الشاعر عبدالله السياري ( بحث بسيط )

الشاعر والاديب : عبدالله بن محمد بن ناصر بن صقر السياري الخالدي

ووالدة محمد السياري رحمه الله ( 1331- 1400هـ) من الشعراء الافذاذ الذين اثروا الادب الشعبي بقصائدهم المتميزة في كل غرض من اغراض الشعر وله في الوطنيات وشعر العرضة القدح المعلى وله العديد من قصائد ذات النفس الشعري العميق التي تطرب الاسماع وتعجب الالباب قال عنه الشيخ عبدالله بن خميس: في كل درب من دروب الشعر خريت ماهر وعارف مميز وجواد ليس له كبوة وصارم ليس له نبوة صدر له ديوان مطبوع عام 1406هـ .
وايضا له مساجلات مع مشاهير شعراء النبط امثال الشاعر سويلم العلي السهلي وغيرة .


(شاعر الحب )

هذا اللقب أطلقة علية الشيخ عبدالله بن خميس .وقد ظل قلب الشاعر عبدالله السياري متجدد بالحب بالرغم من مرور السنين، وبالرغم من تقدمه في السن يقول:

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قالوا: تحب، وقلت: أجل قلبي حديد=بذر المحبة لـه فـؤادي مزرعـة
ليمات به غصن نبت غصن جديد=دايم ونفسي من غرامي مترعـة [/poem]

ويقول أيضاً:



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عطاني زماني في هوى البيض بالصاعي=بساتين قلبي طيلـة الوقـت مخضـره [/poem]


كما انه له نظرة مخالفة لمن يرى ارتباط الحب بمرحلة عمرية معينة ينتهي بانتهائها، اذ يرى بأن الإنسان لا يمكن أن يعرف عنفوان الحب ونضجه الا بعد تجاوز الأربعين:

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عقب أربعين الرجل ينهض جبينه=توه يعرف الحب فـي عنفوانـه [/poem]

ومن روائع السياري :



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
على خير أشوفك كان حنـا مـن الحييـن=مصير الليالـي تجمـع الحـي مـع حيـه
سرى النوم مع مسراك وأحفت دموع العين=كفـوف تكفـه كفـة الشـمـس للفـيـه
بمان الكريم ارحل وانا في انتظـارك ليـن=تـدور الليـالـي دورة ترجـعـك لـيـه
لك الله ما عن ناظري غبت لـو يوميـن=كوانـي فراقـك كـيـة فوقـهـا كـيـه
ولا والله أرخصتك ولا شفت غيرك زيـن=أنا ادري بحبك لـي وأنـا صـادق النيـه
أبا صلك لو تبعـد وأنـا حافـي الرجليـن=صريع الغوانـي لـو جحـد فيـه ماريـه
تموت القلوب الخالية بيـن زيـن وشيـن=وتعيش القلوب اللي علـى الـود مبنيـه
ترى البعد بعد القلب ما هوب بعـد البيـن=الى صار من ودعـك يـا عـدك بالجيـه [/poem]

وفي الشهر الرابع من عام 1390هـ تحديداً، في ذلك الزمن الذي كانت فيه مكانة الشاعر وقيمته تتحدد بناءً على أفعاله وأخلاقه وإبداعه، لا بناءً على صورته واسمه ورصيده في البنك، في ذلك الزمن الجميل كان صوت الشاعر المرهف الحس عبدالله السياري: وكان الصدى بصوت وإبداع الأمير المرحوم محمد الأحمد السديري: قصيدتان في غاية الروعة والجمال أترككم مع المدح الصادق، والغزل العذب، والحكمة المعبرة، باختصار أترككم مع الإبداع الحقيقي:



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياشيخ يامفني المواحيـل والحيـل=يادرع قومه وامته وقت الأنشـاب
ياحصنها العالي رفيـع المناويـل=من لاذ به يبعد على كـل طـلاب
يافزعة المظلـوم ريـف المقاليـل=ابو اليتيم وعز من لالـه أقـراب
يامحمد الأحمد عشيـر المشاكيـل=ياريف ربعه والمسيـر والأقـراب

