كـــُــش مــــلك !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهجوس اللي من أصفى الموارد ناهله = تعرف الموضوع كله ولاهي جاهله
جمليني يا هجوسي مع محمد سعد = وأنتي اللي في قضا لازمي متزاهله
يوم حدتني عن مواجهه بعض الظروف = كلبوها مسرعه ماهي بمتماهله
يامحمد دربي اللي سريت البارحه = صعب في تاليه والاّ أوله متساهله
عاهل أية شعب لو كان مثلي سار فيه = قلت هذا الشعب ماهو يجمّل عاهله!
تهادر فيه يبو سعد سحم الركاب = والمهار الشقر فيه إتهادر صاهله
وأبن عمك صار بين المطايا والخيول = حد عين وعين مما تشوفه ذاهله
أبن عمك ماتشكوى من الحمل الثقيل = بس عذره منك حملً بيكسر كاهله
فالمعذره يارفيقٍ له الغالي رخيص = والله إن الوجه له مثل ما إن الجاه له
مثل ماقال المقوّل عسى الله يرحمه = لحيةٍ ماتقبل العذر ما تستاهله !!

[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أعوذ بك يالله من الشيطان وعوال الحرام = وأستغفرك من كامل ذنوبي جدايد وقدما
وعلى نعمك أحمدك يامنزل تبارك وألف لام = ذكرك وشكرك فال قدام السواليف تحما
وحتى ولو حميت سواليفي بأخليها تمام = قدر الرفيق وقدر ماجوبه ومكتوبه وما ..
يدريك وش يعني رفيقي لي ووش له من مقام = في عيني أكبر من ملوك ومن مشايخ وزعما
يرخص له الغالي ويصرف له شديد الإهتمام = أما أرتمى بعد أنتهض والاّ أنتهض بعد أرتمى
طرّاه بن جلهم رفيق الجنب فكاك الجهام = يسمو محمد بن سعد وإليا سما يعني سما
أرحب تراحيب المضيف في عشي يوم الرسام = وأقلط على سمن وسمين وكل غيث لك هما
وبقدرة الله يالظوامي ماهي بتصدر حيام = وأنا لساني طلق مايلصق لساني في الجما
يجيبها راس القلم ويجيبها حد الحسام = وأن قلت لي هذا هو قلت إلك هذان هما
حلين وأختر بينهم ومستل الجنحان حام = فأما على النايف بدا وأما مع الطمـّه طما
الخير واجد والعرب تفنى ولله الدوام = وإليا برد عزمك ترى ماهو على النار يحمى
ياكثر شركات التداول بين خاص وبين عام = لاتنحصر في شركة الكهرب وفي شركة نما
عدّل وبدّل وإجتهد وأن راح زام يجيك زام = ولا تقول إني رميته بس عيّا ما أنرمى
هذي بلاد الشام فيها كل صنف من الشوام = لو قفـّلو دونك دمشق إختر حلب والاّ حما
تفدى بلاد العم سامي ديرتك يالعم سام = ويفداك يالنامي من الأغصان غصنٍ مانما
تبقى السما وحده ولو هب الهوى ساق الغمام = لكن ترى الرمان ماهو ينزرع بأرض الكما
والناقة اللي لا شداد ولا قياد ولا خطام = سابت وضاعت يامحمد بين بيضا ودهما
