وياقشر حظ اللي حياته ضياعي ...

من الإرشيف إسمحو لها بالمرور




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أمس الضحى والقلب ضايق ومكبوت=طــرا عـلـيـّه عـلــم دايـــم يـشـاعـي
فـزيـت فــزة نــازل الـيـم مــن حــوت=وونـيـت لــه ونــة كسـيـر الـذراعــي
الموت ياللي ناسـيٍ طـاري المـوت=لاتحسـب ان الـوقـت دايــم متـاعـي
الأدمــي غـافـل ولــه وقــت مـوقـوت=ولـيــا وفـــا مالالـتـحـسّـاف داعــــي
أعمارنـا تسـرق مــع الـوقـت وتـفـوت=وحنـا علـى الغفـلـه نـجـر المتـاعـي
ماينـفـعـك سـمــرات نـمــه وبـيـلـوت=ولاينفعـك شاعـر قصـد فـيـك نـاعـي
ولاينـفـعـك مـرجــان لـولــو ويـاقــوت=ولاسـوق هـذا ســام وفــلان بـاعـي
والمشكله لاصرت فـي وسـط تابـوت=وتظيـق بـك كـل الفجـوج الوسـاعـي
وجاك النكير اللي مسمـى ومثبـوت=علـمٍ صحيـحٍ دون كـذب وخـداعـي
ياحـظ مـن واضـب بفرضـه مـع قنـوت=وياقشـر حـظ اللـي حيـاتـه ضيـاعـي
الأولـي أعــذب شـرابـه مــن الـتـوت=فـي جنـة الفـردوس وأمـره مطاعـي
والثانـي الله يكفـي الـشـر مشـيـوت=فالنـار يـطـرح بـيـن مغـمـى وواعــي
سـمـي بهالدنـيـا بـداشـر وسـربـوت=ولاهـــو مـوفــق فالـبـقـا والـوداعــي
ويالله يـاقـيــوم يـاســامــع الــصـــوت=يامـدبـرٍ هالخـلـق مـرعـي وراعـــي
يـاغـافـر الــــزلات يــامــوزع الــقــوت=ثبـت قدمـنـا يــوم حـشـرٍ جمـاعـي
يـومٍ بـه العالـم مشاعيـث وسكـوت=فـي موقـفٍ فيه الخـلايـق هـلاعـي
وختامهـا هـذي قصيـدة عـن الـمـوت=وياقشـر حـظ اللـي حيـاتـه ضيـاعـي[/poem]



وسلمتوا.


.

.