وإن جا نهار فيه كـز المراسيـل=بين الجموع وكلحن فيـه الأنيـاب

تشوف أبو خالد عقـاب الهذاليـل=من فوق قباً تقحم العـود موثـاب

له همـة عليـا تنـوس القناديـل=وله في اللقا صولات ابا زيد وذياب

فيما مضى يثني سريع المحاويـل=دون الرمك لاحذف القوم الاسلاب

واليوم هو زيزومها مثـل ماقيـل=بانت عقب ضرب القنابل والأطواب

يشهد على ماقيل ماضي الأفاعيـل=من لابة تقدم إلى هاب مـن هـاب

منازلـه لأهـل الشكالـه مداهيـل=منصاً لشجعان يلفـون الأشنـاب

ولاينزل الافـي رفيـع المنازيـل=ولاحط من دونه عن الناس حجاب

ياشيخ عيني كـن فيهـا سماليـل=كن الجفـون مشبحـات بلأطنـاب

أسهر ودمعي مثل وبـل الهماليـل=وأقعد وأقوم وكل شي لـه أسبـاب

دخلت لي مدخال سهـل المداخيـل=ياليتني فكرت قبـل ادخـل البـاب

وزل القدم بي وسط شرك المحابيل=وأصبحت أنا ما بين مايح وجـذاب

واسلم ودم مـا غـردن البلابيـل=ذخر لمن ناشه من الوقت مخـلاب

واعذر وسامح واقبل العذر تكميـل=يابو هلا ياستر غضات الأشبـاب

واختام مـا قلتـه صـلاة بترتيـل=على نبي وضـح الحـق بكتـاب [/poem]




وقد أجاب الأمير محمد السديري -رحمه الله- على السياري بقوله:



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قـم يامحيسـن شـب نـار المعاميـل=صفصف عليها السمر من زين الأخشاب

وإن ولعت واستضرمـت باللهب حيـل=جـذب سناهـا بالدجـى كـل شـراب

وإن صرمـت والجمـر فيهـا دحاميـل=أزرق سناهـا ذايـب يلهـب الـهـاب

إحمس عليها البـن مـن غيـر تقليـل=واحذر عواقب من هرج عايـب عـاب

ودقـه ولقمهـا وزود لـهـا الهـيـل=حتـى يصيـر الكيـف طـب للألبـاب

ماهـا قـراح صافـي مـن شهالـيـل=من وبل رايـح داجـي الغيـث نحـاب

ياحلـو صبتهـا ابـيـض الفناجـيـل=لي ذاقها الممروض مـن علتـه طـاب

يالخالـدي تطـري عـلـي التعالـيـل=يـوم الرقيـب امعلـق تقـل مشهـاب

يوم الكواكـب مثـل لـون المشاعيـل=وعنا ردي الخال يـا الحيـدري غـاب

جانـا مـن العـارض كـلام بتفصيـل=من واحد يشكي مـن النـاس عجـاب

يشكي هوا راعـي العيـون المظاليـل=وقبله اعقاب الخيل يشكي على احجـاب

ماجـور ياشاكـي هـوا نافـل الجيـل=الله يفكك مـن عنـا عكـش الأهـداب

الطيـر يشبـك بالشـرك مثـل ماقيـل=والصيد يشـرف طـارده كـل مرقـاب

إتعـب وعــد ابنايـفـات الأقـاذيـل=ويبين لك من هافي الوسـط مضـراب

حرك قـدم رجلـك إلـى هـود الليـل=ومن بعد الملقـاف فـي بندقـه صـاب

لازم ياخـو ناصـر تحصـل محاصيـل=تصادف الغـرات تفتـح لهـا أبـواب

معهـن لمـن عنـاك تلقـا محـاويـل=ويبهج افـوادك طقـة النـاب بالنـاب

تشـم بيـن إشفـاه بيـض معاسيـل=يكسر عليهـا عابـد وسـط محـراب

بيـض يشـادن قحويـان الغرامـيـل=فيهـن دواك وداك يـا ذاك الأنـسـاب

يامـا مـن الخفـرات ذقنـا الغرابيـل=ويامام عديت الين عرش القـدم عـاب

وياما زعجت الويـل والحقتـه الويـل=وياما دخلـت ابحـور لجـاب وغبـاب

وياما صطابـي بالهـوا ظاهـد الشيـل=وياما عسفت من العماهيـج الأصعـاب

ويامـا تلويـنـا بشـقـر عثاكـيـل=أيضا ولا أخشى الناب من غاسق الداب

أركض لهن لوهـن اصعـاب المناويـل=وعلي مـن سمـر الحناديـس جلبـاب

اتبـع هـوا جمـا تقـود المغـازيـل=مع صحصح تشرب هـوا كـل خنيـاب

عيني تعـرف الزيـن بيـن الأزاويـل=وقلبي من الرثـم الخراعيـب مرعـاب [/poem]






ومساجلة بين الشعراء الكبار/ عبدالله السياري و صديقه الشاعر الشيخ /عقاب بن مصقال ابن معدل السهلي رحمه الله :