عذب اللما يابو سعد لو يفترش ريش النعام = على الحصير المهتري مايختلف عذب اللما
شف شاعر الفصحى من أقواله رويدك ياغلام = والشاعر الشعبي يترجمها تركّد يا نما
من عدد أركان الصلاه وعدد أحكام الصيام = ماهو بشرط إنه عضو في هيئة كبار علما
مضمونها يابو سعد مضمون سيرة بن هشام = سدد وقارب يامحمد في حياتك وإنما :
الصبر مفتاح الفرج والنور جلاي الظلام = ومن حك عينه بإصبعه يمكن من الحك تـْعما!
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا جميل غيابك مدمّر الشرقيه = والخبر بالذات تبكيك يالشملاني
أنت بنك الطيب وأسهمك بالكميه = أسهم الطالات ورثك من الجداني
ماهي أسهم عالم اللعبة العكسيه = خالد البلطان ومحمد القحطاني !
المهم إرجع وعجّل بوقت الجيه = خل مونتريال للكافر النصراني
المباني الميته والقلوب الحيه = كلبوها تنتظر جية الشملاني
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سياسة قرنتي الهرج سيده بلا تقديم = تعمدتها يوم الحكا صار متشابه
على طول دون مقدماتٍ وسين وجيم = تخلي مضامين السواليف منسابه
على ذا الأساس يجيك يالشيخي التعميم = وشاعر وميدانه وشيخٍ ومحرابه
يامفتي شبابه حكم حلق اللحا التحريم = وذي مابها نشدة مطوّع فلا تابَه
مع إنك ضليعً في الشريعه وفي التعليم = فلا بأنشدك عن حكم يمكنـّي أدرى به
أنا حالمٍ لي حلم مايقبل الترهيم = بدى بي من الصحرا وفزيت في الغابه
حلمت إني ألقى مضيم وأذبح عوال مضيم = على شان أفوز بخيل ذا العود وركابه
ولا بقـي منهم كود واحد وضيمه ضيم = وما جات به يمناه حطه تحت نابه
رميت ورمى وآنا فهيمٍ وهوّ فـْهيم = تركنا السلاح وقال جابه وأنا جابه
فهو قال ملح وصلح ومذكرة ترسيم = وأنا آقول تمر وجمر هرجٍ بلا كتابه
وقفـّى وأنا قفيت والجو فيه الغيم = وهو حاسب حسابي وأنا حاسب حسابه
كذا الحلم خلــّص لا مهانه ولا تكريم = ولافيه للتفسير من نطرق أبوابه
ياكود أنت يا إبراهيم شدّاد والاّ مقيم = تجيب الخبر وتعصّب الراس بعصابه
طلبتك تقدّم فسّر الحلم يا إبراهيم = ونظرات عينك صادقه غير كذابه
ترى إبهام كفك لو سحبناه للتبصيم = ماْ ينفعك لو عندك ثمانين سبابه!
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
السنين مداوله والشقي عكس السعيد = والحياه مزاوله والعمل يبغى حماس
ماضي الأيام قانونها الطارف سديد = وحاضر الأيام حسب إختبارات القياس
يا سعد تالي زمنــّا نتاجر في الحديد = وأن تحسّن وضعنا شوي رحنا للنحاس
المهم ياسيف حمزه وسيف أبن الوليد = أعطني رايك ترى الكهربه فيها إلتماس
[/poem]

