(شعــــر...النثــــــري)

بسم الله الرحمن الرحيم



السلام عليكم ورحمة الله وبركاته



هنا ...


سوف تجدونني بكل حالاتي


مروركم يسعدني ويشرفني

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
يابنت لك في داخل الصدر منزال=ومن كثر حبك مشغل القلب عنّي
انا لحال ويالغلا قلبي لحال=دايم بعزله كن ماهوب منّي[/poem]

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=0 line=1 align=center use=sp num="0,black""]
ياليت قلبي بحبه مايهوجس لي=مادام حظي بوصله ماتهيالي
ابو عيون ٍ لاناظرلي تناعس لي=ياويل قلبي عليه ويابري حالي[/poem]

،

هنا نسوق البشاير ، لـ متحريها ،
ياللي تبا الشعر جاك : مشاري النثري


،

صديقي : مشاري ..!
سعيد جداً بـ تدشين ركنك ،
لـ ثقتي بـ أنه سـ يحوي كل ما يروي الذائقة ،

سجلني عندك متابع من الآن !

المشاركة الأصلية كتبت بواسطة طلال الجميلي

،

هنا نسوق البشاير ، لـ متحريها ،
ياللي تبا الشعر جاك : مشاري النثري


،

صديقي : مشاري ..!
سعيد جداً بـ تدشين ركنك ،
لـ ثقتي بـ أنه سـ يحوي كل ما يروي الذائقة ،

سجلني عندك متابع من الآن !

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الله يحي البيوت الله يحيها=وبالشاعر اللي يغنيها دبل واثري[/poem]

صديقي طلال

اشكرك على مرورك

لكن رجاءً لاعاد تكتب لانه ركني لحالي هههههه

[poem=font="Simplified Arabic,5,indigo,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]
ليتها يوم انثنت مثل عود الخيزران=ماتمادى رمشها بطعن روح ٍ زافره
الغلا فاحت دلاله بريح الزعفران=واروت ضلوع ٍ بفوح المحبه طافره
البنات عيونهن برخوف وبر امان=ميرهذي كلها عندها متوافره
لاجرحت بعيونها تداوي بكلمة حنان=المشاعر مسلمه والوصايف كافره[/poem]

[poem=font="Simplified Arabic,5,darkblue,normal,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يافاتنه أبني من امالي بيوت=وتجين وتهدين مبناي كله
واقول عطها فرصه شوي .. وتفوت=حتى يئست من الحياه الممله
اليا ذكرتك قلت ياربي اموت=واتخيلك تبكين .. واستغفر الله[/poem]

.

.



[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
ثنتين ماصعبها على الناس ثنتين=ياكثر مافيها من أحزان وجروح
صدة رفيقك كنّها لطمة العين=وفرقا حبيّبك كنها نزعة الروح[/poem]

.

.

.

.

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
كل ماشفت حلوه قلت يالبى=وكل ماقفت تخطى قلت ياصبري
قطعة ٍ من مذاق كريم ومربى=غلفتها عباية عودها المبري
احسب انّ الغلا فالصدر يتخبى=لين شيبي طلع ماهوب من كبري
خافقي ممتلي بالحب ومعبى=كل مازاد ينزف فالورق حبري
الحلا اللي بوسط الشيله مغبى=لدة ٍ من نواعس خدّره تبري
رحت معه استقي لي علم واتنبّى=طرقتي مع دروبه طرقت العبري
النهر والزهر والمهره القبى=كل ماجيتها لاهي على خبري
ياجميله مصير القلب يتربى=خافي الله لا تحديني على قبري[/poem]

مجاراة الشاعر العذب راع الكحيله لقصيدتي المرثيه في أخي مشعل النثري

جزاه الله عني خير الجزاء


قصيدتي

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]

