نصوص مرقابية راقت لي

.
.

إيو والله فكره وانتظرني هنا يامحمد .!
بيّض الله وجهك وعزالله قريت شعر



.
.

المشاركة الأصلية كتبت بواسطة ناصر مناحي

[align=center]السلام عليكم ورحمة الله وبركاته


من الارشيف وعسى تلقى لها شي من القبول [/align]




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ساعة مسا تساهلت لعب الاعصاب=منها .! زفير الصدر يزهم شهيقه
ما غير افك كتاب واسكّر كتاب=واشكي على ضيقه من افعال ضيقه
دفعت لأحداث السهر كلّ الاتعاب=في ليلةٍ ماهيب ليله رقيقه
قلق ودوخة راس وحساب وعتاب=وأزريت لا القى للسلامه طريقه
لو تنفع الرجوى مع النور لا غاب=شحذت من بخل الثواني .. دقيقه
مدري من جروح المقادير منصاب=وألا من جروح الرفيق لرفيقه
تعوّدت نفسي على بذل الاسباب=لو كنت احملها حمل ما تطيقه
من لا يهاب الناس ماهوب ينهاب=ومن لا قنع فالحال .! ما بلّ ريقه
مانيبّ اطقّ الباب لمسكّر الباب=لو ان حجاجه فالمواقف طليقه
للنفس حق ومن ورى الحق طلاب=والأمر من منجي النفوس الغريقه
أعوض حالي عن رجا الظنّ لا خاب=بالحق نورٍ ما يغطّا بريقه
واقول للكذاب .. ليه انت كذاب .!=ولا اسكت وعيني تشوف الحقيقه
واذا خسرت اصحاب واقراب واحباب=ربحت مع نفسي علاقه وثيقه[/poem]



[align=center]وسلامتكم [/align]

الجزل

\
/
\
/

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو اقدر آصلك يانجم ٍ لمعت بسماي = الارض ما أظن تعرفني ليا جيتها



من دونك الجاذبيه .. والنجوم بفضاي = اكثر من وجيه ناس ٍ ماظهر صيتها !



ياليتها من علوم ٍ مثل هذي وجاي = كان الفرص يوم جتني .. ماتعديتها



بلاي من شرهة ربوعي وفرحة اعداي = هذي هي الساعه اللي ما تمنيتها



آثرك مثل السراب اللي مايقطع ضماي = لو اني اتعبت رجليني .. وعنّيتها



درّ في مدارك وانا ادّرج مكاني اخطاي = بعد اوقفت خطّر ايامي وداريتها



والا طموحي ! بعيد ابعد من اخر مداي = ولو انها بالعزوم / عزومي ابليتها



لكن يآسي غلب على حقيقة رجاي = وهزيمتي من مرارتها .. اسلتذيّتها



وعلى كثر مانسفت من الحقايق وراي = تموت الاحلام لكن ما انهدم بيتها



مدري خطاك انت والا الحظ والا خطاي ! =سؤال .. منه الاجابات استشفّيتها



علوم .. والونّه المتفجره في خفاي = غفت على وسادة ضلوعي وصحيّتها



وبقت لي الذكريات اللي عزاها عزاي = الله من ليل .. سرتني وسرّيتها



هي مكسبي من مقاديري ورحلة شقاي = وهي راحتي لا اشتكيت الها وناجيتها



معها .. واسولف لحالي من خلاي بخلاي = كم خففت ضيقة ٍ فالصدر كنيّتها



يانجم ليتك تغيب .. ولاتكدّر صفاي = يكفي عليّه جروح ٍ منك عانيتها !



طابت .. ولكنك اللي ماتدور دواي = عاشت ماخليتها .. وابطت ماداويتها



ماهوب انا اللي يجي ويروح من غير راي = علاقة عيوني بـ .. نورك قد انهيتها



اللي خسرته دفاء ناري فـ .. بارد شتاي = واللي كسبته مبادي ٍ ماتت / احييتها



هذا انا في عيون اعداي قبل اصدقاي = اموت .. والدمعه الزرقاء ماهليتها



الا على من قدر يكسب رضاي وثناي = هذا حياتي عشانه .. ماتغاليتها



انهيت معك البدايه وابتداء منتهاي = والجمره الحيّه بـ .. كفيّ ضمّيتها



ماني بعايش على لعلي وياعساي = ان ما قدرت آدرك الامال / خليتها [/poem]



لـ مشع ـان البــ راق .... : [ المبـــ دع والـــ ع ــ ذب ...]