ابو يحيى

ادري انها انبراشه مالها داعي

بس صدقني مااقدرت اغادر الركن دون تسجيل اعجابي الشديد جداً !

زادك الله من فضله , ومتعك بالصحه والعافيه

واسلم وسلّم

المشاركة الأصلية كتبت بواسطة فالح المصعوك

ابو يحيى

ادري انها انبراشه مالها داعي

بس صدقني مااقدرت اغادر الركن دون تسجيل اعجابي الشديد جداً !

زادك الله من فضله , ومتعك بالصحه والعافيه

واسلم وسلّم

أررررحب أرررحب

وهذي ماهي إنبراشه هذا وسام تشريف لي ولركني المتواضع
وفقك الله ويسر الله امورك كلها

وانت سالم وغانم

يا باغي الشعر رابط هاهنا لا تروح
وش تحتري غير هالأبداع وش تحتري !!




هذا ماهو ركن هذا صرح يازن الصروح
وأسمك لحاله هرم يا ناصر الأحمري

المشاركة الأصلية كتبت بواسطة عايض النفيعي

يا باغي الشعر رابط هاهنا لا تروح
وش تحتري غير هالأبداع وش تحتري !!




هذا ماهو ركن هذا صرح يازن الصروح
وأسمك لحاله هرم يا ناصر الأحمري

أحرجتني حيل يا عايض بهذا الوضوح
وللحق كلمه وانا دايم عليها جـري

يامروي الذايقه والجد غير المزوح
أن كان الإبداع إدانه : مانت منها بري!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أيا قارئة كفــّي على بابِ منزلي = لمَ الصمتُ يا أختاه قولي وجلجلي
بأي لسانٍ يُـقرأ الكفَ يا تـرى = أجيبي على هذا السؤالِ وأجـْمِلي
فوالله لن أؤمن بما تقرأينهُ = وإن تضحكي حيناً وحيناً تولولي
بسطتُ لكِ كفـّي مكاءً وتصديه = ولي غايةٌ أخرى فعن غايتي إسألي
(لسانُ الفتى نصـفٌ ونصفٌ فؤاده) = ولم يبقَ إلاّ أن تعي كلّ ما يلي :
لعَمرُكِ لن تحضين بالشرحِ وافياً = وأنتي مجافاةً على باب منزلي
دَعي قارئاتُ الكف يندبن حظهن = ومن باب بيتي سمّي اللهَ وأدخلي
سأتلو عليكِ سورة النورَ والقلم = وإنصاتكي للذكر واجب إذا تلي
فأصغي لذكر الله حين تلاوتـه = وكلُّ ظـلامٍ بعد ذلك مُـنجــلي
فما يطمئـنّ القلب إلاّ لذكر من = لهُ خلـقُه سُجـّاداً الخالق العلي
[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام رديـّه ورفرف يا عـلـم = وإليا أنعقد حبلٍ فله حلاّلته
دبّ حلمه وقراد قردان وحلم = لا هي بممسـوكه ولا هي فالته
مادام طاح الترس والسيف أنثلم = فالأرض من يسقط عليها شالته
ضيق وعنا وهموم وآمال وألم = يضمـّها الرجــّال ضمن سلالتـه
مظلوم يا سيدي ومين اللي ظلم = مجمـّع الديبان في حصــّالته
ها وأنقبص منها ونيّب وأنكلم = وأشتلــّه المسعف على نقـّالته
وأستقبله في الحال مستشفى الدلم = لكن ولا دكتـور شخـّص حالته
يعني ضحيّه بين سلّم وأسْتـَلَم = مقتول لكـن وينهم قتــّالته
نعيش واقعنا ونغلط ونـْحلم = حلمً نشوف مقلّطه من صالته
نفتـل شواربنا ويجلمها الجلم = ونمدّ الأيدي بس ما شي طالته
لا والله اللي ماحدً منـّا سلم = حتى اللي مْرابط بوسط بقالته
ياجبهة الدفتر وياخشم القلم = راعي الرساله في ختام رسالته
ما قال ملّي متر تدليعه ملم = وأهل الرياضيات قبله قالته
لكن يقول ألم نعي وألم وألم = ندرك من ذياب الجبل وثعالته
آبو السلم مجهول بس أم السلم = معروفةٍ بس السلم من خالته ؟

[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياللي خطفتيني بلـدّة نظـر خطـْف = عز الله إنك من خيار المكاسب
فيك الحلا والملح والعنف واللطـف = اللي يخـلّي كل مسرع يحاسب
ويضيع بين النصب والجرّ والعطف = في جملةٍ مابيـن ناجح وراسب
يانع ثمارك ينتظر لحظة القطف = قطفٍ مناسب في زمانٍ مناسب
والمشكله في بوك وأخوانك الهطف = ماهم بكفـو المعرفه والمناسَب !
[/poem]

من أول نص الى آخر نص...

قراءه بنَـفَس واحد..


ركن ملئ بكل تضاريس الطبيعه بالإضافه الى الكوارث الطبيعيه الشعريه و الفكريه..


للأمانه يا ابو يحيى ركن إبداعي...


و يسعدني و يشرفني أن أعلن قرار خلع لقب ( القيصر ) عن نفسي و أُلبِسكَ تاجه ..

تزكيةً لمن سبقني بهذا الخلع من الأخوه المرقابيين أعلاه..

لا يجتمع على العرش قيصران..


تحياتي و محبتي و إعجابي


القيصر المخلوع
ش. س.

المشاركة الأصلية كتبت بواسطة شفق السريّع

من أول نص الى آخر نص...

قراءه بنَـفَس واحد..


ركن ملئ بكل تضاريس الطبيعه بالإضافه الى الكوارث الطبيعيه الشعريه و الفكريه..


للأمانه يا ابو يحيى ركن إبداعي...


و يسعدني و يشرفني أن أعلن قرار خلع لقب ( القيصر ) عن نفسي و أُلبِسكَ تاجه ..

تزكيةً لمن سبقني بهذا الخلع من الأخوه المرقابيين أعلاه..

لا يجتمع على العرش قيصران..


تحياتي و محبتي و إعجابي


القيصر المخلوع
ش. س.

