مراااده مع الشاعر القدير: خلف الأسيد

السلام عليكم ورحمة الله وبركاته
واسعد الله جميع اوقاتكم بالخير والمسرات
متواضعه اضعها بين ايديكم وهيا رديه بيني وبين أخي الشاعر القدير:خلف الأسيد
البداية كانت من عندي بتلك الأبيات التي وجهتها لأخي خلف الأسيد


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] نسنس نسيم الشمال وطابـت الشبـه=بالخايـع الـي مربـاتاً رواتيـعـه
بالفيضه اللي مغيـر البـارح مغبـه=مـن مدلهمـاً تمثنتهـا مضاليـعـه
مزناً يسوق الـروى والبـرق يلهبـه=سارٍ بغلس الدجى تضـوي شعاشيعـه
عله علـى مـا نـوده يامـره ربـه=ياحلو عقب الروى للنفـو تجضيعـه
يزين عقب المحـل والخيـر يرحبـه=وتخضـر افياضـاً عذياتاً مرابيـعـه
وتلقى أم سالـم مـن الفرحـه تقلبـه=وغر الزبيدي يشوقك بـه مصاليعـه
ويكتب لـي الله طولـت عمـر واطبـه=واطرب القلب فـي شوفـة مواليعـه
فوق ادهماً بالولايـه مصنعـه صبـه=مضمون مالفقـوا بالصيـن تجميعـه
يشدي فريـد الحـرار بعالـي التبـه=امقرنسـاً يعجـب الصقـار تطليعـه
جمساً انصيـه بيـت اللـي يرحبـه=يامرنـي الشـوق لملاقـاه واطيعـه
واشكـي لا بومزهـر اشطوناً تجاذبـه=ابـدي خفـا خافقـاً دارت مشاريعـه
خلف خلف له شفوق النفس ومحبـه=لي به مطامع وهو له بـي مطاميعـه
عزاي وانـا عـزاه ان هبـت الهبـه=كان الزمن ساعةٍ قلـت مشافيعـه
هاك الشناحـي اعـدي فيـه وارقبـه=يطيـب لمغربلـي زمـت روافيـعـه
الله يامطـيـب ايـامـاً اتـقـربـه=ليت الليالي تجـي لرضايـه امطيعـه
واخذ رهى من قراح النفس واشربـه=واروي معاطيش عمراً طال تجميعـه
مليت طـول السنيـن اللـي تلاعبـه=واللي مضى من الزمن ياصعب ترجيعه
لا يابو مزهـر قضيـت العمر امذهبـه=شياً بنفسـي عسـر للخلـق تطليعـه
بلشت يامسندي واحتـرت وش طبـه=واليوم قامـت تجـدد بـي لواميعـه
واقبلـت مثـل العليـل اللـي تقلبـه=لوعات بقعـا علـى همـه وترويعـه
مثلي مثل مـن تقلـد داه فـي عبـه=مبلي وصابر علـى جـرة مواجيعـه
مع عالماً ما طفى مـن النـار تلهبـه=مذاهبـاً لاهـي بسنـه ولا شيـعـه
تبحث عن السـد والخافـي تمرقبـه=يوعز لها ابليـس بالغـرات وتطيعـه
يامزبني لا بنـو مـن الحبـه القبـه=ارضى برايـه وتوجيهـه وتشريعـه
انا اتعب النفـس ولا المنحـي اكبـه=لاصـار مافـاد بالمجبـول تطبيعـه
ولو ما ادري انك تعرف القصد لا نبـه=لاشك ما اضـن تخفاكـم مواضيعـه
لا قدراحمـد الزمـان ولاقدراسـبـه=مجبور به لو شكيت اجروح تجويعـه
وسلامتك يابو مزهـر عـد مااكتبـه=خطاً بعثتـه لـك ابعـاداً مراميـعـه [/poem]


(( وهنا رد الشاعر القدير: خلف الأسيد الشراري ))


