قالوا غني : قلت اعترف ماعلي دين - قالوا ك اعداءْ: قلت عندي قرايب ( ذيب الشمري )

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مضمون ثاني بيت عندي من سنين=صايب وماضفنا على البيت صايب
قالوا غني قلت اعترف ماعلي دين=قالوا لك اعداء قلت عندي قرايب
قالوا عسى بالمجتمع منصبك زين=قلت احترام الناس حاضر وغايب
الله مسخر لي قلوب السلاطين=مارحت في حاجه ورديت خايب
والله ما احسد جامعين الملايين=واهل المناصب حاملين الحقايب
باليوم لافرجّت كربه لمسكين=اخير من منصب وزيرٍ ونايب
مابي مقابلها من الناس هالحين=ابغى ليا حطّت علي النصايب
اجني ثمرها يوم وضع الموازين=لاسيقْت الارواح سوق الجلايب
ارجي مقابلها قصور وبساتين=وحورٍ تباهى في جمال العجايب
لاتنتظر ياتي لك الاجر بعدين=ياللي على المسكين تاخذ ضرايب
الطيب ماياتي مقايض وتدوين=ولاينبغي طيبٍ وراه الطلايب
واعمالنا واحد على واحد اثنين=مفهوم ماتدخل عليه الشوايب
شئٍ لوجه الله على الراس والعين=وهذا الذي تتعب عليه الركايب
وشئٍ لعبدالله طليق الحجاجين=والثالثه اللي بينهم للهبايب
واذا القيّم ضاعت تضيع القوانين=وتستفحل امراض الفتن والمصايب
مافيه علم الا ويحتاج تمرين=من شان مايبقى معطل وسايب
والبعض يرعى العلم رعي البعارين=ومداركه مثل البيوت الخرايب
يدرس علومٍ في جميع الميادين=ويبقى على التطبيق عاجز وهايب
.
.
[/poem]

ذيب الشمري
4-6-2008