هروج العواذل لو تجي بابها مزلوج = ( لكن القلوب الفاسدة من يعلمها )

آخر ماكتبت

أتمنى أن تنال الإعجاب

[poem=font="arial,6,purple,normal,normal" bkcolor="transparent" bkimage="" border="double,3,silver" type=1 line=1 align=center use=ex num="0,black""]
أثر من تغيب أغيب وأنا عليك أبوج = أبوج الديار اللي محول ٍ معالمها
أغــّيب مع الهاجوس في المنزل المسهوج = بعد ما أمحلت دار ٍ من الوبل راحمها
كريم ٍ يساقي خيال وبله سكك وفجوج = وأسرح مع اللي رايح الغرب واسمها
وأمر المكان اللي لياضقت رحت أدوج = ليا ضقت من صكات بقعا وأوادمها
ووصلت المكان اللي يبين به المنتوج = ليا دار دالوب المشاعر تغانمها
خفوق ٍ يسوج أفكار الأبيات فيها سوج = مثل ٍ رسمة الرسام بالفكر راسمها
تجيه القصايد وسط صدري بليا سروج = كأني على جزلات الأبيات ناهمها
عليك أنت ياللي ساكن ٍ فالضلوع العوج = سكنت الضلوع وقمت بالشوق تدحمها
سكنت الضلوع وصار فوق البروج بروج = مبانيك فالخفاق محد ٍ بهادمها
وانا خاطري من جيت يمي وهو مبهوج = يسوق البشاير والبشارة يسلمها
ياراع الثمان البيض والناظر المدعوج = ترى غيبتك يازين ماني برايمها
ليا صرت تصبر فأنت فاللي حصل محجوج = من الحجه اللي كلمة الحق تخدمها
وإذا صار عندك عذر درب الخطا منهوج = ياكم واحد ٍ يخطي والأعذار قدمها
وانا خابرك عقب العتب خاطرك مزعوج = تهل العباير وأنت فالقلب كاتمها
مابيني وبينك يا أكحل العين كثر هروج = أنا نظرتك يازين بالعين فاهمها
هروج العواذل لو تجي بابها مزلوج = ( لكن القلوب الفاسدة من يعلمها ) [/poem]