قصيده اعتبرها يتيمه في الشعر



للدكتور حمد العصيمي



[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

هز جذع الفكرة الهاجس وطاحت جمله=معجزه واظلاعها جملة وجذع وفكرة



فا المسيح ومريم العذرا وجذع النخلة= المخاض الصعب في لحظة سقوط التمرة



اشكر الله جابها لي هكذا مكتملة= ما دخلها النقص من فضل الله ومن شكره



من حدود القيروان ليا منابع دجلة= ومن ركون المسجد الاقصى لمسجد نمرة



مستحيل المستطيل ولو نغير شكله= واحد من اظلاعه الاربع يساوي قطره



قبل افسر قصة المأمون والمعتزلة= قد قريت أخبار داوود ومناهج سفره



ضحكة سليمان فا الوادي وخوف النملة= ذكرتني قصة ايوب ومرضه وصبره



كل ما ارسم بيت للشعار يصبح قبلة= احد يسلم له واحد يجحد ويعلن كفره



واكثر اللي يجحد ويكفر ولا يسلم له= لو سألته قال ما احبه واموت بشعره



وان جلس ما معه احد قال الصحيح اشهد له= اشهد انه شاعر في عصر ماهو عصره



قالها فرعون يوم انه عصى من قبله=إنما موسى يبا يظهر علي بسحره



ألق يا موسى العصا والساحر القى حبله=وان كفر فرعون ذي الاوتاد يسلم عشره



وان تبع هامان فرعون وتفرعن مثله= واحد ٍ منهم يبا يصبح للاخر عبرة



الجمل لو خلقت رقبته كذا معتدلة= كان ما شاف السنام اللي خلق في ظهره



احترام معاوية والا القضية سهلة= من ثلاث سنين يمديني قطعت الشعرة



يا حبيبي خلنا في عنتر وفي عبلة= واترك اللي للحصان يدورون العثرة



اكثر الاخصام لو ربي يحلل قتله= كان من جرة قلم قلت احفروا له قبره



انت كل الزين والباقي يروح لا هله= لا تصدق من يقول العاشق اعمى نظرة



جامع الضدين ثلج وجمر داخل قبله= جمر ما يطفيه ثلج وثلج يشعل جمرة



والله اني كل ما شفتك نثرت القذله= ارتبك والبس عقالي قبل لبس الغتره



ماهي برهبة ولكن باختصار الجملة= مثل ما للموت سكرة للمحبة سكره

[/poem]

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامن يبيع النوم بفلوس واشريه = من واحدٍ ماطاول الهم سدّه

الهم مقلق صدري ولاعبٍ فيه = حتى فراشي مقلقه والمخدّه

لو ادري انّ الما انْ شربته يطفيّه = شربت فوقه لو يبا بحر جدّه

لكنّ ماهو شي واضح واودّيه = شيٍ يدوس القلب مدري يشدّه

من غاليٍ راكب على قلب غاليه = واصبح على خط المفارق يكّده

اشتاق له واعشق مزاياه واغليه = واحب رمانه وتوته وخدّه

الله من ازين شي فالزين معطيه = عينه ومنتوقه وطوله وقدّه

نور القمر يسريه مدري يسريّه = والشمس تشرق له سناها مودّه

لكنّه اسرف في شعوري تغليّه = يبيح سدّي له ولا باح سدّه

سكّينته تجرح وقلبي يداويه = وانا دواي وداي في كف يدّه

ماعاد لي قدرة تحمل تجنّيه = والقلب يفتر لالقى اللي يصده

اتعبني الله يتعبه من تجافيه = بنيت له قصر المحبّه وهدّه

قررت اروّح عنه واسلى واخلّيه = والباب عن ريح المشاريه اسدّه

الله على درب السلامه يهنيّه = والله من عمر السعاده يمدّه

لكنّ انا بقول له عند اذانيه = كلمه تجول بداخل الصدر مدّه

من لايعرف الصقر بالنار يشويه = ومن لا يميّز فالذهب ما يعدّه[/poem]



فيصل السواط

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيّتك من بعد غيبه حلوةٍ \ شينه = أفرح وأنا أدري بعد بكره تخلّيني

يا كبر قلبي .. ليا جيتي تزورينه = يفزّ لك كنّ ما عمرك نسيتيني

غيابك : أقسى جروحه ما ملت عينه = ووصلك : خذا من سنيني \ أجمل سنيني

هذي عيوني وشوفي اللي تشوفينه = في كل نظره ,, بتلقينك وتلقيني

وهذا الخفوق الجريح اللي تعرفينه = اللي بعد غيبتك ما عاد يعنيني

وهذا القصيد الحزين اللي تغنّينه = اللي عقب غاب صوتك ,, طاح من عيني

وهذا الشعور .. اللي إن شافك تخونينه = يخونني مثل ما كنتي تخونيني

من كثر ما أعاني من اللي تحبّينه = صار الزعل بينك وبينه يراضيني

وش يعجبك فالكلام اللي تقولينه ؟ = لا صار يثبت لي إنك ما تحبّيني

أقول لك لا إتطرّينه \ إتطرّينه = طاريه حتّى وهو غايب يعنّيني

تدرين وينه ومع هذا تحاتينه = وأنا ما تدرين وين وما تحاتيني !

غيّرني الوقت ومن اللي تسوينه = صارت تفاصيلي تناقض عناويني

العام شاعر جذب صوته محبّينه = واليوم شاعر وأدوّر من يغنّيني !

