ياليت قلبه يلين !

السلام عليكم

ومن العايدين بعد الزحمه يا اهل المعتقل
مرزوق كلنا مرزوق ومعك قلبا وقالباً وهذي مشاركه بسيطه


[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ضابط المعتقل متى تفك السجين=اللي ورى باب سجنك تنرثي حالته
اسبوع كنه دهر واقول ربي يعين=في اقفايت الوقت بعد العز واقبالته !
قضيةٍ شايكه حطتك بين الثنين=تفزع مع الحق لو الحق ما قالته !
والقاضي المعتبر ياليت قلبه يلين=حتى تلين احرف التحكيم فأرسالته
ماهوب صح انه يناظر لك بنص عين=عشان ما انته ولد عمه ولا خالته
والضابط المستلم يلحق على السين سين=بقعاء تحاول على شيلته ما شالته
لكّنك اصبر يا بوسعيّد عساها تزين=وان جوك فالبنك كلٍ شايل حوالته
تقاض يوم الخطاء فأرقبة الانسان دين=دام الحبل بين فتّاله وحلالته !
[/poem]

،



حجز من العنبر الملكي



لي عوده

الله الله الله يامشخص وش هالأبداع

لكّن اصبر يا بوسعيّـد عساهـا تزيـن
وان جوك فالبنك كـلٍ شايـل حوالتـه
تقاض يوم الخطاء فأرقبة الانسان ديـن
دام الحبـل بيـن فتّالـه وحلالـتـه !


ههههههههههههههههههههه

لا والله راحو فيهااااا

عملاء البنك <<<<< ..

>>>>>>> الي ماهم عملاء ,




الوكاد صح لسانك يامشخص على الأبداع ,,

•

اسبوع كنه دهر واقـول ربـي يعيـن
في اقفايت الوقت بعد العـز واقبالتـه !

: (

الله

صح لسآنك مليون يامبدعنآ

..

صح الله لسانك يا اخوي " ..
والله من " تفعلت " عضويتي في المرقاب ماشوف غير تواقيعكم عليها صورة " المدعو " مرزوق الروقي
خلف القضبان ..!
اسمه و " صورته " .. صارت اشهر من نار على علم ..
والله لو انه معتقل في " قوانتانامو ".. كان تم الافراج عنه ..

اقول الله يكون بعونه ..
ودمتم يا مبدعين ..

..

لـكّـن اصـبـر يـــا بوسـعـيّـد عـسـاهـا تـزيــن
وان جــــوك فـالـبـنـك كــــلٍ شــايــل حـوالـتــه
تقاض يـوم الخطـاء فأرقبـة الانسـان ديـن
دام الــحــبــل بـــيــــن فــتّــالـــه وحــلالــتـــه !


ههههههههههههه

الله الله الله الله الله الله

هذا والله الابداع يابو منصور .. صح لسانك عدد المظلومين قي هالدنيا <<< وين القاضي يسمع ؟؟

مرزوق : هانت هانت السجن للرجال

،


والقاضي المعتبر ياليـت قلبـه يليـن
حتى تلين احـرف التحكيـم فأرسالتـه
ماهوب صح انه يناظر لك بنص عيـن
عشان ما انته ولـد عمـه ولا خالتـه


ههههههههههههههههههههههههههههههههههه
عز الله بردت تسبد مرزوق يابو منصور ، لكن ما كنك تهكمت على حضرة القاضي ؟ ومن هذا المنطلق اطالب حضرة القاضي بتحليل القصيده وايداعك البنك قصدي السجن


صح لسانك يا مبدعنا ،

صح لسنك شاعرنا

راائعه وجزله,وابدااع فااخر

تقديري’,,

حقــــز .. مش اي اي ولا زي زي

الله الله يا كبير

قسم أن كل حرف يوقف الشعور والاعصاب

لله درك

يا سلام على الشعر

في كل ّ موضوع مبدع

تقديري لك ،،

لكّن اصبر يا بوسعيّـد عساهـا تزيـن
وان جوك فالبنك كـلٍ شايـل حوالتـه
تقاض يوم الخطاء فأرقبة الانسان ديـن
دام الحبـل بيـن فتّالـه وحلالـتـه !








هذا هو يا الروقي اصبر والحسابه بتحسب


مشخص صح لسانك ولا هنت

خالد السيحاني

يا مرحبابك ويا مرحبا بحجزك بس امنعنا من العنابر << مرتاع

عبدالله الزراقي

يا مرحبابك تراحيب المطر يا عبدالله
وصح بدنك وكلك يا رائع ، تشرفت بمرورك
وعقبال ما نشوف مرزوق خارج المعتقل

الاخت النيره

صح بدنك ولاهنتي على مرورك الكريم


دمتي بخير .

صح بدنك اختي جمانه

لاهنتي على مرورك وان شاء الله مرزوق يكتب له افراج




دمتي بخير .

ياسر العتيبي

ارحب يا بومروي وصح بدنك وسلمت ولاهنت
ومرزوق لا محاله طالع طالع


محبتي وتحيتي

خالد السيحاني

ارحب يا بوخلود الحقيقه انك ودك تودينا في ابوزعبل حسبي الله على عدوك

صح بدنك يا حبيب الروح ولاخلا ولاعدم

الاخت شاعرة نجد

لاهنتي وصح بدنك ودمتي بخير .

مرزوق الروقي

اهلن يا بش مهندس حنتزرك متتأخرش ، اصلي حروح < بسطويسي

سلطان العطاوي

يا مرحبا تراحيب المطر
مرورك بحد ذاته شرف لـ أخوك مشخص

صح بدنك ولاخلا ولاعدم

سلطان بن حامد


يا سلام على مرورك الكريم
مبدع ويسعدني ويشرفني كلامك

محبه وتحيه