شايب وأغراه في بحر الهوى حوريه

السلام عليكم ورحمة الله وبركاته

أبيات للتواصل عسى أن تنال الرضى

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بياض راسي شيب والقلب ابيضٍ من غير شيب = يابو عيونٍ شيّبت عيني بسلهاماتها
والشيب للسلطان ياترف القدم ماهو بعيب = يرفع مقامه في العرب وتخر له هاماتها
وأحيان ماهو كبر في بعض النواصي يالبيب =شفني صغير وشبت من دنياي وإيهاماتها
وأقرب دليل ماثلٍ بُعدك علي ذنبٍ قطيب = يجلب هواجيس النوى ويفتق إلهاماتها
ترّث جروح يبطي الخفاق منها مايطيب =وتبين في حال النحاوي وجعة إسهاماتها
وأنا عليك أشفق من أم الورع في اليوم العصيب= لاقام حذف الروس وبكاها عليه اماتها
أغليك وأحبك ولا لي فى هوى غيرك نصيب = أنت الوحيد اللي تثير النفس وإنهاماتها
فيك الجمال اللي جمال الكون لو تظهر يغيب =تبصم عليه الانس وأيضا الجن ببهاماتها
من لامني يانور عيني جعل شمسه للمغيب =مالي ومال أهل النوايا السود وإتهاماتها
تفداك عذال المحبه من بعيد ومن قريب = والسر في حرفان .. والقاسم .. على هاماتها[/poem]

حفظكم الله