هـــدوء.!

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أصحابنا للإبتعاث=باالواسطات يدوّرون
أصابهم مثل الغلاث=ماباقي الا يفصلون
هذا وأنا أحلف باالثلاث=لو سافروا ليعّودون
مسلّمينٍ بإكتراث=مشاكلٍ من كل لون[/poem]

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نمت وصحيت وحياتي كلّبوها قلق=أنام في همّ وأصحى لي بهمًّ جديد
لولايه ألجأ وأعوذ بوجه ربّ الفلق=يمكن ماعايدت حتّى أهلِي على كلّ عيد[/poem]

[align=center]أبيات كيبورديّه...
إليكمـ..

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الناس هذا طبعها ماتخلّيك=ناسٍ تفاخر بك وناسٍ تسبّك
لو تستمع لهروجها كان يمديك=سيطر على عقلك بليس ولعبّك
حقّك عليّ إني قدر ماأقدر أرضيك=وأحاول أداوي جروحي بطبّك
وإن كان حبّيتك وحبّيت طاريك=ماهوب من فضلي هذا فضل ربّك
وإن كان ماحبّيتك الله يعافيك=مانيب مخلوقٍ على شآن حبّك
أنا ماأعرف أقول أنا ميتٍ فيك=ومن قلبي الصبح الهبايب تهبّك
الحبّ لو إنّه رصيدٍ على شيك=قلت إصرفه والا إتركه وسط عبّك
لكن مايمديني عليه ولايمديك=هذا بأمر ربّك وإذا أراد (أحبّك).![/poem][/align]

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا.. ماعاد أدري وش أقول وأنتي=ليا زعلتي قولي اللي تقولين
يكفيني إنّك في عيوني سكنتي=وإني عطيتك ممالاتستحقين
لا(أمي) ولا(أختٍ) لي ولاأنتي بـ (بنتي)=وصفطت لك مالا صفطته للأدنين
واليوم توّك في حقيقتك بنتي=يامستعيرة ثوب الإحسان واللين
لكن مادامك في بليس إستعنتي=أنا مع اللي باالولي مستعينين
حتّيش لو صحتي عليّ ولعنتي=يوم جمعني بك قبل حول عامين
ليا خلصتي من كلامك لاهنتي=شهار بابه مايردّ المجانين[/poem]

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا ماعاد أدري بعينك ويش أكون=يااللي عليك الشوق..شوق يصبّني
قلبي عليك تردّده جرد الظنون=مابين تكرهني وبين تحبّني
ليا نشدتك ليش تجرح قلت أمون=وأنا لو أبعد عنْك قمّت تسبّني
الشرقي يداعب غصون الزيزفون=وأنا ليا نسنس هواه يشبّني
تعبت من ضحك المحاجر والسنون=إمّا إهوني من قلب والا كبّني
أعلن لو فراقي لو إنّك ماتهون=وإن عدت لك كبّر عليّ .. وهبّني.![/poem]

يقول : عبدالرحمن السمين

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماعاد يغري ندا الجوّال=اللي منوّل على الدّقـه
أفزّله وأفتحه باالحـال=وأقول خلّي وفا حقّـه
اليوم حالت عليه أحوال=أطلع وأخلّيه فاالشّقّـه [/poem]

وأقول:




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سبحان من غيّر الأحـوال=وأنا مانيب (إ)لك بمفقّـه
لكن جذب قلبـي المـوّال=وجلّ الهوى سابـقٍ دقّـه
ماعاد لأهل الغرام وصال=ونيّة هلـه مجهـمٍ حقّـه
قبلك وليفي عليّـه مـال=أكسيه باالثـوب ويشقّـه
ثوبٍ بخام الوفا تفصـال=ماللـردى فأسفلـه دقّـه
من بعدها والعلوم طـوال=والرّاس يصحى من الطقّه
حلفت لو ماأشرب الفنجال=ماأشيل رقمـه ولاأدقّـه
إرحل ياحربي وأنا رحّال=واللي بقى بخاطرك بقّـه
وإن كان قلبك عجز يحتال=لو كان لأرضٍ خلا لقّـه
[/poem]

*.....

\

..... هههههههههههه
انت للحين ما نسيتها , لها حول ثلاث سنين الله ما اسرع الايام يا نايف
صح قلبك ولا خليت منك الله يبلشك خخخخخخخخخخ.

.

