مقحم النجدي وشيخة القصيد ....!

المصدر: قطوف الأزهار
المؤلف: عبدالله بن دهيمش بن عبار العنزي

في الزمان السابق نزل عند قبيلة الصقور من عنزة رجل غريب وكان ‏مطالب بدم من قبل جماعته ومن عادة الرجل الغريب عندما يحل في قوم ‏يجاور في كنف شخص معيّن من رجال القبيلة ويكون بحماية هذا الجار ‏خاصة ورجال القبيلة عامه وقد نزل هذا الرجل الغريب في جوار الشاعـر ‏مقحم النجدي من المكيتل من الجلال من الصقور من عنزة المتوفي في ‏
حدود عام 1260هـ تقريباً وبعد مضي مدة من الزمن ترعرع للرجل ‏الغريب أبن سيء الأخلاق فتأذى منه النجدي وحاول أن يتلافى ما بدر منه ‏ولكنه أستفحل أمره فصعب على مقحم أن يقتل أبن جاره فطرأ على باله ‏فكره أن يستحث كبار جماعته الصقور لكي يقومون بزيارة لغريم جاره ‏
لعله يعفي عنه ويقبل الديه ومن ثم يرجع لجماعته ويتخلص مقحم من ‏شر أبن جاره وفعلاً تم ذلك بحيث قاموا وجهاء قبيلة الصقور بزيارة غريم جارهم وأعفى عنه مقابل ديه دفعوها الصقور وعاد لجماعته وهذا سبب قول مقحم لهذه القصيدة التي أطلق عليها أسم شيخة القصيد يقول : ‏