باقي للأحلام قلبٍ ضاعت سنينه = من غيبتك .. وإن تركتك لا تناديني

لو [ وينك ] ترد من راح لـ \ منادينه = يمديك عندي من أوّل ما تركتيني[/poem]

بدر العتيبي

لـ المبدع / عبدالله ذويبان



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
خل السؤال يهب في قلبي الجاف=سؤالك أرحم .. من سوالف سخيفه
أبشرك يا اخوك .. مافيني أخلاف=عقلي على قلبي .. و روحي مريفه
تذكر جروحي ؟.. يوم كانت بالألاف=هالحين .. صارت كل ابوها .. طفيفه
يا محمد .. أعذرني اذا صرت ما اخاف=ما عاد أشوف الحب حاجة مخيفه
قلبي غدى بارد .. و شعري .. و الاطراف=كن الزمان يصب فيني .. خريفه
عشقت .. و اهديته تعابير و أوصاف=يا كثر شوقي .. كل ما مر طيفه
ما شاف تضحيتي و عشقي .. و لا شاف=حالي .. بعد جرح الغرام و نزيفه
يغيب .. و تجيبه صدف .. مدري أصداف=و يمر .. في خطوات عجلا .. خفيفه
و اموت و احيا .. و أكتب النور .. و انضاف=للدمع .. و قلوب الرجال العفيفه
مليت من حملي .. و ضايقت الأكتاف=و مليت .. كذب اهل النفوس الضعيفه
يطوف وقتي .. لكن العمر .. ما طاف=تخالفت بالروح .. برده و صيفه
أعيش .. و اتنفس .. و أنا أشوف .. و أنشاف=بعيون قلبي .. لو عيوني كفيفه
لكن على الله .. يصدق الشعر و القاف=عكس الخيانه .. فالبنادم و زيفه
أنا انتظر .. من يملك أحساس شفاف=يصدق معي .. و أعطيه عمري .. بكيفه!!
يحن لي .. أشتاق له كل ما اخاف=لين أنتقاسم خوفنا .. بالنصيفه
يحبني .. و أنبت .. تقاليد و أعراف=و يصير في عرش الخفوق .. الخليفه!!

[/poem]

الله يعطيكم العافيه جميع

ويبيض وجيهكم

لاهنت يامحمد

من نزف الشاعر الكبير

الدكتور الداهيه

حمد العصيمي

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر قرية مطمئنـة وان دخـل فيهـا الملـوك=عاثوا بها حتى افسدوهـا بيـن يـوم وبيـن ليـل
ما يطلع من الشوك ورد ولو طلع للـورد شـوك=ثنتيـن وقفـت بيـن حـد الممكنـة والمستحيـل
يا اللي عطيت الناس من شعرك تخيل وش عطوك=بخلوا عليك بما عطيتـه ثـم سمـوك البخيـل!!
ان عشت والعزة ماهيب امك ولا التقديـر ابـوك=اسمك يتيم ومـن يـذوق اليتـم فـا الدنيـا ذليـل
رضعت نهد الابجدية لين صـار الضـاد اخـوك=والضاد قابيل وقتـل هابيـل واصبحـت القتيـل
لا قالوا الله يرحمـك عنـد الممـات ولا بكـوك=ما شفت قبلك ميت بـلا رحمـة ودمعـة تسيـل!
من مـا الوشايـة والنكايـة والضغينـة غسلـوك=ما هوب من سدر وحنوط وعذب مـاء السلسبيـل
واضفوا من ثياب الحسد والحقد ثـوب وكفنـوك=ما بين حسد وحقد راحوا بين حـط وبيـن شيـل
حطوك في نعش الردى والكـره جثـة وحملـوك=ما اخذت من دنيـاك هـذي لا كثيـر ولا قليـل
في مقبرة نسيـان سـووا قبـر واسـع ودفنـوك=واصبحت في دار المقام ورحت عن دار الرحيـل
لكن يميـن الله لتبقـى وشـم فيهـم مـا نسـوك=والطيب اللي ينذكر با الطيب جيـل ٍ بعـد جيـل
لو اخذوا من ظلوعهم نار وحطب ثـم احرقـوك=الخاسـر النمـرود والرابـح براهيـم الخلـيـل
تبقـى نبـي الشعـر لـو كفـار مكـة كذبـوك=رحمتك با المخطيـن والمسكيـن وابنـاء السبيـل[/poem]

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الضيق يقتات من صدري ويشرب دمّي = والضحك علّم على وجهي لو اني حزين



ومن كثر ما شلت في صدري يضيق نّسمي = ياهم باقي شوي وتقطع الاكسجين



كني من الضيق باحضان الهموم ارتمي = سجين ويفك قيده من يدينه سجين



مرارة الوقت مابقت طعم في فمي = من يوم شفت الرخيص يطيح عنده ثمين



واحبابي اقفوا وقاموا ياكلون الحمي = وش عاد بقوا لفم الحقد والشامتين



ارهقت تفكيري وطرسي وحبر قّلمي = وانا اقطع الشك ويقن بان شكي يقين



وجودي من الحياه اضحى سفير عّدمي = ويهمس على اذني وما يظفر سوى الصالحين



ولولا الأسف كيف اعبر عن عميق نّدمي = والمسأله ماهي بكلمه ولا كلمتين



كتفي تعب من ذنوبي لين كلّ قّدمي = يا جعلني ما اتمادى واتبع الغافلين



شف ساعتي تحسب ايامي على معصمي = يارب من رحمتك وانت ارحم الراحمين [/poem]


