.....الصبر والحكمه......

اسعد الله مسائكم بالخير والسرور .............. ابيات معبره عن بعض الأمور لبعض الأبيات .

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله يامسقي الشجاري والادباش=بغيثاً مع الوديان تدرج سيوله
تجعل لنا في سكة الخير مطراش=والحق بين الناس نقدر نقوله
ونعوذ بك من شر مايصنع الواش=ومن كل نفس ٍ فالخطايا جهوله
وشياً يخلي صاحي الفكر ينداش=وهرجاً يجينا طايشاً عن اصوله
والله مايرضى الخطأ غير غشاش=قولو لمن يشره علينا قولوله
لايفرش البيداء من النار بفراش=نار الفتن ماتنطفي بالسهوله
ولاينقش احداث المشاكل بمنقاش=الصف واحد ماتجيه الميوله
والي حصل بين النواظر والأرماش=غصباً علينا مارضينا حصوله
اقدار منها العبد في صفحته حاش=لازم يواجهها وتبرك ذلوله
من خلقة الدنيا وهي حرب وهواش=وابليس بين الناس يسرج خيوله
الصبر والحكمه دواء الجاش لاطاش=فيها يحصل راعي الدول دوله
مهما حصل عيب الرياجيل تناش= يامقيسين الهرج عرضه وطوله
قدر النشاما ماعرضناه ببلاش=عنه العلوم الهينات امعزوله [/poem]