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] هبهب نسيم الشمال وزانـت الشبـه=بالخايع الـي تسامـر مـع لواميعـه
مزنـاً نشاوانتشـا والبـرق يلعبـه=كنه على عاشقـه يفـرض مطاميعـه
ارعف بروض الحيا والقـاع نصبّـه=لما ارتـو كـل وادي مـن قراطيعـه
بالديره اللي عليل القلـب هـي طبـه=هيض غرام النباوي واعلـن البيعـه
من خاطره جا عزيز. وجيـت ارحبـه=مشتاق لمقابله مـن عقـب توديعـه
مشتاق له شوق فوق الشوق واحتبـه=ماهمنـي جاهـل المعنـى وتقنيعـه
الله يحييـه يــوم الـحـظ قـرّبـه=مع مد لهماً. يـروع الليـل ترويعـه
الساري الي نهل مـن منهـل الغبـه=لعيون وجه النـدى هلـت مداميعـه
قامت تراقص حجولـه ليلـة الهبـه=يازين حسـه. ومسيـاره. وتوزيعـه
جلجل بصوت الرعد والليـل ماضبـه=ديمه ضرب موحشه وارعب مفاريعـه
موجـه تخطـاه والنسمـه تلاعـبـه=قضت جدايل هدبهـا مـن مراويعـه
نسمة هبوب الشمـال الـي تهبهبـه=عذب المحيطات شربت مـن ينابيعـه
لي مع هواهـا هـو قلباً تروضبـه=ريماً ملك خافقي بأسمـه. وتوقيعـه
اغليـه كـل الغـلا وادراه واحـبـه=وامشي على رغبته وارضاه واطيعـه
هو روح روحي. وانا الي حيل معجبه=وش عاد لو حطني خاتـم باصابيعـه
ياكثر مـا جـار فـي قلبـي وعذبـه=مير الغلا يستطيـب القلـب توجيعـه
العيـن لاجلـه يابـو نـواف مغتبـه=والقلـب مستيسـره فنـه وتدليعـه
مرابعـه مـن شمـال طريـف للبـه=هـذاك مهمـا حصـل والله مابيعـه
منزال بيتـه بروضـاً خابـره غبـه=روعة جمال الطبيعـه هـي مطاليعـه
يزها بهـا السوبـر اللونيـن لاطبـه=وقام يتخضع مـع المحـدار والقيعـه
وشعشع على نابي المرقاب باسطبـه=واخوا كما يخوي الشيهان مع ريعـه
واشرفت انا وانت حزماً بايسر التبـه=واقبل علينا الهوى يرسـل ذعاذيعـه
وانهل نـور القمـر والنـار مشتبـه=واعطيتك العلم عن باقـي مواضيعـه
التايه اللي بنـا مـن الحبـه القبـه=حذراك.. حذراك.. لاتقطـع مقاطيعـه
المنتحـي عنـك كبـه. لا تقضـبـه=والثوب لا بـاد عيبـه فـاق ترقيعـه
ما ينفع السلـك لامنـه فـرط حبـه=طبعه كذا وانت مـا تقـدر لتطبيعـه
ومن عجـز النـاس طبـه لا تطببـه=ترى دوى المنتهي مـا فـاد تنويعـه
طوح بقشر الرطب واتعب علـى لبـه=القشر ابا اوصيك لايغريـك تجميعـه
وان جاك ملح البحيره بالبحـر كبـه=الذيب مايتبـع اللـي سـن تجويعـه
هاذي مراميـع مـن لغـزك تعجبـه=يالقـرم لعلهـا صابـت مراميـعـه [/poem]

وسلامتكم

مرحبا يامحمد ومسهلا

وصح لسانك مليار أنت والشاعر خلف

عز الله درتيّن مافيهن كلام

تقبل ودي وتقديري

أخوك

خلف خلف له شفوق النفس ومحبـه
لي به مطامع وهو له بـي مطاميعـه
عزاي وانا عـزاه ان هبـت الهبـه
كان الزمـن ساعـةٍ قلـت مشافيعـه
هاك الشناحي اعـدي فيـه وارقبـه
يطيـب لمغربلـي زمـت روافيـعـه
الله يامطـيـب ايـامـاً اتـقـربـه
ليت الليالي تجـي لرضايـه امطيعـه
واخذ رهى من قراح النفس واشربـه
واروي معاطيش عمراً طـال تجميعـه
مليت طـول السنيـن اللـي تلاعبـه
واللي مضى من الزمن ياصعب ترجيعه


......................................