إي والله ياسرع الأيّام ياأبو داحم
ولاهنت على تشريفك على كل حال يانقي

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تمرّني وتقول لي كيف حالك=وأنت أكثر إنسان يعرف طابع الحال
لاصار تعرفني وهذا سؤالك=ماعاد لي لومٍ على العمّ والخال[/poem]

[align=center]:flower3:



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
آه ياحبٍ تمكّنت من حبل الوتين=كيف تقتل عمْد باالغدر من حلاّف زور
واحدٍ لاقلت ليه الخطأ أقسم بااليمين=إن ماله من ورى اللي حصل فاالحبّ دور
والله إنّي ماأطلب إدْيَهْ وأنا أؤمن بااليقين=مار ياليته تعذّر..وأقول (إ)له (إ)معذور
كان ماعوّضني الأجر ربّ العالمين=أحَيَا وأموت ماأطلب من الناس الأجور
متَّ ياحبّي وشهّدتك وقلبي حزين=والعزا إني ماأتذكّر حصل منّي قصور
الدعاء باالرحمه أبرك من دموع الحنين=الحنين دموعه تعذّب اللي فاالقبور
والضلوع العوج كم في ثراها من دفين=مقبرة بيض المشاعر وجثمان الشعور
قبرك بصدري ولبْنه عزم ماهوب طين=والكفن من صبر قلبٍ على الدنيا صبور
أنت والأسرار فاالصدر ضمن الميّتين=سير حنجرتي للأسرار..ممنوع العبور
متّ.. وأنا تبت عن حبّ قلبٍ ما يلين=دام كلّ مع من يحبّ لابدّ محشور
يبعث الله ساير الخلق عقب النفختين=وأنت مايبعثْك من ميتتك نفّاخ صور[/poem][/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياماتعبنا عشان نساعد الناس=ماكلّ شيءٍ نسوّيه يخدمْنا
نتعب ونشقى ولانرضى لهم باس=وليا إحتجنا (إ)جحدنا وإنصدمنا[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يكافينا المصايب والأهوال=ويلطف بنا ويعزّنا بحفظ دينه
ماعاد باقي به دروسٍ للأجيال=أكبر من دروس الغرق فاالمدينه
شبنا من دموع الأرامل والأطفال=كلًّ على ماصار يندى جبينه
خايف نصير بوضع مضرب للأمثال=والله لايلحقنا حياة الغبينه
العاصمه هذا المساء ترثي الحال=بغت تعوّد مع قويزه رهينه
ماكلّ مايحصل نتائج للإهمال=شيءٍ إهمال., وشيء ذنبٍ بعينه
تقسى القلوب وباعت الدين باالمال=كثر المعاصي يفقد القلب ليْنه
ماأقول غير الله يكافينا الأهوال=والله يساعدنا على حفظ دينه[/poem]