أرررررررحب يبو مهنا والحمد لله على السلامه وعودا حميدا

التتويج والتشريف وراس المال والكسب هو تواجدك وإشادتك

الله يجمل حالك ولا يهينك وثق أن لتواجدك وقع وأثر إيجابي على الركن كله وراعيه

ولا بالله أنت القيصر وأنت القسوره

وأنا أعتبر نفسي الحاجب وعساني أكون حول الهقوه

وهذي أحلى ورده

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا كلما مريت من جنب سوق جيـان = أشوف البلاوي يوم تومي برجليها
بـلاوي ومنكوسه ومتعددة الألـوان = وهذا يملحــّها وهذا يحلـّيها
وراعي التويوتا غايته راعي النيسان = وراعي العراوي في المواقف موزيها
ولا فيه جمس إلا وهو ضايق ومليان = من العالم اللي ماآعـْرف ويش أسميها
مع كل سواق أجنبي جول من نسوان = وهــذي يركبــّها وهـذي يوطـّيــها
ويا نابي الردفين يا مدمج السيقان = عيون المقرّد فيك تركز شباريها
وقوم الغزل متمركزينً على البيبان = وكلّ صـْعوي يبغى صَعـْوةٍ يخاويها
ومن حدها الصدام دخـّن لها الشكمـان = ويمكنــّها أعطت قوسها غير باريها
هذا مختصر لجيان ومجمّع الظهران = وباقي السوالف لو تدربى بأدربيها
وسلمان مما قلت متضايق وزعلان = يقول المحبه مانت تعرف خوافيها
وأنا رغم كرهي للتناقش مع الخبلان = نويت ألعن أمّ السالفه وألعن آبيها
ياسلمان مات الحب من ماضي الأزمان = رجاءً حكاوي الحب لاعاد تحكيها
هروج البنات ودنفـستهم مع الورعان = تراها سوالف ناقصه ما ندانيها
إذا كنت صادق قل أنا آحب بنت فلان = على شان يا يعطيك والاّ عطانيها
بلا فلسفه خل التفلسـاف للكذبان = محبة توالي الوقت شف كيف تاليها
خذاها من السواق في شارع الخزان = ولا أدري يشب النار والاّ يطفــّيها
وقال إن بنت الناس ماتشرب الدخان = وأنا آقول بنت الناس غاصت لأذانيها !
[/poem]

قـلت :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو رميتك يالمسرّي ماْأذبحتك الطلقه = أنت عندي المركز الأول وغير مكرّر
الغياب اللي له أسبابه مبرّر خلقه = والغياب اللي بدون أسباب كيف يبرّر !
[/poem]
فقال :

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من تصاريف الليالي ماكلً لي علقه = وأنت وافي والوفا بين الرجال مقرّر
الغياب مسلسلً لازال فأول حلقه = والعرب نصفٍ على تقوى ونصف مغرّر
[/poem]
فقلت :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل ما تكتب خطاب أمّا أرسله والاّ ألقه = فيه صرّ مفككات وفيه فك مصرّر
مبدع وجمهورك المليار ماهو الشلقه = لو بتـكتب أل مع راءين نقراها الرّر
[/poem]
فقال :

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من شهر وأيام وأبواب الغنا منغلقه = والمصارف شيكً مقيّد وشيك محرّر
راس فيه الباس والا راس فيه الفلقه = واللذي ماهوب ابن سرّار كيف يسرّر
[/poem]
فقلت :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنـزلقنا كلنا والزلـقه إهي الزلـقه = وكلبونا خابرين القدس كيف تحرّر
أقلق وتقلق وباقي الناس لو هي قلقه = ما أكتشفنا كل يوم مكالمات تمرّر
[/poem]
فقال :

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مالك الاّ الصبر والاّ عسكرً منطلقه = تلطم الشرّي لو إن كل الخصوم مشرّر
البلا في اللي يطوّل شاربه ويحلقه = كل ما قلنا مثل طعم الحلاوه مرّر !
[/poem]
فقلت :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صابرين وكل بيضه في الطبق منسلقه = والقضا يلجأ إليه الواحد المتضرّر
أطلق حجاجك وحجـّان النشامى طلقه = ماحدً قال أجهزتـكم لمس والاّ مزرّر
[/poem]
فقال :

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما فكرْت ولا ذكرت الاّ اللي أبدع خلقه = مير أشوف الضايق اللي فك ثوب وزرّر
وأنت يوم تحطها في الشطر الأول ألقه = ليش يوم تحطها في الشطر الآخر أرّر
[/poem]