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا عقاب أنا قلبي يبي لـه مـداوا=كوده يجي عمن شغفني سـلاوي
تميت أمن النفـس كـود أتشـاوا=وجرح مثل جرحي مهوب امتشاوي
لولا السلب شفته اجروحي تهـاوا=متخالفـات باالضميـر الاهـاوي
أسهر وأجـاوب ساهـرات تعـاوا=وأن قلت ابصبر عنه مانيب قاوي
عندي قريـب وكنهـم يـم جـاوا=وأنا شفيق ونورعينـي شفـاوي
مليت من كثـر الصبـر والمـلاوا=وانا لوصلة يابن عمـي رجـاوي
مدري مع السبعـان والا الشـلاوا=والارحل مظنون عينـي جـلاوي
عقبه تركت أهل الهـوا والمهـاوا=الله على اني مع أهل البر شـاوي
اليوم موتي مـع حياتـي تسـاوا=ولانيب عن فزعة جنابك غنـاوي
شفني قتيل الحب مابـه ا مـراوا=وكم واحد مثلـي توفـى شقـاوي
[/poem]




رد بن معدل على السياري :




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابو محمـد هاجسـي والحـراوا=ما نتب بدور اليوم هذا مهـاوي
هـل المحبـه ياسنافـي شقـاوا=والحب بلوا من كبـار البـلاوي
والا انت داله خل عنك الهـزاوا=يا نمر ياضرغام عطب الاهـاوي
تبي تعرضنـي طريـق المغـاوا=ولااحب أنا شعر يجي به مـلاوي
معناك وقولـك حلهـن ماتسـاوا=ويحتاج أسئل عنه دار الفتـاوي
مال صاحبك اسم وقبيلـه ومـاوا=وشلون ادورلـه بليـا حـراوي
وأحترت أنا مابيـن لـون ولاوا=واغرب هذا الامر أمـر سمـاوي
باشير عليك يم الطبيـب نتخـاوا=واسئل عن حالك الطبيب الرخاوي
ومعك بمالي وحيلتـي والمقـاوا=وفي فزعتـي مانيـب والله أوي
وليا بغيت امـر عليـه انتنـاوا=انا معك في مشكـلات الدعـاوي [/poem]




اخيرا نختم بهذة الابيات التوعية عن التبرع بالدم :



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لاهنت ياشخص تبرعـت بالـدم=وانقذت لك نفس على حافة الموت
عساك من ميلات الايـام تسلـم=وتلقى جزاها عند من قدر القوت
اسرعت في نجدت مريض تحطـم=ولبيت دعوة طايح يرفع الصـوت
اخوانك اللي تعتزي بـك وتزهـم=وصلت حبل للامل كـان مبتـوت
ومن كان ذا طبعة فلا اظن ينـدم=يعوض المفقود كاس من التـوت [/poem]






المراجع :

كتابات بداح السبيعي - قاسم الرويس -جريدة الرياض
جريدة الجزيرة
ديوان عقاب بن مصقال بن معدل السهلي
سالفة وقصيدة -الجزء الثاني - محمد الشرهان

وصلني ع الاميل ..

الله الله الله

اختيار رائع يامحمد لشاعر كبير وقدير

الشاعر // عبدالله السياري

من الشعراء المميزين واللي قصائدهم لها طابع خاص فالنفس

لاهنت يامحمد

..

[align=center]الله يعطيك العافية يا أخ محمد على الاختيارات الجميلة


وحقيقة أنا أفرح جداً حينما أرى اسم الشاعر الكبير عبدالله السياري لعدة أسباب


ففضلاً عن إبداعه الشعري فهو رجل شهم وله شخصية جذابه تستحق الإعجاب

وأنا شخصياً من المعجبين بإبداعه وبأخلاقه وبثقافته الكبيرة وبالكثير من الصفات التي يمتلكها

ولا أستطيع أن أخفي مشاعري تجاهه لأنني كسبت بمعرفته أشياء جميلة

أسأل الله أن يديم له الصحة وأن يطيل في عمره


ألف شكر يا أخ محمد[/align]

هلا اخوي محمد
الف شكر على هالنقل الرائع

الف شكر لك على البحث


وتسلم والله على البحث الطيب


<< يبحث عن الباحث السبيعي >>> لانه ثقه من الثقات الوافيين


التحيه والاحترام لكم

’

:



ياسلام عليك يامحمد


اختيار رائع وجميل .. لــ ..شاعر جميل
لاهنت ولاقصرت

شاعر كبير ..
وعزالله انك عطيتنا شي ٍ نجهله عنه

نبذه عن شاعر قدير مختصره ومفيده

الله يطوّل عمر الشاعر عبدالله السياري ويطول عمرك يا محمد

الف شكر لك على الموضوع

محمد العجمي



نقل جميل واختيار موفق .. دمت متألقاً بهذا التوهج


تحياتي


..