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أصحابنا نهار (خمسه وعشرين)=عليك واحدهم ماغير يتخطّم
يواجهون ويذبحون وكريمين=ومن الدلال الضيف ماينتفطّم
يقول من لايعرف أحوالهم زين=حتّيش لو برج التجاره تحطّم
لكنّ شف وش حالهم ليلة (إثنين)=واحدهم ليا شاف الآخر تلطّم
كلٍ على حروة طلب سلفه ودين=قلبه من ضلوعه خطير يتقطّم
مايشترون الا من أبو ريالين=ونفوسهم عن كل غالي مسطّم
الوضع هذا صايرٍ شبه روتين=في كلّ شهر نشاهد البني والطّم[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
القلوب العاشقه مايعذّبها=غير باقي ذكرى الأحباب وأتلاها
والهنوف اللي بقايا ذوايبها=حوّلت بين المخدّه ومركاها
شعرتينٍ بأمره الله مخضّبها=لو تطبّ السوق ماجبت حنّاها
كلّ يوم أقول كنّي مطيّبها=من شذا اللي كان باالحسن يزهاها
ماعطتنيها ولانيب ناهبها=ولادريت الا عقب ساقت خطاها
أثرها قبل تبرّك ركايبها=طشّت الشيله وطاح وتغشّاها
إندلج من رآسها لأسفل إركبها=أشقرٍ لون الشفق فيه يتْباها
من وبر حمرا زهت به جنايبها=وإتركتها يوم قادت بمفلاها
كنّها يوم الهبايب تهبّ بها=نسمةٍ تشرح صدر من تلقّاها[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الوعايد عند بعض الواسطات=من عقيد..ومن عميد..ومن لوا
راحت أكذب من وعود العاشقات=اللي أكثرها يهبّ بها الهوا[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالبيه يااللي كلّ ماقال لي لبيه=ألبي له بقلبي قبل ينطق لسآني
ماحسّيت لذّة نعمة السمع قبل أوحيه=ولهروج غيره كنّ ماعندي آذاني[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أشرقت شمس الصباح وتفكّرت أستعيد=كمّ ياقلبي من الناس ناسٍ صبّحوك
تنقص الأعمار والناس فاالغفله تزيد=تاركين ركاب الأعمال فاالمفلى بروك
كلّ يوم يمرّ ويموت منّا مانهيد=للحياه تقول نملك على الدنيا صكوك
يابنادم حطّ نفسك مكان أقرب فقيد=فكّر بناسٍ لو تموت في قبرك بكوك
هي ثلاث أيام..لو ميتتك في ليل عيد=وإن خذوا قطعة ليالي مع الدنيا نسوك
لو بكوا عليك طول العمر وش تستفيد=كان ماقدّمت للنفس خير ليا ذكروك
فكّر بنفسك ليا صرت في قبرك وحيد=تسمع نعول المصلّين قفّوا وإتركوك
وإبتدت حياةٍ أخرى وفي حضنٍ جديد=حضن لكن ماهو بمثل حضن إمّك وأبوك
وجاك ملائكةٍ إثنين أولوا بأسٍ شديد=عاد جاوب وأنت في وضع خوف ليا إنشدوك
إمّا يفتح لك من الخير طاقه ياسعيد=وإتّسع قبرك وبشّرت خير وطمّنوك
أوشقي والطاقه اللي على هل من مزيد=تنفتح ويضيق قبرك عليك وعذّبوك[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلبي يغرّب به النسناس ويشرّق به=عقب شوفة من يبيح كلّ سدّ بما أخفى
بينه وبين العذارى فارقٍ يفرق به=ماتقول الا عن العالم يعيش بمنفى
مثل فرق أهل الخبر عن ساكنين الثقبه=عارفين أهل الفخامه وأهل تكفى تكفى
ياماشاء الله ياعذوبة منطقٍ ينطق به=للحيا والرقه إسلوبه مقرّ وملفا
لو مجرّد حرف واحد لاهرج يشرق به=يمكن ينوّم ثلاث أيام فاالمستشفى
واهنيّك ياالهوى اللي نسمتك ترزق به=لو ماغير تداعب أنفاسه ليا أقبل وأقفى
يتهزّع بقدمه تقول ماياثق به =مثله (إ)عن المشي وأنا أستغفر الله يعفى
قلت له مما يشيل الساق معك إرفق به=ياأبو خصرٍ مايصوّب لو حذف باالشلفا
عنفوان العاطفه شيءٍ ماأحد ياثق به=لاتعقّب في ستار القلب مالايرفى[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حطّي يديني في يدينك عن البرد=وإستلحقيني..لين أجي معك كلّي
مشاعري من ملبس أفراحها جرد=قطّع ملابسها الزمـان المولّـي
مانيب قاطف ورد ياشجرة الورد=وأنا تحت غصنك ذرايه وظلّـي [/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يقولون ياغايب عن المجتمع وين أنت=يحسبون سجّات الغياب متعمّدها
وأنا لأجل تبريري لو أقدر سحبت برنت=عن أوضاعي وخلّيت كلٍ يشاهدها
جهاد وتعب ومكافحه وإختفيت وبنت=مع أمواجها اللي مايوقّف تهدّدها
جدار العزم من صبر نفسي ماهوب إسمنت=لو ظروفي الصعبه عروقي قلايدها
أنا لو تموت عروق جسمي زرى ماأذعنت=من أوضاع حالٍ صعب للناس أحدّدها
أبمشي على هقواتي أشملت والا أيمنت=وأبزرع بذور من الرجا لوّ ماأحصدها[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لايلومونك على حذف الذّهب فاالصالـه=ياعيون اللي من أزوال الرّمـاه مجفّـل
لعنبوا من لام صدرك لو حذف سلسالـه=الذّهـب علـى جمالـك يعتبـر متطفّـل
قلبي لحاله وفكري مـن سببـك لحالـه=لو حصل لي شيء ماأحد بماحصل متكفّل
ودّي أفهم لامتى نبقـى علـى هاالحالـه=كـلّ مادقّيـت جوّالـك لـيـاه مقـفّـل
وكلّ ماحصّلت تقريـر إستـلام رسالـه=أتغيفـل.. والا أنـا والله مانيـب مغفّـل [/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ريحة العطر النسائي تفجع العزابي=لاكسب خيره ولاهو سالمٍ من شرّه
وأنت يااللي كنّ عطرك راشّه بثيابي=إتّق الله في قلوب العالم المحترّه
إنعطافة خصرك الملهوف فوق النّابي=رقبة عنقاً على صدرٍ ماهيب تزرّه
ودّي أعرف كيف يصبر ثوبك العنابي=الله يعينه يكابد ضيم الأعضاء الحرّه[/poem]