لــ أحمد بن غالب

المشاركة الأصلية كتبت بواسطة سعد بن مناحي بن شفلوت

تحيه طيبه للجميع

ابيات متواضعه للتواصــل فقط

اتمنى ان تنال لو القليل من الرضى



‘‘ ‘‘ ‘‘ ‘‘







[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لأظلمت سود الليالي على زرق البحور=ماحسبت حسـاب ليلـى ولامجنونهـا

أحسب احساب الهبايب مضيّقة الصدور=والطروق اللي تغث الكبـود لحونهـا

خايف انها تثني الغصن واتطير الطيور=واتورّط في هقاوي العـرب وظنونهـا

والعواذل من بغوا منه ماهو بمعـذور=مايبونه مـن وراهـا ولامـن دونهـا

يامغيّرة المفاهيم فـي بعـض الامـور=ودّكـم ترضونهـا والاّ ماترضونهـا

قبل لايحرجكم الوقت والدنيـا تـدور=لاتـحـدّون المخالـيـق وتردّونـهـا

من قراله كلمة غامضه بين السطـور=لد عينه مـع خبـول ٍ تلـد عيونهـا

والاّ حنّا ماخبرنا حصل منّـا قصـور=اسمعوهـا واتركوهـا علـى يكونهـا

لاتحسبون الدقايق وتنسـون الشهـور=وان بقى للوقت قيمـه فـلا تنسونهـا

ولاتثيرون المشاعر بتجريح الشعـور=وتكبر الدعوى عليكم وهـي ياهونهـا

والنهايه كان تبغون من الاشوار شـور=الجمايـل قدّموهـا لاجـل تلقونـهـا









[/poem]

‘‘ ‘‘ ‘‘

وســــلامتكم

صح لساااااانك ولا هنت

المشاركة الأصلية كتبت بواسطة طلال الجميلي

مساء / صباح :- الخير .!



متواضعه لعل وعسى تنال على شي من الرضى ..





[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

حفظت .. ( ماء وجهي ) على مر الأيام=وأخذت مع نفسي .. عهد / ما نكبه .!

ماهوب من هالعام والا قبل عام=مبطي ..! يوم ان اوضاعنا مستتبه .!

قبل .. يتكسر دوننا .. جسر الأحلام=حتى دهله اليأس .. وأصبح مهبه

أعشم الآمال و أقول قدام=وآطى مطبه واترقب مطبه .!

أبهر احساسي .. من جروح و الآم=وشعوري الصادق .. لـ .. غيري أصبه .!

حتى أمتلى نزفي على روس الأقلام=احداً رسم به رسم .. وأحداً كتب به

والخوف ..! كل الخوف .. من عض الإبهام=أهون علي .! أجب كوعي وأحبه

تفائلي .! هو سر تثبيت الأقدام=يآسي لو انه ما أكل به شرب به

عندي من الأصحاب .. ما فاق الأخصام=يبقى الأصل لكن .! يفنى التشبه

عن الخطأ شايم وبـ .. أشوم ما دام :-=من سبني .! ماني بـ ..مجبور أسبه .![/poem]







وشكراً على حسن المتابعه

ياسلام عليك ... صح لساااااانك ولا هنت

من روائع / نادر العماني


أنا أقـدّر الطيّـب وأقـدّر مواقيفـه
ولاآواخذ الطيّب من الغلطـة الأولـى

تراني نذير اللـي يفـارق مواليفـه
من أول خطأ ، وإلا من الكلمة الشولا

يبي ينتبـه مـا حولـه إلا مكاليفـه
لحالـه ولا يأتيـه ذولا .. ولا.. ذولا

ولا ني مع المخطي ولا ني على كيفه
أرد الخطأ ، والعفو في ذمتي أولـى

لو إن الرجل يرفع مقامه سواليفـه؟!
حسبنا الضرر للبكم من حكمة المولى!

يقول الردي ( لولا ) ويبدي تحاسيفه
و( لولا ) بريّه من هقاويه في لـولا

ياحبي لمن يبـدي لغايـب معاريفـه
طبيعة وله فاللازمات اليـد الطولـى

وماني با أسب اللي مواقيفه اضعيفه
ولا تسخر العين السليمه من الحـولا



..

لــ سداح المبدع ...