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يـا الـلـه يالمعـبـود يـا والـي الأقـدار = يا فـارج الشـدات لـو هـي كليـفـه ‏
أنـت الـذي تـعـلـم خـفـيـات الأسـرار = معـيش الخلنـد الـلي عيونه كفيفه ‏
يـا رب يـا رحمـن عـاون هـل الكـار = يا معاون العـبد الضعيف وسعيفـه ‏
الـلي مـجـالـسهـم بـهـا بـن وأبـهـار = ونجـر يصوت للهواشـل رجيـفـه ‏
الـلي صيـانـيهـم وسيـعـات واكـبـار = ومفـطحـات الحيـل للضيف ضيفـه ‏
تـقـليـطهـم للضيـف قـعـدان وأبـكـار = وحيـل الغنم وقت السنين الحفيفه ‏
حنا كما المشخص اليا طـب مـا بـار = بالـوزن يـرجح بالدراهـم صريفـه ‏
حنا لك الـلـه مـا نـخـفي سنـا الـنـار = ولا نـنـزل ألا بـالـديـار الـمخـيـفـه ‏
وحنـا لك الـلـه من بعيديـن الأخبـار = والنفس ما نلحق هـواهـا حسيفه ‏
وحنا لك الـلـه دوم نبعـد عـن العـار = ولا نقبـل العـيلات لـو هي طفيفـه ‏
وحـنا لـك الـلـه مـن قـديـم لـنـا كـار = عـن جارنـا ما قط نخـفي الطريفـه ‏
الجـار مـا نـذكـر خـمالـه ولـو جـار = وجاراتـنـا عـن كـل عـايـز عـفيفـه
ما زارهـن مـن يـبغي الحيـف زوار = ألا ولا عـنـهـن نـدس الـغـريـفــــه ‏
وحـنـا لـك الـلـه لـلمعـاديـن جـنـزار = والجـار مـا نجـفـاه لـو بـان حيفـه ‏
نـرفى خـمالـه رفـيـت العـش بالغـار = ونـودع لـه النفس الثقيلـه خفيفـه ‏
وعن المهونه والردا جارنـا مـجـار = بـربـاعـنـا يـلـقـا ونـاسـه وكـيـفــه ‏
والجـار لـه قـيمـة وحشمـة وتعبـار= نضحك حجاجه بالعـلـوم الطـريفـه ‏
نـبـغـي أن كـانـه بـدل الـدار بــديـار = وقـام أيتـذكر ما حصل مـن حليفـه ‏
يـعـد مـا شافـت عيـونـه ومـا صـار = والـكـل فـي جـاره يـعـد الـوصيفـة ‏
جـار عـلـى جـاره بـخـتـري ونـّـوار = وجـار عـلـى جـاره صفـاة محيفـه ‏
ولا بـد مـا تـذهـب تـواريـخ وأذكـار= والطيـب يشـرى بالعمار القصيفـه ‏
الطـيـب نوهـاتـه صعيبات وأعسـار =مبـطي لدسمين الشوارب وضيفـه ‏
نـكـرم سبـال الضيـف حـق وتعـبـار =يوم أن خطو اللاش شح برغيفـه
يـا مـزنـة غـراء مـن الـوبـل مبـدار =بـرقـه جـذبـني مـن بـعـيـد رفـيفـه ‏
هـلـت مـن الـقبـلـة هماليـل الأمطـار =من سيلها الـوادي غدالـه وحيفـه ‏
تنـزل عـلى الـوديان من ديـم مدرار =وتصبح بهـا ريضان ربعي مريفه ‏
صبح المطر فاحت بها ريح الأزهـار =وتخـالـف النـوار مثـل القـطـيـفـه ‏
تـرعـابـهـا قـطـعـانـنـا سـر وأجهـار =تقطف زهـر مرباعها مـع مصيفه ‏
قـطـعـانـنـا مـا تـرتـع بـدمـنـة الـدار =تـرعى زمالـيـق الفياض النضيفـة ‏
ترعى بحـد السيف قصاف الأعمـار =في ضل مروين السيوف الرهيفـه ‏
فـي ضـفـة الـلـه ثـم جـبـر وجـبــار =خـيــالــة يــوم الـمـلاقــا عـنـيـفــه ‏
ترعى من البكري الـيـا خشم سنّـار =مـا حـده الـوادي لـرجـم الحـتـيفـه ‏
تسمن بها العـرا مـن الـذود معطـار =غـبـوقـة الخـطـار عجـل عـطـيـفـه ‏
يـبني عـلـيـهـا بـنيـت الـلبـن لجـدار =عقب الضعف صارت ردوم منيفـه ‏
أن سوهجوا عنها معاميس الأبصار =حـنـا نـرد الـلـي يـبـيـهـا نـكـيـفــه ‏
ما هي سوالف مسرد عقب مـا نـار =مـع العـرب يشبـه لخطـو الهـديفـه ‏
ومن لا صبر ما حاش بالفود دينـار =تصبـح أحوالـه عند ربعـه كسيفـه ‏
خطـو الـولـد مثـل البليهي الـيـا ثـار =زود عـلى حملـه نقـل حمـل أليفـه ‏
يشـدا هـديـب الشـام حمـّال الأقـطـار =الـيـا زودوا حملـه تـزاود زفيفـه ‏
وخطو الولـد مثـل النداوي اليا طـار =صيـده سمين ولا يصيـد الضعيفـه ‏
وخطو الولد فعله على العيب والعار =صـفـرٍ عـلـى عـود تضبـه كتـيفـه ‏
وخطو الولد كوبان ما يقـرب الحـار =لا نـافـع نـفسـه ولا مـنـه خـيــفـه ‏
وصلاة ربي عـد ما أخضر الأشجار =على الرسول اللي علومه شريفـه[/poem]

ومن قصيدة أيضاً لمقحم الصقري هذين البيتين يقول : ‏
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الـمـرجـلـه مـا هـي تـولـد نـعـامــه =الطيـب حاضر والصخى ضيغـميـه ‏
رجـل يحاربـه الصخى وش مقامـه =أن عـاش بالـدنـيـا تـراهـا خـطيـه[/poem] ‏



م ن ق و ل
.

المرجله ما هـي تولـد نعامـه
الطيب حاضر والصخى ضيغميه ‏
رجل يحاربه الصخى وش مقامه
أن عاش بالدنيا تراهـا خطيـه


الله الله الله
صح لسان الشاعر / مقحم النجدي
و تسلم يمينك يـ حمني

المشاركة الأصلية كتبت بواسطة فارس بن مرداس

المرجله ما هـي تولـد نعامـه
الطيب حاضر والصخى ضيغميه ‏
رجل يحاربه الصخى وش مقامه
أن عاش بالدنيا تراهـا خطيـه