لاواعـنــاي مـــن الـسـهـوم العـطـيـبـات=الـلــي ماتاسـعـهـا الـضـلـوع الـمـحـانـي
ياليتنـي ميّـت ومــن ضـمـن الامــوات=ولا انفجـعـت بـواحـد ٍ مـــن اخـوانــي
الـلــي خــذتــه ايــــام بـقـعــا الـمـريــرات=واقـــفــــى وخـــلانــــا بــفــقـــده نــعــانـــي
والـلــي معلـمـنـي بــــه ابــــوي بــالــذات=يــــوم اتـصـلـبـي فـالـريــاض ودهــانــي
يقـول مشعـل صـار لـه حـادث ومـات=ووقـفـت مــن هــول المصيـبـه ثـوانـي
ماسمع ياكود اصبر وبعض التنهات=وثـــــره يـقــصّــر بـنـهـتـانـه عــشــانــي
وانـهـل دمــع الـعـيـن غـــارات غـــارات=حــاولــت ارده بـالـرمــوش وعـصــانــي
تــشــوف لآثــــاره رســـــوم وعــلامـــات=الــخــد فــيــه رســــوم والــوجــه حــانـــي
نـعـم .. مــن الفـرقـا وكـثـر المـعـانـات=بـكـيــت حــتــى مــــن عـرفـنــي بـكـانــي
مـاهــو جـــزع بــاقــدار رب الـسـمــوات=لــكـــن فـــــي نـفــســي بــقــايــا أمـــانـــي
امـــا وداعــــه قــبــل مــوتــه بـلـحـظـات=ولا قــبــل يــاخــذه .. مــوتــه خــذانـــي
قــرم ٍ حمـاسـه لكـتـسـاب الـجـمـالات=اعــــــز مـــــــن تـحـقـيـقـهــا بـالـمـعــانــي
الله فـــيـــه مــــــن الـــوفــــا والـــمــــروات=والله فـــيـــه مــــــن الــعــطــا والـتـفــانــي
يعرف وش ابغى قبـل اقولـه بنظـرات=واطـــوع عـلــى تنفـيـذتـه مــــن بـنـانــي
لـو فـيـه مخـلـوق ٍ خــدم بالصـلـوات=ان كــان حـتـى فــي صـلاتــي كـفـانـي
عـــســـاه بـالـجــنــه رفـــيـــع الـــدرجـــات=وانّـــه يـعـيـن بـمــا بـقــى مـــن زمـانــي
موتـه بطـش بالخـافـق وحـطّـم الــذات=وتهبيطـتـه وســط القـبـر مــوت ثـانـي [/poem]



قصيدته

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]


يامشاري النثري عساها سلامات =الله يجيرك من صدوف الزماني
الأوله مأجور يأبن الشكالات =ويجبر عزاكم في عريب المجاني
والثأنيه من بعد ماشفت الأبيات =مدري وش اللي في ضميري كواني
ارسالتك ماهي بمثل الرسآلات=فيها الحزن غطا جميع المعاني
سريت مع حرفك دقايق و ساعات=وازريت لانطق كلمة ٍ من لساني
حسيت صوتك مختلف بين الآصوات=كنه يناديني وآنا في مكاني
صار الحزن يقطع بقلبي مسافات =يالجدي لاتبكي سهيل اليماني
وانا مالومك لو تبيح السريرات =اللي فقدته محزمك يافلاني
لو البكا يرد غالي بعد فات =والله لأبكي معك سر وبياني
ياكثر مانذكر من الربع الأموات =اقراب والا آحباب والا عواني
راحوا وطاريهم بقى حي مامات =يالله عساهم كلهم للجناني
نضحك مع الدنيا والآيام عجلات =والعمر لو طالت لياليه فاني
لابد مانأخذ مع الموت سكرات =ومترين خام ويالله المستعاني[/poem]


.


.

وصلني قصيده من الشاعر العذب رفاع النثري

مرثيه في أخي مشعل النثري

جزاه الله خير الجزاء

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
اللــه من فكــر" تصـافـق طـواريـه=واللـه من جفـن" مـن النوم خالي