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحزّة الضيق .. صدري منك ما ضاقي=لقيت معك العلاج وهانت العلّه



إليا رميتي بدلوك داخل أعماقي=قريت لك ما تيسّر من كتاب الله



أطوي حبالك وأنا واقف على ساقي=عليك راسي طويل ولا قصر ظلّه



كم راح من ضيقه .. وكم من حزن باقي=جردت كشف الهموم وجات منسلّه



وأنا لوّ أنيّ زعلت وشانت أخلاقي=لازلت من فضل ربيّ من هل الملّه



مخلوق قانع وراضي بأمر خلاّقي=مثلت لأمره وانا خاضع من الذلّه



بكيت يوم المدامع تحرق إحراقي=لكنّ هانت بعد جفّ البكاء كلّه



أخاف من يوم تشخص فيه الأحداقي=وتميل بي كفّة التقصير والزلّه



ياربّ عفوك وأنا للعفو توّاقي=كم لي وقلبي يفوح ولا برد غلّه



لو راحة البال تعرض وسط الأسواقي=ما كان نص الخلايق صابها خلّه



والشعر من يوم ماخربنّ الأذواقي=ماهوب في حلّي ولانيب في حلّه



ما غير أغنيّه لو ما حرّك أشواقي=قريحتي من ثلاث شهور منشلّه



أدرّج السانيه .. وأعدّل الساقي=واللي سقا السنبله عيّت تسنبلّه !



ما حنّ رعاّدي ولا لاح براّقي=إلاّ بعد راحت اليبّاس مبتلّه



لكن عسى ساحته بألفين طقاّقي=هذاك صفقّ له .. وهذاك طبلّه



غش ومجامل وزيف وكذب ونفاقي=جات لوجيه البشر ماهي لوجه الله



ومسابقات القصايد طاق طرباقي=طربق على الشاعر الموهوب وأرسلّ له



فـ الليل طارت ما بين دشوش وأطباقي=والصبح طاحت على البراّد والدلّه



وعن سلّة البيض يدري كلّ سلاّقي=وكلٍ تحيزم لسلق البيض فـ السلّه



مابين شعر الحدث وعيون عشـّاقي=مشكور يا اللي تعقد الحبل وتحلّه



( خلاص ماعاد فيها قدس وعراقي )=قبل إحتلال العراق القدس محتلّه



مدري متى نجتمع فـ المنزل الراقي=بعد أفترق جمعنا كثره مثل قلّه



اللي بقا من زهابي موس حلاّقي=نفضت خرجي و وزّعته على الشلّه



من يرفع أقلامي ليا جفّت أوراقي=أخاف لا أموت والأقلام منصلّه [/poem]

لـــ العذب نواف نايف


[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الوصل فرحه كل عاشق والهوى بحر غزير=من طب في جوفه غرق ولا على موجه سرى

وانا سريت اسبح معه واضمد على جرحٍ خطير=الصبر مفتاح الفرج والوصل للعاشق ذرى

وانتي غلاي المعتبر والشوق والحب الكبير=والفتنه اللي جعلها تسلم من عيون الورى

ادله عن اهمومي معك واضحك وانا ماني بخير=قد قللت لك جرحي هدى لكن جرحي مابرى

ليا سرينا وابتدا من ليلي الثلث الاخير=قمت احترق من داخلي والدمع لفراقك جرى

اشم عطرك في يدي واغيب عن عقلي واطير=واصحي على علم وخبر بين اشتياقي والزرى

قدمت لك قلب العطا مااوحيت في حبك شوير=اللي جهل عن حالتي واللي عن الحاله درى

هم مادروا بانك غذى روحي وعقلي والضمير=وانك هناي بدنيّتي يفداك حالي لو برى

تقودني يمك خيوط الشوق ديباج وحرير=لانك ملكتي خافقي والملك مافيه خشرى

نعيش في جو الغرام وكل مكتوب يصير=هذي طراه ارواحنا بين الثريا والثرى

ان قلت احبك صدق ماهو كذب والله الخبير=اقسم قسم لو تبعدين اطيح من قمه كرى

والوصل كنز من ذهب في عيون رجال فقير=يشهد عليه منتدى المرقاب والقاري قرى[/poem]

