الى..........؟

السلام عليكم ورحمة الله وبركاته

هذه القصيده اتمنى ان تنال بعض من اعجابكم 00 وهذا جديدي

بسم الله
0
0
0
0
0
0
[poet font="Arial,4,darkblue,normal,normal" bkcolor="transparent" bkimage="" border="none,4,gray" type=0 line=200% align=right use=ex length=0 char="" num="0,black" filter=" dropshadow(color=white,offx=1,offy=1)"]
البارق النايض مساء امس بخــيال = ضوحه نحر لـــيل الظلام وظــلامـــه
النايض اللي شــب فــالروح والحال = عليه يرتج الكيان ومقامه
فيه الخيال امعانقٍ شــم الاقذال = والا عـــلى غـــبه وتســعين قامــه
جاوز مدى التصوير مـستــقبل اجيال= ويرجع مية عامٍ على عكس عامه
متوثبٍ مابين مـــهره وخـــــــــــيال = ومتمكنٍ يحكم مخارج كــــــــلامه
مايخضع الا في ذرا الواحد العال = اللي جــعل للرجــــل حــــق القـوامه
وغيره فلا له هيبةٍ ترهـب البال = واجبه عندي بس ردة ســــــلامه
وله واجب الرجال في سلم رجــــــال = كلش ولا عرضت دروب الرخــــــامه
ويارب انا بحماك من ردوةالفال = وادخل علــيك من الــعبث والوخـــامه
واعوذ من قبح التــغطرس بالاعـــــمال = واعوذ من درق القفا والــغشامه
واعوذ من وعثات الاقفا والاقـــــبال = واعوذ من قلبٍ ينقّد هيامه
واعوذ من غدر الرفاقه والاهـــمال = ومن مجلس الحقران واهل النمامه
واعوذ من ختل العذارا بالاقــــــوال = واعوذ من تقليد مشي الـحـمـامــــه
ومن وقفة الرجال بهجـــار وعقـال = ومن ساعةٍ فيها يقل احـــترامه
واللي على اقــفاي الرجاجيل خـتال = وعند المواجه ماتراكب عـــــظامه
دايم لهومات الاباليــــس عـــــمال = ولمواجه المنقود وجـــهه غـــــــرامه
مايطلع الا فــي مــواجيــــب بــــــطال = صاروا مناشف دون وجه الزعامــه
يسرف بي التفكير في بعض الاحوال = وياما على دربه لحقني مـــــلامـــه
واقول للي ماتفكر بالامـــــــــــثال = دوم الهواوي موتته من غرامه
لو عشقته ترمــــيه في عرض الاهـوال = يستعذب التعذيب حب وكرامـــــه
ما نيب مهتالٍ ولا انته بمهتال =اذن بلال ولا احتريت الاقامه
ياكثر ماشفنا من الوان واشكال= نصبر وندمح والمبادي علامه
غريب اراقب عبر موجات الارسال =غريب ..عن راسه حذف بالعمامه
وماعاد غنا في هوى البنت موال = وحكم الفراق اليوم تبنى خيامه
اكبر مهانه تعتذر قدم زلال = إن كان هذا شرط ؟ عفت استلامه
من باعنا بجنيه بعناه بريال = مجال شعر وحافظٍ له مقامه

((سيف السيف))
[/poet]

وسلامةٍ تكسيكم بالعرض والطول لاعدمتكم


واسمحوا لي على تقصيري مع القصيده ومعكم

للجميع كل الود