المشاركة الأصلية كتبت بواسطة ناصرالأحمري

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا كلما مريت من جنب سوق جيـان = أشوف البلاوي يوم تومي برجليها
بـلاوي ومنكوسه ومتعددة الألـوان = وهذا يملحــّها وهذا يحلـّيها
وراعي التويوتا غايته راعي النيسان = وراعي العراوي في المواقف موزيها
ولا فيه جمس إلا وهو ضايق ومليان = من العالم اللي ماآعـْرف ويش أسميها
مع كل سواق أجنبي جول من نسوان = وهــذي يركبــّها وهـذي يوطـّيــها
ويا نابي الردفين يا مدمج السيقان = عيون المقرّد فيك تركز شباريها
وقوم الغزل متمركزينً على البيبان = وكلّ صـْعوي يبغى صَعـْوةٍ يخاويها
ومن حدها الصدام دخـّن لها الشكمـان = ويمكنــّها أعطت قوسها غير باريها
هذا مختصر لجيان ومجمّع الظهران = وباقي السوالف لو تدربى بأدربيها
وسلمان مما قلت متضايق وزعلان = يقول المحبه مانت تعرف خوافيها
وأنا رغم كرهي للتناقش مع الخبلان = نويت ألعن أمّ السالفه وألعن آبيها
ياسلمان مات الحب من ماضي الأزمان = رجاءً حكاوي الحب لاعاد تحكيها
هروج البنات ودنفـستهم مع الورعان = تراها سوالف ناقصه ما ندانيها
إذا كنت صادق قل أنا آحب بنت فلان = على شان يا يعطيك والاّ عطانيها
بلا فلسفه خل التفلسـاف للكذبان = محبة توالي الوقت شف كيف تاليها
خذاها من السواق في شارع الخزان = ولا أدري يشب النار والاّ يطفــّيها
وقال إن بنت الناس ماتشرب الدخان = وأنا آقول بنت الناس غاصت لأذانيها !
[/poem]

لقد تلقى إيواننا المقدس بملئ مساحته فخراً و اعتزازاً القصيده الخالده الموشّحه بنمارق الأدب و شبارق اللغه
من يد خادم القلم و ربيع الورق سدة الشرف رفيع النسبب خاتم الأصفياء و الماجدين ابن يحيى ناصر الأحمري
فبالله نُبدِي رأينا و به نستعين حق القول و صدق المقال راجين أن ينال ختمنا شرف الرد ..

إن من الشطحات ما يحفّز النفس البشريه على قهر المألوف و التعايش مع الفضاء الفكري الذي يبني حقائق العصر
على أساسات الشهوه البشريه الحاضره و المحاصره لآخر أبناء آدم و آخر زمن الأرض.. إن الواقع بأطيافه السبعه
و ألوانه المتجدده بتجدد الأيام يحتم علينا أن نرتهن إليه و أن نرضخ لمتطلباته و السكن الى زواياه الواضحه لمن
يستخدم عيناه الإثنتان مبتعداً عن غباء النعامه و عادتها المريضه.

و من هنا يرى رأينا ان آية الشعر الخالده ثامن شعراء الكعبه الشريفه و أول مداخل الرقي المعاصر ناصر الأحمري
قد تجلى و تعلى و تكبر و تجبر و أفرط فرط إحسان في الخروج بنص ٍ جاوز المدى و حط رحله على سقف السماء..

فما أجمل ان تعيش الشطحات لتتعايش مع الشاطحات

إبننا و خادم أمرنا و حافظ عهدنا .. لقد كرّست مفهوم الأمه العربيه الخالده بكل معانيها .. فأنت الإمتداد الوحيد
لإهرامات الأدب العربي و خليط مسك الثقافه العربيه بطرفيها الشعبي و الفصحوي

احببنا ان نضفي عليك سماحتنا و رضانا و غبطتنا كما أضفيت علينا الجمال بكل ما يحمله من كمال

و اسبح في رضانا رعتك قداستنا..


القيصر
آية الزمان صاحب الظل و الأمان

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من الإيوانِ إيوانُ القياصر = تلقــّيت الخطاب وقال ناصر :
ألا يا مرحباً مليون مرّه = بسيّد سادة الوقت المعاصر
صديقي وأفتخر إنك صديقي = إذا هي بالتآخي والتناصر
فأنت العنصر الجبّار دوماً = ولن أنظر إلى باقي العناصر
وأنت الصاحب الكفو المثالي = وعن مدحك نصير الشعر قاصر
وأنا يابو مهنـّا طال عمرك = بطيبك يامتلمذنـي محاصـر
كلامك يعصر قلوب الأعادي = مادام الوضع معصورً وعاصر
ونظراتك بعيدً في مداها = وليست عن مآربها قواصر
ووقفاتك معي يابو مهنا = قسم بالله لن تحصر لحاصر
فلن آبه لحادثـة الليالي = مادام إن بيني وبينك أواصر
سأشطح شطحةً في إثر شطحه = وأجيب العيد باصر لا تباصر
وإن أم البناصر زوّدتـها = كسرت لها البناصر والخناصر
فمن يركب على حمْر الغوارب = كمن يركب على ضمْر الخواصر!
[/poem]

