شعر النبط يرثاء وتذرف ادموعه ((رثائيه في فيصل الرياحي))

بسم الله الرحمن الرحيم

هذه القصيده رثائيه في وفاة الشاعر الكبير / فيصل الرياحي
الذي خسرنا بموته علم من أعلام الشعر الشعبي
ورجل من الرجال الكرام الأوفياء
رحمه الله واسكنه فسيح جناته
آآآآمـــــــــــــــــــيــن

[poem=font="Simplified Arabic,5,black,bold,normal" bkcolor="transparent" bkimage="" border="solid,3,black" type=0 line=0 align=center use=ex num="0,black"]
خطب ٍ دهانا صابنا منه روعه=كل الفضائيات قامت تذيعه
فجأة سمعته ما حسبت الوقوعه=خطب ٍ جلل ماهيب إشاعه لكيعه
عام الثلاثين اول بداية اسبوعه=فجيعةٍ يا كبرها من فجيعه
(فيصل) عن الدنيا تقافت نجوعه =للآخره قفت ركابه سريعه
رحل رحيل مستحيلٍ رجوعه=والصبر عقبه مر ما نستطيعه
مرحوم ياللي طيباتٍ جذوعه=من روس قومٍ ٍ بالمواقف شجيعه
أن طاب ساس الجذع طابت فروعه=و(فيصل) من شجرةٍ طلوع فريعه
ناشي من بيوت البقوم البتوعه=بيوت الشرف ماهي بيوتٍ وضيعه
الله يحرم عن جهنم ظلوعه=ويالله عسى قبره رياض وسيعه
أعزي أعياله و باقي أربوعه=على المصيبة والمصيبة شنيعه
ترثاك يا (فيصل )قلوبٍ جزوعه=مفجوعةٍ من جور وقع الوقيعه
وشعر النبط يرثاء وتذرف دموعه=عليه صارت بعد (فيصل) هزيعه
أديب فن الشعر يمشي بطوعه=تجيه صعبات القوافي مطيعه
وحقٍ علي إرثاه من حر لوعه=لجل الوفاء ماهوب حق القطيعه
ون جيت بستعرض محاسن اطبوعه=مكارم الأخلاق عنده طبيعه
من طلعته على الرجوله طلوعه= حتى حجز له مقعدٍ فالطليعه
اللي يحب الطيب يأخذ سنوعه=ومن خالف أدروبه حصل فيه ضيعه
والموت حق ولا عن الحق توعه= نبي نموت الصبح ولا تبيعه
ماحدٍ بسالم لا حشد له جموعه=لوهو تحصن بالحصون المنيعه
ورواحنا بحكام ربي قنوعه= هو الوديع اللي يحفظ الوديعه
يا غافل الدنيا تراها خدوعه=تضحك وهي مثل السراب ولميعه
وللي زرع له زرع يحصد أزروعه=إما اثمرت ولا صريعٍ ظريعه
وأنا أطلب اللي سامعتني أسموعه=اللي خلق فالناس سنة وشيعه
يقبل دعانا فالسجود وركوعه=وفقيدنا تقبل شفاعه شفيعه
ودعوا معي يأهل القلوب الخشوعه=عساه بالجنة درجته رفيعه[/poem]
شعر / نايف بن غتار الرويس