رسوم الفرح !

السلام عليكم ورحمة الله وبركاته



إدارة منتديات المرقاب , بعد التحيّه



أشكركم على إتاحة الفرصة لأخواني لإنصاف الشعر والشعراء ..



وأقدم لكم هذه المتواضعه التي اتمنى ان تحظى بالقبول ..





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
رسوم الفرح تقتل حزن دمعة الأحداق=لو الدمع من كثْر الشقى غارق بموقه

يضيع الشعور اللي كما نسمة الإشراق=سوات اليتيم اللي فقد مُجّمل حقوقه

عليك الله أكبر يازمانٍ مهو ينطاق=ياكيف الرجل ماعاد يدرك لمنطوقه

تموت الجزيله والهزيله على الآفاق=معا قولة اللي كل ( واحد على ذوقه )

هل العيب فالأشخاص أو إن الوعي ما فاق =أم إن الجزاله أصبحت شبه محروقه

قصايد بها قمّه من الذوق والأخلاق=وقصايد عن الأخلاق والذوق مفهوقه

وإذا الشعر له نُخبة جماهير يا عشّاق =ف أنا الشاعر اللي ما تهنّى بمعشوقه

أكافح وأنا أعذب قصيدي من الأعماق=أجمّل وصوف القاف ويزين طاروقه

على طاري اللي لا ذكرّته وله وأشواق=يرطّب جفاف القلب ويبلل عروقه

سقاني من الهجران في كفّه الترياق=سقيته غلا صادق بأحاسيس موثوقه

عقب غيبته عايش بضيق وغثا وإرهاق=كأن السعاده طير قد قطّع سبوقه [/poem]