضرتك من طيب الورد لك رشّ= في حضرتك ما حش لو كان حشّاش

والعود فيهم عظمـه البالـي الهـشّ=معدوده أيامه على وقـت الأقـراش

أكثر علومه صادرات ٍ مـن الـدشّ= إمتابع ٍ ل( الزير ) مع طاش ما طاش

مع أم كلثـوم ٍ ونجـوى والأطـرشّ=يهز راسه كن صايبه هـش هـاش

عقله عقل طفل ٍ مغربـل ومنطـشّ= اللي يحسّب جمرة السمر فش فـاش

يا طير روّح قِدم تصبح بـلا عـشّ=ولا ّ بعد بكـره نشيلـك بالأنعـاش

وأن كنت باقي جهّز اليوم لك نعـش= ما ظن تسلم دام جـاورت ألوحـاش[/poem]

إهداء للشبرمي


[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
للشبرمي سقنا التهاني مراسيـل=وسمتها وسمي وانا النرجسيـه
مضمونها مبروك يا شاعر الجيل=ومن فوقها مبروك معها تحيـه
تستاهل البيرق ومليون تحصيل=خذيتهـم بالشعـر والمقـدريـه
مثل سفير إلدولته خيـر تمثيـل=ومثل تميـم اللابـه الصيرميـه
مثل سلوم الباديـه والرياجيـل=وما فيه شاعر هقوتني كان زيه
حليم متواضع رزين ٍ وحلحيـل=هادي طباع ومبغض العنصريـه
خلقه رفيع ومنطقه زين بالحيـل=وشعره جميل وفكرته جوهريـه
جاب الثمين اللي له السامع يميل=والناقصه مـا جابهـا والرديـه
يا زين معها جر لحن المواويـل=يضيف للجزلـه معانـي قويـه
لو حافظ إبراهيم هو شاعر الجيل=وشوقي أمير الشعر بالشاعريـه
الشبرمي عند العرب شاعر الجيل=وشاعر تميم اللابـه الصيرميـه
وخل الخلايق بعدك إتحط وتشيل=وإملا جفونك نوم صبح وعشيه[/poem]

[align=right]شرائـح ..[/align]


[poem= font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مـجتمعنا في بلادي مختلف غايه (أُو) وسيله=كل شريحه عن شريحه غير عن كل الشرايح
منهم اللي منزله دايم على روس الطويله=ومنهم اللي عندها أو دونها قايم وطايح
ومنهم اللي كلمته من زينها تسوى قبيله=ومنهم اللي بالمجالس لا هرج هرجه فضايح
ومنهم اللي لا عمل معروف ما عدّه جميله=ومنهم اللي يعمل المعروف ويدوّر مدايح
ومنهم اللي سيرته للناس تكساها الرذيله=ومنهم اللي سيرته عنبر وعطر ومسك فايح
ومنهم اللي لا عشق عشقه يجي في بنت أصيله=ومنهم اللي عشقهم لبنان زايرها وسايح
ومنهم اللي لا لفى صارت ليالينا ثقيله=ومنهم اللي لا لفى بالحال نذبح له ذبايح
ومنهم اللي له طموح ٍ عند غيره مستحيله=ومنهم اللي في طموحه نشر الأخبار البجايح
ومنهم اللي بالمساجد ساجد يناجي خليله=ومنهم اللي بالشوارع تارك ٍ فرضه ورايح[/poem]

[align=right]عنتر وعبــله[/align]


[poem= font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أعظم شعور المرء ذكر المواليف=في موقف ٍ يُسلب من المرء عقله
عندي مثال ٍ حي ما فيـه تزييـف=ما صار بعده لا ولا صـار قبلـه
عنتر ذكر عبله وهو ماسك السيف=وقبّل رماح ٍ تشبه إلثغـر عبلـه
عبله تبسّم له بطيف ٍ ورا طيـف=ولعيون عبله يذبح اللـي نشبلـه
وهذا ذكرني يوم جـوه الملاقيـف=يقول وينك إفزعي لي يـا خبلـه
يا حيف من عنتر زمانه ويا حيف=جرح ٍ على خده وكسـر ٍ برجلـه [/poem]

0
0
0

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الشعر ماهو كلمتين ٍ على بعض = الشعر له فن ومضامين وإسلوب
أن قلت بالحكمه أو ان قلت بالوعض = يبقى قصيدك للزمن دوم مكتوب
وأن قمت ترمي لك كلام ٍ على بعض = لا والله الا فيه مليون عذروب[/poem]

الله يالنرجسيه

صح لسانك

ولاهنتي

هلا اخوي متعب

صح بدنك

شكرا لحضورك

تقديري

[align=right]خليل الشبرمي[/align]


[poem= font="Traditional Arabic,7,gray,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اللي يبي شهره كبيره ومليون = يقدح وينقد في قصيد التميمي
عين السخط يوم الرضا ماله عيون = والحقد في النفس الخبيثه مقيمي[/poem]

[align=right]رحيل أبا فيصل ( فهد العروبه)[/align]


[align=center]عندما وصلني الخبر بوفاة والدي خادم الحرمين الشريفين
الملك فهد بن عبدالعزيز
قادتني المشاعر وأنتثرت مني الأبيات تعبيرا عما ألمّ بي من أسى وحزن
وأحببت أن أصل بمتواضع حروفي إلى مقامه الكبير في نفوسنا جميعنا وأن أنزف دمي عبر الحروف تعبيرا عن بالغ حبي بهذا الراحل الكريم


وإليكم أنزف جرح آخر يضاف الى جراحي .[/align]


[poem= font="Simplified Arabic,6,gray,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الموت حق ٍ بالبشر وأمر محتـوم=ولاهـذي الدنيـا بـدار المقامـي

قبل أمس فيها يروي علوم وعلوم=واليـوم صايـر قصـة ٍ للأنامـي

محد ٍ على الدنيا دوامه على الدوم=الدايم اللّه جـلّ وإلـه الدوامـي

ما تصفي الدنيا ولو حالهـا اليـوم=حال السعاده والرخـا والسلامـي

باكر تصير بحزن وتصير مضيـوم=وعن الفرح عينك وقلبك صِيامـي

وانا حياتي كلها صوم فـي صـوم=بعد الفهد يا بوي عفـت الطعامـي

وعفت السهر والعين ما ذاقت النوم=ودي أنـام وأحلمـه فـي منامـي

خارت قوايه والحشا كلـه إهمـوم=وطاحت بي إعزومي وراحت عدامي

وصارت سمانا خاليه ما بها إنجوم=وساد السكون بعالمي والظلامـي

أبكيك ومن يبكيك ماهـوب مليـوم=ومن لا بكى فهد العروبـه يلامـي

ابكي على زيزوم من صلب زيـزوم=وابكى كريم ٍ من سلالـة كِرامـي

يا خادم البيتين مرحـوم مرحـوم=من صادق الدعوات بختم كلامـي [/poem]

[poem= font="Simplified Arabic,6,gray,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
إسال دموع العين وش هي غلاتك = تعرف غلاتك مع سبب غيرتي فيك
وإن كان مثلي مزعجه في حياتك= أقسم قسم بالله ما عاد أحاكيك
أدري مماتي ما يشابه مماتك = موتي أنا هالحين من كثر مغليك[/poem]