للاحمري ناصر ( سود اللحا تنتف بدون مجاملات )

السلام عليكم ورحمه الله وبركاته
تحيه عطره لكم
قصيده اسناد للشاعر الفذ / ناصر الاحمري
من باب التواصل ..
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

دايم بنات الريح عوبٍ جامحات = لو كان وقت الخيل عود في نزول
ولا زمانك يالخيول الصافنات = وراحو وطي قدامك أصحاب الخيول
عين الرغد تهنى وتنشط بالمبات = وباقي العيون بملح تكحل كل حول
البوصله تشر على كل الجهات = وأنا ما أبيها كلها عرضٍ وطول
كان القصايد بس نظم المفردات = فانا بري منها ومن جهل العقول
اللي ليا قالت تعلمت السكات = وأنا ادري ان الورد معدمه الذبول
يامعرضٍ رجلك على درب الشتات = الناس ورطت بك ما تدري وش تقول
الله وأكبر والقصايد منجزات = وصل الله وسلم على وجه الرسول
نقش الذهب يكون نحتٍ في صفاة = وألا يجي كالعقد من درٍ ولول
بستر ظلام الليل بأطراف العباة = وأفتل حروفٍ تنبدع حسب الاصول
درب السعه قبل الدروب الضيقات = سود الليال تضيق بعقول الخبول
بعض القصيد يصير إله طعم وحياة = يلعب بأحاسيسك كما لعب السيول
ما أفه الاخبار ياكود الرواة = وما أفه الاشعار ياكود مهبول
والتاجر اللي ماضرا بمجوهرات = صمته اشوفه حل طيب في الحلول
من ليله البارح إلي وقت الصلاة = وانا بصدري حاجةٍ قامت تجول
قلت اتغزل وأرثع بعفش البنات = وعيت هجوسي بالتغزل لاتنول
يالاحمري ناصر قبل وقت الفوات = الراس ما يحسب مقامه بالرجول
والحنظله لو كان تحسب من نبات = لافايده منها على كل الفصول
وأنته وريث المجد والعلم الثبات = شعرك ينومس في غيابك والمثول
بدعك إله معني وإله روح وطراة = ياطا بعض نظم القصايد بالنعول
ودي أترجم لك على كل اللغات = وأختم حديثي معك قدام المحول
على المدرج ما نشوف الطايرات = وقصر الشموخ اليوم مابه حس زول
واهل الدلال اللى بها كيف وحلات = أحفادهم شفها تمتر كل مول
وحتى المهار اللى تدك النايفات = أستبدلوها يالسنافي بالعجول
إمعلقات الشعر سبع معلقات = محجوبةٍ من دونها سبعة قفول
سود اللحا تنتف بدون مجاملات = وبيض اللحا تكرم لحاها بالفعول[/poem]

بوكيه ورد لكم ..
محبكم ..