روّح ولا تنشد على حالي ولا وشلونها

[align=center]السلام عليكم ورحمة الله وبركاته

من باب التواصل[/align]




[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله عفـوك دلّنـي للنـور لاسـاد الـظـلام=الدرب موحش والليالي مـا وضـح مضمونهـا
لي عام وركاب القصيد تحـن مرهقهـا الحيـام=واليوم روين من قـراح العـد ملـي بطونهـا
يا ما من سنينٍ مضت لي يومها بحسـاب عـام=تقول كن القـاع ضاقـت بـي بكـل ركونهـا
إن جيت أبنساها يذكرني بهـا صـوت الحمـام=من شجرةٍ غنا حمام الـدوح فـوق غصونهـا
ولا يهيض شاعرٍ غنـا علـى الدنيـا السـلام=كود البروق اللي على الظامـي تشـح مزونهـا
يامسهر عيوني على رجوى مواصيـل الغـرام=إحرص عباد الله لا ترخـص دمـوع عيونهـا
اللـي لوجـه الله تسخيهـا تراويـح وقـيـام=وإلا لفقيـدٍ صورتـه بالعيـن مـا ينسونـهـا
بأودعك ليل الشتا كيفك تبي تسهر ... تنـام؟؟=أنا إعتبرتك عون نفسي وأنـت منـت بعونهـا
أشقيتني وأنت يتمركا راسـك بريـش النعـام=ولا زلت أنا اللي بيـن فكيهـا وبيـن سنونهـا
خليت جفنـي للسهـر واليـل وأخطـاه المنـام=فـي ليلـةٍ باحـت معاليـق الصـدر مكنونهـا
يسامحك ربي علـى الهجـران والصـدة مـدام=باقـي لـك بعينـي غـلا ماحولتـه جفونـهـا
أنا أشهد إن لك طعنـةٍ توغلـت بيـن العظـام=من حربـةٍ مبطـي وأنـا متحسـبٍ لطعونهـا
أكذب عليك إن قلت لك حالي على أحسن ما يرام=روّح ولا تنشـد علـى حالـي ولا وشلونـهـا
هـذي سنـة والكـل منـا لاسـلام ولا كـلام=يا عظمها لو إنهـا فـي خاطـرك يـا هونهـا
خيرك كثير ولا على نفسي ولا نفسك ملام=عزالله إن هذي هي الدنيا وذا قانونها[/poem]


[align=center]وسلامتكم[/align]