ياجعل قبر" حاوي الجسـم يـسقـيـه=رب السـمـا مـن بـاردات الخِـيـالي


مرحـوم يـا مـن مستقـيمـه مماشيـه=فالطيب والعـــز ودروب الرجالـي


أمـجــمّـل اقبـال الرفـيـق ومـداريـه=ومعز شان الضيـف في كل حالـي


عذب اللسان من الولي كان معطيه=ياللـه تعفــي عنْــه يـاذا الجـلالـي


وبالمغفـره والصـفح والعفـو تنجيه=وتجزيـه ياللـه فـي شبابـه بـدالي


جانـا الخبر من صاحب" كان يغليه=جانا ودمعـه فــوق خـديـه سـالي


ثـم قال مشعـل ربنـا اليـوم باغـيـه=ثم نشْفت عروقـي وسلّت حوالي


وقـفـت كنـي عاقـل الـقـوم هاجـيه=من ظيقتـن فالصـدر عيّـت تـزالي


واقفيت مع فكر"صطا الهم طاويه=مع ذكريـات" في زمان" مظالي


لا جيت ضايق من بلا الوقت ناصيه=يشرح قباله ضيـق قـشـر الليالـي


قـد قيل عمـر الشهْم ما يهتني فيه=وشفنا بمشعل صدق قول المثالي


واللـه لـوّ المـوت يذبـح لأجـازيـه=من بعد ماهـو بينـنا اليـوم حالي


مير الله الـلي شـاء والكـل مرضـيه=راضـيــن لـوّ العلـم هدّ الـكهـالي


عـسـى بجـنات الولي دوم نـلقيـه=من حر بقعى نـهتنـي فالظـلالي[/poem]

.


.


.


.










[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
الغنا ماهوب تجميع الذهب خوف الفقر=أرتفاع النفس عن تذليلها هو الغنا
والعنا ماهو تصبّارك على وقت الهجر=الحياه اللي قبل وقت الهجر هي العنا
والفنا ماهوب تهبيطتك في لحد القبر=غفلتك عن تأدية واجبك هو الفنا[/poem]







.

[poem=font="Simplified Arabic,5,gray,normal,italic" bkcolor="transparent" bkimage="" border="none,4,gray" type=0 line=1 align=center use=sp num="0,black""]


احبك .. كلمة ٍ ماتنجحد في داخل الوجدان=اذا ماقالها لساني دخيلك ناظر عيوني[/poem]

[poem=font="Simplified Arabic,5,green,normal,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الروض الاخضر والشبب والمناعير=وصفّة دلال ٍ فوق نار ٍ تسارج
ونسيم ٍ لنفحه تفك الازارير=والشعل فالحزم المناحر تدارج
هذي حياة ٍ ترجع الروح يامير=حياة عز وغيرها مايخارج[/poem]



للايضاح


الامير هو

صاحب السمو الامير سلطان بن سعود آل سعود حفظه الله

[poem=font="Simplified Arabic,5,royalblue,bold,italic" bkcolor="transparent" bkimage="" border="none,4,gray" type=0 line=1 align=center use=sp num="0,black""]
ارحبي ياشيخة الغيد ارحبي=قلتها يوم ارفعت لي عينها
ياصلاة الله على وجه النبي=تمشي وتاقف تعب من لينها[/poem]










.

مشاري الف الف مبرك افتتاح الركن


وعزالله انه مكسب لنا


لك مني اطيب تحية

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
خليني اغرق في نواعسك وآمووووت=موتي تحت رمشك بداية حياتي[/poem]

[poem=font="Simplified Arabic,5,chocolate,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
ماتعرف من المهد للثانويه=غير ابوها وامها ومذاكرتها
لادعاها الشوق ساقتها الحميه=وانفرش ورد ً من الجوري تحتها
عودها الريان كله جاذبيه=لاطرقتها النود بالشوق املكتها
فارع ً من كثر ماهي ضامريه=ينشبك في خصرها عقد رقبتها[/poem]

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,indigo" type=2 line=0 align=center use=ex num="0,black""]
في ركنك الهادي دخلت وتصفحت=وعزالله أنه جازلي يالسنافي[/poem]

تسجيل حظور يابو رفاعي لاتقول ركني لحالي <<<بالقوه داخل داخل

الجادل . كلماتي . اداء صاحب الصوت الشجي (صوت الخليج) محمد السليس


[youtube]

اخوي الشاعر العذب محمد النخيش



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
وشحتني بوشاح عز وتوشحت=شرفتبه صدري وشرّفت قافي[/poem]



انا مافتحت الركن الا لكم

[poem=font="Simplified Arabic,5,blue,normal,italic" bkcolor="transparent" bkimage="" border="none,4,gray" type=0 line=1 align=center use=sp num="0,black""]
عجزة اعبّر حزن قلبي بالاقلام=حتى دموعي ماقدرتها جفوني
انا ليالي ودي ابكي للآنام=لكن ماتاسع كثر دمعي عيوني[/poem]