من روائع / زايد بن كروز


التين والرمـان والخـوخ والتـوت
وخلاصة المنقا مـع سنتـر الشـام

تذوب في ريقك وانا اذوب وامـوت
لا سلهمت عينك على الخـد سلهـام

وافاق واشراقات وبحـور وخبـوت
في مقرن الحجه وفالرمـش لا قـام

تكفى قبل لاتفـوت الايـام وتفـوت
الفرصه اللي ننتظرهـا مـن العـام

ابغيك في ظمة غلا قبـل لا امـوت
شفني دعست البيت والبيت مـا قـام

يتميز الفنان مـن خامـة الصـوت
وانا اتميـز شعـر وعيونـك ألهـام

وفي كل يوم اجيب لك نحت منحوت
والشعـر كنـه يقـول قـدام,,قـدام

والـى خلطتـه در,,لولو,,وياقـوت
صدرك زبونه وانت حطيته اوسـام

ولا الغـلا والحـب مثبوت,,مثبـوت
لانيـب بيـاعٍ ولا فـيـه ســوام

يامسوي" قلبي على شكـل ريمـوت
ووجهك محطاته وانا عيوني ابهـام

وش عاد تبغي جيتك من الغلا شووت
ماردني من دونـك البعـد والـزام

وحلفت لك بأيمان وبخوت وبشـوت
وعهود حق" تلـزم الطيـب اللـزام

شفني على طول المشاويـر مفلـوت
دمام,,دوحه,,دوحه,,بـقـيـق,,دمـام

بس الحساء عايق ونكبه وعكـروت
وسويت فيه افـلام وافـلام وافـلام

اشارة الترحيـل واشـارة الكـوت
قطعتها وانا احسب الشرطـه انيـام

واثر الحساويه على جنب وسكـوت
فالفورد ابو ويلـس ولنبـه وصـدام

واربع قسايم بيـن جامـه وكبـوت
سرعه وقطع انوار وبريـك وحـزام

كله على شان الغلا واسمـك اللـوت
لايابعـد دانـه وسـوزان واريـام

المشكله في بيتكـم صـرت مثبـوت
مضيـع مغلـط معاذيـري اقــدام

ماغير اشيل كروت واركب اكـروت
وامك درت بي واعرفت كل الارقـام

تقـول ذا مجنـون واقـول بامـوت
الا اني اللقاء عندكـم سنتـر الشـام


....

عذبه للحبيب / محمد بلال


لا تعذّب جفونـي باحتراقـة غـلاك
دمّ قلبي تشوفه من عيونـي دمـوع

كان تبغى الغلا شف صادق الحب جاك
بس ترفق بحالي من هشيم الضلـوع

لايمي في بعادك جعل روحـه فِـداك
يا جميل الدلال ويا حسيْـن الطبـوع

الجفا والصـدود وسالفتهـن معـاك
خلّت الفِكر من بعدك خميس وربـوع

منطقي به تردد واعترانـي إرتبـاك
خوف لا زود شوقي من بُعادك يجوع

لا تسمّـع كـلام النـاس هـذا وذاك
ثم تنزّل مقامك بين حشـد الجمـوع

السمك لـو تخفّـى يخدعنّـه شِبـاك
كم يصيبه من الصياد خوف وفجـوع

صاحبي لو بروق الحب تلقى سـواك
ما سهرت الليالي والخلايـق هجـوع



..

محمد السالم


كنت احسبنا سننظر للنصوص الأدبية الفصحى التي راقت لنا هنا

ولكن مع كل اختيار جديد اجد القصائد النبطية تسيطر على الوضع تماما

من اجل هذا اورد نصاً عذباً للغائب عناد النفيعي


*

*

أُختُ قانا !

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أما وقد كان في سفْحيك ِ ماكانا = من وقع ِ حُزن ٍ وإذلال ٍ وحرمانا
لاتصرُخين على الاشهاد ِ قائلة ً = إني انا القُدسُ .. هل للقُدس ِ عوّانا؟
اني انا القدسُ .. للمعراج ِ في كنفي = اثرٌ.. وقد كُنت ُ للإسراء ِ عنوانا
أُرهِقْت ُ ذُلاً .. وتدنيسا ..ً وتعرية ً = و استعبدوني بني صهيون سكانا
يئِنُ للقُبة ِ الخضراءِ محرابي = وتنعي ّ القبةُ الخضراء قتلانا
ناشدُتك ِ اللهَ .. يا ارضُ النبيينَ = دعي العويل .. َ فإن الجُرحَ ادمانا
غدوت ِ ثكلى .. وبتيّ بين اظهُرِنا = تأسَيَنَ حينا ..ً وتُغتالينَ احيانا
وليسَ من تعرِفُ البطحاءَ وطأتهُ = فينا .. ولا زِدتنا يُمناً وإيمانا
اتأملين بنصر ٍ من سواعِدِنا = ام هل تظنين ان الصوت َ احيانا
اما علِمتي بِأنّا شِبه ُ اموات ٍ = في الارض لكننا من غير ِ اكفانا
عنِ القصاص ِ مُصفدة ٌ ايادينا = يا أُخت َ قانا .. وما ادراك ِ ماقانا
تشبثي في زمامِ الصبر واحتسبي = فإننا قد ملأنا الكون َ اذعانا
ياقدس ُ كوني بمنأى ً عن ضمائرنا = واستخلصي من جزيل ِ النأيّ ِعرفانا
فلن نُعيدَ لك ِ ماكانَ من طُهْر ٍ = ولن تُعيدي لنا المجد الذي كانا ![/poem]

المشاركة الأصلية كتبت بواسطة أخت من طاع الله

[align=center]

[/align]





[align=center]

(بـ أي اللغاتِ سـ أبْكِي عليك ..،

وموتكَ ألْغَىَ جميع اللغات)



..،

ذات صبحٍ أتقنَ الغيابُ حضوره

إنتقلتْ روحُ

من ضيقِ الحياةِ ..

إلى آخرةٍ أستغيث ربي أن تكون فسيحة .. ،

وأفقتُ عَلَى ما لن ينطفئ .. أبدا !

