راعي الذود,,,والقوم

اخواني نزولاً عند رغبة بعض الزملاء ,اطرح بين أيديكم هذه القصيده القديمه ,علهاان ترضي ذائقتكم

ليل امس وامس وليل قبل امس واليوم
ماطبقت جفنن على جفن عيني

من ليت الاول ماتهنيت بالنوم
يالله دخيلك وين نومي وويني

ثلاث ليلات وانا شبه منجوم
اقفي واعود بين همي ,وبيني

تقبل بي علوم(ن) ,وتقفي بي علوم
هذيك اعديها, وذي تحتريني

ليل ,وهجاد, ولجة افكار, وهموم
وحيره, وبرد ,وضيقتن تحتويني

ماكني اللا راعي الذود والقوم
اللي عدوبه والعرب نايميني

حافوه عكفان الشوارب هل الحوم
واقفوا بذوده يوم ماله عويني

وعود على اللي يلحقه شيلها لوم
البندق اللي في خباها سنيني

جمع فشقها, وانتخى ناقل الزوم
بصيح ماتوخذ ,وذي في يميني

ويوم اقتفاهم وارخص الروح للسووم
عيت تثور, وعرضوه البطيني

اقفوا ,وهو عود على الوجه ملطوم
يون , ولتالي بكاره حنيني

لولى الله اللي سلمه, قيل مرحوم
رمل عجوز, ويتم اصغيريني

امسيت حالي كنه اياه معلوم
ماجاه قد جاني, ومافيه فيني

هو عابي الخرقا ,وانا ناقل البوم
هذيك ماثارت ,وذي ماتعيني

ياوالله اللا بيعنا اليوم باالكوم
ماقبل مثله مرني ,لا وديني

هو وجه من ,وجه تصبحت به شوم
وشعاد خافي ماضهر ياسنيني

الله ولاهيي كانها حبة اخشوم
واللي ذكرته تاليتها نسيني

مادام لي وجه عن امثاله يشوم
اصد به واللي يجيني يجيني

ياحي موتي والكرامه لي اهدوم
ولاحياتي في رجى ميتيني

ومن ليت الاول وين انا عنك يانوم
ماطابقت جفن على جفن عينيي

ابوغاده