ياسمي الماس للشاعر ( فهد بن محمد المقبل التميمي )

أخواني الأعزاء.. دائماً أحرص على نقل ابداع صديقي الشاعر / فهد بن محمد المقبل.
وهاأنذا أنقل لكم جديده الذي امتلأ بالابداع الفكري قبل الشعري..
اليكم هذه الرائعة كروعته..

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياسمي الماس واللول وانواع العقود = ياكريم النفس يالترف ياذرب المقال
الغلا ماهوب ينقص..(حرام انه يزود) = والصبر مثر بحالي وطال الصبر طال
والوعد طول والايام ماتوفي الوعود = كان مايوفيه عذب اللمى صعب المنال
بلغه حبي .. وربي ..وخلق الله شهود = الخساره في فراقه..وشوفه راس مال
ياوجودي وجد منهو تعلق فالحدود = غره المنقاص والطير روح به شمال
طوف الحد العراقي ولا يقدر يعود = بعد ماجوه العساكر مموهة البدال
ضابط ٍشيعي ودوريته خمسة جنود = طاح بيدين المعادين وانذال الرجال
ثم شاف الذل من عالم ٍمثل اليهود = ماحدٍ يفزع ولا الواسطه فيها مجال
حالتي مثله وانا ارجيه والوقت محدود = لايخليني ضحية فراقه والوصال
اه ياقلبٍ تولع بعد ذيك العنود = مهرةٍ يبرا لها الفوز في عرض الجمال
تاخذ الاول ليا طبت خبيب النفود = مهرجان الخالدية ولا فيها جدال [/poem]