للتواصل....نبض الشعر..

السلام عليكم ورحمة الله

قصيده للتواصل عسى تشفع لي عندكم على الغياب

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يانبض خفاق الشعر ياوريده=ياطلت اليوم السعيد وصباحه

وشلون ماتستاهلين القصيده=وانتي وناسة خاطري وانشراحه

ماودش أعطيش العلوم الأكيده؟=في وسط قلبي ماتركتي مساحه

وجهش ماشاءالله والبراءه تزيده=من الحلاوه مايكرر نجاحه

يابنك حب اللي يبيش ورصيده=ياتاج راس الزين مدري وشاحه

يارحة القلب الشقاوي وعيده=اللي لش من الشوق يكفخ جناحه

لاتبخلين بكل فرصه جديده=مادام فرصة شوفتي لش متاحه

من ندّر بيوت القصيد الفريده=سويت لش في ساحة الشعر ساحه

اللي فتني فيش أشياء عديده=الزين..والسر الخفي..والسماحه

وشموخش بوجه الضروف العنيده=والثقل..والعفه..وزود الصراحه

تجوّلي في روض قلبي وحيده=قلبي لش من الشوق والحب واحه

وانسي هموم الوقت الاقشر وكيده=واخذي مع جو الغرام استراحه

مفتون في لهجتش لانها فريده=واللي محليها بصوتش بحاحه

دخيل عطفش والصفات الحميده=والليل فوق الشمس لأسدل جناحه

ماتبخلين بكل فرصه جديده=مادام فرصة شوفتي لش متاحه
[/poem]


وسلامتكم