العمر مهما طالت أيامه ........

السلام عليكم ورحمة الله وبركاته وأهدي لكم هذه البويتات للتواصل

[poem=font="Arabic Transparent,5,darkblue,bold,normal" bkcolor="transparent" bkimage="" border="double,4,skyblue" type=1 line=0 align=center use=ex num="0,black""]

ياسيدي ياخادم البيتين يارمز الوطن = جيشك يبلغك السلام وناد ويجيب الندى
سكنت باعماقه يابو متعب وبعماقك سكن = وزيارتك تعطيه حزم وعزم بوجيه العدى
أبشر بنا وقت الطلب نطفي مقابيس الفتن = ونذود عن دار الرساله والنبوه والهدى
العمر مهما طالت أيامه مردّه للكفن = والمومنين يفضّلون الموت أعزّى وشهدى
نعوذ بالله من ثمان الحزن منها والجبن = ونعوذ به من ذمة الخاين وشر الاعتدى
ياطامعين أغلى وطن واطهر ثرى موتوا غبن = لابد مانقضي عليكم لو بعد طول المدى
شرذمة ٍ ماقصدكم غير إختلالٍ فالامن = افكاركم متسمّمه وقلوبكم منبع ردى
ماعندنا تفريق بين اهل القرى واهل المدن = دون الحدود جنود لو فينا ألويه والا اعمدى
تاريخنا محفوظ ومدوّن على صدر الزمن = ماهو روايه تنّقل من منتدى في منتدى
أما تروح ارواحنا من دون أراضينا ثمن = والا على طعم النصر بكره نهيجن ونحدى
[/poem]

وسلامة الجميع