حينها ضقتُ بالحياةِ

وأتقنتُ لغة َ الغياب

ولم أفقْ إلا وهذه في يدي..!



[/align]











[align=right][/align]







[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

تطَرَّف يالحزن هـ القلب لولا إغفايتك تلقاه=فتق للريح بيبان الضلوع وباح خافيها

تطَرَّف ذا حصيل العمر لاتحدا الهوى يذراه=تعَرَّضه الضلوع إن هب "لن" القلب حاديها

تطَرَّف بالدموع اللي على جال الجفن مركاه=تفيض من القصا والخرس فيض إرخاه يقصيها

تطَرَّف ملّ منك الليل وأنت اتفله وتغشاه=وعليّ إسدوله إليا أرخيت جفني قمت ترخيها

تطرف فح صدري ضيق من ليل ٍ سجى بـ ظلماه=وأنا يومك تهيد دروبه أرحم لي مساريها

لانك يالحزن صبح ٍ تضمه موغله مأساة=تفوق إليا تنفس وأجمل الأحلام تنهيها

ولإنك جيت في آخر طريق اللي عبث منفاه=ولالك آخر آمنّي عزومي به وأقويها

لذلك في دروبك كثر ماسبت القدم محفاه=تثاقلت الوقوف ولاقدرت أسلاك وأمشيها

وعلى كثرك بعد فقد الوطن خلتك مثل ملهاة=سقاك الله مع الغربة وألم وحشة منافيها

أدَلَّه بَك وأدلِّه موضع ٍ أطهر وطن واراه=حدوده عزّ وال ٍ حكمته تمنعني أجيها

وثقت إعراه وإحتلت آحيا يومي وثقت إعراه=بعد سهم الرزايا أفلت من يديني عراويها

ويمين الله ماراع الخفوق وصوبه وأدماه=كثر ماراعني وإنقرت الحدب ومحانيها

ومن حرّه تفوح وخافقي من حرّها تصلاه=وفي كبدي ليا قامت تفوح أونست صاليها

حصبها كل عرق ٍ عاث فيه أخذ النيا وأرداه=هشيم ٍ ذرته هوج المهاجر مع ذواريها

ولاباقي من الحال بيباب الأرض غير أرداه=ذوته إجذور الأرض الغايبه بأبهى مغانيها

وشجن صوت الهجير الناي من صوت الحزن عرّاه=عدا صوت الوطن صمّ أكثر الاصوات لا أوحيها

خذه منا الغياب وخلّته حاضر كثير أشياه=تعهدها المحاجر بالولاء وأضنى تقصيها

عيون ٍ هدّهن قبله سهاد من الزمن وأعباه=ودرا عنهن بـ أنفاسه من الأعباء عاتيها

وبعده بـ أرمد الأيام جلاّ شوفهن إبكاه=أثَر سود النوايب لا أحكمت أثَّر تجليها

على يدين ٍ بجزلات العطايا من يده مضراه=قبل تال الزمان يكت مدّاته ويرهيها

ونشاماً لا أنتكس راي النشاما جوا يبون أرياه=وبـ أرياه السديدة بايه الاريا يقديها

وخلوج ٍ تدرج بريع ٍ وطاه وزيّنه ماطاه=يزيد إخلاجها فقدت ربيعه في مفاليها

وعلى صدور المجالس والدلال اللي بها مركاه=وصوان ٍ فوقها ياما كبار الحيل مركيها

وقفت ألمهم وأنا شتاتي مالحقت أقصاه=تهاوت في سنيني من عمد عالي مبانيها

أدور عن فرح في جيب مأتمنا ولا ألقاه=أثر من ضيقته بدموع فاضت من مآقيها

نسيت إن الفرح معنا بعد فقده فقد معناه=ولكن كيف من عاشت منه موته ينسيها ؟!!

وبعد ذكر الله الإنسان مايذكر كثر آباه=هم اسماء والأوادم تنعرف من ذكر اساميها

كبيرة فقدت الوالد إذا مات إلّه أحد أبناه=والأكبر فقد بنت ٍ مات والدها وَ واليها[/poem]





[align=left][/align]



[align=center]

..[/align]

نص يقف الكلام أمامه ..! لــ اخت من طاع الله

متصفح لا يُمل . واختيارات في مكانها . ونصوص رائعه

الله لا يهينكم جميعاً

مشكور يامحمد السالم على هاذه الفكره المميزه

ولي عوده بـــ اذن الله

تقديري

المشاركة الأصلية كتبت بواسطة نايف الديحاني

.



.







قصيده لكم ..





[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]

تعبت السكوت وكل حلمٍ بقلبي راح = تساوت بعيني , غيبت الحُب وحضوره !