الثوب لا باد عيبـه فـاق ترقيعـه

ومن عجز النـاس طبـه لا تطببـه
ترى دوى المنتهي ما فـاد تنويعـه
طوح بقشر الرطب واتعب على لبـه
القشر ابا اوصيك لايغريك تجميعـه
وان جاك ملح البحيره بالبحـر كبـه
الذيب مايتبع اللـي سـن تجويعـه



الله لايعجم لسانك
وصح لسان الشراري
كل اعجابي المقرون بالصدق
ولك سلامي وبلغه الشراري
اخوك سعود القت

صح لساااانك صوت وصدى فذه


تحيتي

صح السنتكم ملايين

وبيّض الله وجيهكم

لا قدراحمـد الزمـان ولاقدراسـبـه
مجبور به لو شكيت اجروح تجويعـه
وسلامتك يابو مزهـر عـد مااكتبـه
خطـاً بعثتـه لـك ابعـاداً مراميعـه



روعة .. روعة


صحت السنتكم .. ولا هنتم


..

صح لسانك

أنت والشاعر خلف

مافيهن كلام

تقبل ودي وتقديري

أخوك

المشاركة الأصلية كتبت بواسطة نواف نايف

مرحبا يامحمد ومسهلا

وصح لسانك مليار أنت والشاعر خلف

عز الله درتيّن مافيهن كلام

تقبل ودي وتقديري

أخوك

اخي العزيز

نواف نايف

تشرفت بحضورك الكريم

صح بدنك ولاهنت يالغالي

احترامي وتقديري

المشاركة الأصلية كتبت بواسطة سعود القت

خلف خلف له شفوق النفس ومحبـه
لي به مطامع وهو له بـي مطاميعـه
عزاي وانا عـزاه ان هبـت الهبـه
كان الزمـن ساعـةٍ قلـت مشافيعـه
هاك الشناحي اعـدي فيـه وارقبـه
يطيـب لمغربلـي زمـت روافيـعـه
الله يامطـيـب ايـامـاً اتـقـربـه
ليت الليالي تجـي لرضايـه امطيعـه
واخذ رهى من قراح النفس واشربـه
واروي معاطيش عمراً طـال تجميعـه
مليت طـول السنيـن اللـي تلاعبـه
واللي مضى من الزمن ياصعب ترجيعه


......................................

الثوب لا باد عيبـه فـاق ترقيعـه

ومن عجز النـاس طبـه لا تطببـه
ترى دوى المنتهي ما فـاد تنويعـه
طوح بقشر الرطب واتعب على لبـه
القشر ابا اوصيك لايغريك تجميعـه
وان جاك ملح البحيره بالبحـر كبـه
الذيب مايتبع اللـي سـن تجويعـه



الله لايعجم لسانك
وصح لسان الشراري
كل اعجابي المقرون بالصدق
ولك سلامي وبلغه الشراري
اخوك سعود القت

اخي العزيز

سعود القت

ياهلا ومسهلا

حضورك تشريف طال عمرك

شكرا لك ولهذا التواجد الكريم

وسلامك وصل يابعدي ويبلغك سلامه

احترامي وتقديري

صح لسانك ولاهنت يامحمد ،



صوت وصدى لا يعلى عليهم ، شعار مبدعين وشعر جزل




صحت السنتكم ولاهنت


تحياتي

الله الله

مساجله على مستوى

صح لسانك يامحمد و لسان خلف الاسيد .. , مبدعين عزالله

محبتي ومتابعتي ياغالي

اخوك

عزالله انها جواهر يابن دويشر
صح لسانك يامحمد
وصح لسان خلف

تقديري الجمّ