الله الله الله
صح لسان الشاعر / مقحم النجدي
و تسلم يمينك يـ حمني

صح بدنك ولاهنت يا فارس
أخجلتني >>> حمني

وافي يا الدحمي

عز الله شيخة قصيد

لاهنت والله

المشاركة الأصلية كتبت بواسطة سلطان العطاوي

وافي يا الدحمي

عز الله شيخة قصيد

لاهنت والله

الوافي والله انت ولا عليك زود طال عمرك

مودتي لك

نرفى خماله رفيت العـش بالغـار
ونودع له النفس الثقيله خفيفـه ‏
وعن المهونه والردا جارنا مجـار
برباعنـا يلقـا وناسـه وكيفـه ‏
والجار له قيمة وحشمـة وتعبـار
نضحك حجاجه بالعلـوم الطريفـه ‏
نبغي أن كانه بـدل الـدار بديـار
وقام أيتذكر ما حصل من حليفـه


لا هنت على النقل الطيب يا عبدالرحمن

,

يعطيك العافيه يا عبدالرحمن . .

ومشكور على النقل المميز . . .

لاهنت لاهنت لاهنت . .

تحياتي

,

المشاركة الأصلية كتبت بواسطة مخايل

نرفى خماله رفيت العـش بالغـار
ونودع له النفس الثقيله خفيفـه ‏
وعن المهونه والردا جارنا مجـار
برباعنـا يلقـا وناسـه وكيفـه ‏
والجار له قيمة وحشمـة وتعبـار
نضحك حجاجه بالعلـوم الطريفـه ‏
نبغي أن كانه بـدل الـدار بديـار
وقام أيتذكر ما حصل من حليفـه


لا هنت على النقل الطيب يا عبدالرحمن

ماتهونين ياأختي يامخايل
مودتي

المشاركة الأصلية كتبت بواسطة نادر العنزي

,

يعطيك العافيه يا عبدالرحمن . .

ومشكور على النقل المميز . . .

لاهنت لاهنت لاهنت . .

تحياتي

,

ولا تهون يا نادر
فديتك

لاهنت على النقل اخوي عبدالرحمن

وصح الله السان شاعرها

اختيار موفق


ودي وتقديري

المشاركة الأصلية كتبت بواسطة صالح سبهان

لاهنت على النقل اخوي عبدالرحمن

وصح الله السان شاعرها

اختيار موفق


ودي وتقديري

صح بدنك
ولاهنت ياصالح على مرورك الجميل
مودتي لك .

..



شكرآ على الايراد يا عبدالرحمن .. شاعر مبدع ..



تحياتي

المشاركة الأصلية كتبت بواسطة خالد السيحاني

..



شكرآ على الايراد يا عبدالرحمن .. شاعر مبدع ..



تحياتي

لا شكر على واجب يا مبدع
مودتي لك .

سلمت وسلم نقلك

شعر جزل .. وكلمات في الصميم

..

المشاركة الأصلية كتبت بواسطة محمد بلال

سلمت وسلم نقلك

شعر جزل .. وكلمات في الصميم

..

وسلمت يابو ليان ولاهنت
مودتي لك .

سلمت يمناك على النقل الرائع لشيخة القصيد ..

وهذا من اكرام الجار للجار ..

الف تحية

المشاركة الأصلية كتبت بواسطة خلف الغريب

سلمت يمناك على النقل الرائع لشيخة القصيد ..

وهذا من اكرام الجار للجار ..

الف تحية

الف شكر لك أخوي خلف على مرورك الرائع ’,
مودتي لك .

سلمت يمناك يالذيب

تقبل تحياااتي

من أروع ماقيل في الشعر ,

رحم الله مقحم ,

ولاهنت ع النقل ياعبدالرحمن ,

المشاركة الأصلية كتبت بواسطة سعد بن مناحي بن شفلوت

سلمت يمناك يالذيب

تقبل تحياااتي

سلمت أنت يابو مناحي ولاهنت
وكل عام وانت بخير .

المشاركة الأصلية كتبت بواسطة مصلح بن نميان

من أروع ماقيل في الشعر ,

رحم الله مقحم ,

ولاهنت ع النقل ياعبدالرحمن ,

ماتهون يا بو نميان ولاعدمتك
محبتي لك .

الله يرحم

هذا الشآعر الجميل....

عبدالرحمن السمين

لاهنت...

وتقبل تحيّتي ومودتي...