جروحي ثقيله ، والهوى من عيوني طاح = وخذي مابقالي ,, يالليالي / ومشكوره

ندمت , وذكرته !! والمّهم إن سدي باح = دعاني غيابه , وأقبّل الحزن وشعوره

حرام إن بكيته , وإن تبسمت لجل أرتاح = أشوفه يهز الغصن ! ويجفّل اطيوره

وقلبي لو أنه ماحكم خطوتي ياصاح = نسيت الدروب اللي من العام مهجوره

انا شاعرٍ همه بوسط الحشا ذبّاح = تغاضا عن اللي كان يبغاه ويزوره

يموت الكلام بداخله , والصدر إن فاح = جفاه العتب ياقاري الشوق واسطوره

يشوف السحاب وبارقه دون عينه لاح = ذبّحه الظما لو اغلب القاع ممطوره

ينادي بعد ماقالوا إن القلوب أصحاح = تعب مالقا صوت ٍ يلبيه ويشوره

صحيبي تمهل ماني اليوم لك سمّاح = قضى الوقت وضلوعي من الحزن ماجوره

ترا الطير قفا , وانت لا تتعب الملواح = تعاف الوطا نفس ٍ من الوجد مقهوره[/poem]

ياسلام عليك يا نايف

مختلفه ومميزه من ( تغنّي من طرب ) إلى ( كان الله أحياني )
للرائع .. عايض النفيعي ،


[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
تغنّي من طرب والاّ فجيعه يا حمام الدوح = حزين غناك لو يطرب ترى مانيب طرباني

وش اللي جاك تال اعصير ترفع صوتك المبحوح = عسى الله لا يعيدك يا حمام ٍ جا مسيّاني

حبال الصوت عندك ما تقطّع من كثير النوح = وأنا لو نحت مثلك عفت .. يا لاحي ياليحاني

لك الله منت بمجازى بخير .. ولـ . انته بمسموح = تحطّم .. وآتحطّم .. من تحطّامك على شاني

أنا العابر ، وأنا الصابر ، وأنا الطيّب ، وأنا المجروح = وخيره .. يوم دمّي ما يضخّه زين شرياني

على دقـّات قلبي شرهة ٍ من قلبي المفضوح = وعلى قلبي مشاريه ٍ من أعماقي ووجداني

أثر كبر القلوب يضيّقكْ يالخاطر المشروح = تباشر بالسّعه .. من يوم جا قلبي على لساني

ترى ما هوب حب ٍ في شفافيّه وزود اوضوح = جباري يوم أعد الحق وأشرط فيه وآثاني

وش أسوّي بضيقة صدري اللي .. ما تجي وتروح = تجيني بالغلط في وقتها .. وأروح غلطاني

لو أخلاقي تقفّل .. ماتقفّل بابي المفتوح = تقفـّل ما تقفـّل .. مانويت أصك بيباني

أدوّر فرصة ٍ عيّت لها ستة سنين اتّوح = وأضيعها عشان اللي يدوّرني ويلقاني

سنين العمر .. مايستر نحرها ثوبها المدلوح = ولا تستر ظهرها .. لين تفصخ عمري الفاني

لو ألقا لي ركوب ٍ بالغصيبه في سفينة نوح = كفاني عن عصى موسى .. وعن خاتم سليماني

على أنقاض الصروح اليوم كل ٍ باني إله اطموح = سواسي كلّنا .. ما يفرق الهدّام والباني

بغينا عيش بحبوحه .. وبحبوحه تبا بحبوح = وبحبوح أعْرفه .. لكن ّ ما جيته ولا جاني !

ياكسّاب الفلوس إن كان منت بوجه كسب امدوح ؟ = غناتك فقْر ياوجه الفقر عنك الله أغناني

رضيت برزقي المقسوم لا قانع .. ولا مشفوح = ظليمة سيّد الأحكام .. ترض الناس من داني

أبقرى ما كتب لي فالجبين وماكتب فاللوح = ويقرا الأمي المكتوب مع دورات الأزماني

يدور الوقت والأيام دوّاره كدر .. وافروح = على كرتينها .. يازين نقش أسمي وعنواني

لقى .. وافراق .. وادموع ٍ تهامل ما لها مصلوح = عساها بس ما تنزل على ناري ودخّاني

تكتّمنا على ضيم الليالي والصدور تفوح = ومكنون الغلا بيّح خفا الأول .. على الثاني

تبا تبحث خفايه ليه ..؟ ياحالي ويا مملوح = ترى باقي شويّه والهجوس تعلّق العاني

ليا حاولت ما تسرق مشاعر .. خصّ سرق امزوح = ابا حاول تفهّام القضيّه قدر الإمكاني

بعد مارست ضغطك يا هوى فالعاشق المكبوح ؟ = تفجّر صدره اللي من هموم الوقت ملياني

شقى الأبدان راحه يا جماعه .. والشقى فالرّوح = جزا الله خير من يدعي عليّ بسمّ الأبداني

عواذيل المحبّه نصّهم ياعاشقين .. انصوح = من الليله و رايح .. عاذلي من حسبة أخواني

صراحه يستحق الشكر ذنب ٍ فالهوى مدموح = وتستاهل ذنوبي كلّها شكري ، وعرفاني

فدى .. وإن عاش راسي وأعتليت النابي الطحطوح = حذفت الحب من راس الجبل .. كان الله أحياني[/poem]



..