مصافحه أولى ... صاحب الطيب

السلام عليكم ورحمة الله وبركاته
احب اهني نفسي بالبدايه علي أنضمامي لـ هذا الصرح الشامخ مع الاخوه الاعضاء في منتديات المرقاب الادبيه .
وانا اتشرف اني أكون بينكم كضو واخ وتقبلو فائق ودي واحترامي والله يوفقنا ويوفقكم جميعاً .


مصافحه أولي من الارشيف امل ان ترتقي الي ذائقتكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا صاحب الطيب لا تذكر مزايانـا=اصدورنا فالزمن هـذا حجازيّـه
خل الهبايـب ليّـا هبـت تعدانـا=بعض الهبايب تجيب النا الحساسيّه
لو نجلس بعزنا والشمس تصلانـا=اخير من جلست الحقران بالفيّـه
ويا طيبنا لا سلمنا وسلمت الحانا=امن الرزا والدعاوي والحزازيّـه
بين اصدقانا وبين مصافح اعدانـا=معاد ندري من اللي يصدق النيّـه
واللي ذكرنـا وقهوانـا وعشانـا=اختلفت اخلاقـه وغيّـر مباديّـه
امسى علي سرنا يكتـب ويقرانـا=واصبح يغني بنا مع كـل قمريّـه
واللي نحبه سرى ليلـه وخلانـا=مانسمع الا صدى صوته وداعيّـه
اقلوبنا المرهفه سبـة ضحايانـا=واعمالنا الطيبـه بالشـك مبليّـه
ضاعت طموحاتنا والوقـت بكانـا=والعولمه جت تزيد الكيـه بكيّـه
نمشي ونسرف لها في مدة ايدانـا=وافكارنا من ثلاث عقود منسيّـه
متى يحين المواجه في قضايانـا=الي متى واليدين البيـض ملويّـه
زادة هواجيسنا واحتـار ممشانـا=ولا فيه من رحمة الايام ماويّـه
ما عاد تقبل عليها مشية اخطانـا=شّربت فناجيلنـا ونيرانهـا حيّـه
الصبح تجمع كتايبهـا وتنصانـا=والليل ترسل لنا غـارات جويّـه
وشلون ما نأمـن الايـام تبلانـا=واحلامنا في سواد الليـل ورديّـه
يا صاحب الطيب شفني يوم تحدانا=جريت لك من طروق المدح مرثيّه
ما زانت اخلاقنا ولا طاب مغزانـا=واصدورنا من سوايانـا شقاويّـه
يحزنك عن ماضي الاجداد شكوانا=ويكفي ويغنيك عن دنياك حوريّـه[/poem]

وسلامتكم ،

أخوكم بدر عبدالعزيز الجذع