سأشطح شطحةً في إثر شطحـه
وأجيب العيد باصـر لا تباصـر

ههههههههههههههه

شطحة ابداعية مجنونة، سجل رعاية قداستنا لهكذا ابداع

المشاركة الأصلية كتبت بواسطة محمد صالح العتيبي

سأشطح شطحةً في إثر شطحـه
وأجيب العيد باصـر لا تباصـر

ههههههههههههههه

شطحة ابداعية مجنونة، سجل رعاية قداستنا لهكذا ابداع

مرحبا مليون يبو تركي ورعاية قداستكم وسام ومطلب وغايه وفقكم الله لما يحب ويرضى

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
روزنامة العمر تحمل للبنادم كثير =تعطيه من صرّة احلامه وتاخذ منه
احيان تاقف رحى الدنيا ولا تستدير = واحيان من دون ما يشعر بها تطحنه
تفقّر اكبر غني وتغنّي اكبر فقير = وتسرّي الآدمي فالدرب غصباً عنه
ماعاد يدري وش اللي في حياته يصير = لاصار مافيه شيٍّ في يده يضمنه
يارحمة الله على الذمّه وحكم الضمير = في وقت حدّ المراجل واطلق الألسنه
ومن لاتحزّم بجنبيّه وسيفٍ شطير = تشيل يسراه موته واليمين كفنه
ومن لايحرّك جناحينه سوى مايطير = حتى لو انّ الفضا ملكه والارض وطنه
حلمت لي حلم ياناصر غريب ومثير = يمكن لو يمرّ غيري ثانيه يفتنه
وانته مفسر حلوم من العيار الخطير = قلت انشدك عنه ماغيرك يبا يذهنه
حلمت وليا انّ قدّامي مطيح البعير =واللي يبا ينحره واللي يبا يطعنه
وحوله ثلاثين ميّاسه وخمسة حمير = في غابة الاردنيّ اللي بدون اردنه
نادى ولبّا نداه الحارث ابن النصير = اللي رمى المستحيله في يد الممكنه
وربَط طرف عمّة الصارم ببشت الوزير = وبيّن بعين الحياه المعتمه معدنه
من باب بذل الجهود يعيد رسم المصير = في حاجةٍ تقتل الرجّال ماتغبنه
لو كان همّه من الدنيا السمن والمضير = ماعاف زاده وخلّى للسباع صحنه
لكنّ موته ورى الظلع المتين القصير = ان كان نبت الحسا سمّه يهد بدنه
وان كان ماجات من كف البخيل الغرير = تجي بكف المريض اللي يزيد ضعنه
والعلم مابين ابو الطيب وحضرة جرير = واليا بدا منه شيٍّ بالخطا يدفنه[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يسعد مسا الورد وألوانه ونفح العبير = ويشقي مسا الشعر والتلحين والدندنه
هذي تهيـئك للنومه على أنعم وثير = وهذي تحدّك على شاعر يجـرّ لْحـنه
متناقضات الحيـاه أشكـالها تستثير = الواحد اللي يقول القول ويبرهنه
هذا زمان إدهن السير ولعلّه يسير = في بعض الأشيا مع العقّال والورعنه
وفي بعض الأشيا سكرتير المدير المدير = بإيـده عنان القرار القيدني ورْسنه
ملعون خيّر ومتغطرس وملعون صير = ما يندهن سير مثله لو بغيت أدهنه
بآسير في دبرة البرّ الرحيم القدير = مهما تطول الدروب وتكثر الأمكنه
في نجد عابر سبيل ومن نوايف عسير = ولا أحسد اللندني على هوى لندنه
أشوف شاشات وأسمع صوت عبر الأثير = أخبار عن كافره وأخبار عن مؤمنه
والناس في الشرق الأوسط في صياح وصفير = أوطان تصلى المحن وأوطان مستمحنه
مدري أنا آتابع الأحداث والاّ أستخير = وأرجع على ركني الهادي . حرام أركنه !
أن جيت أنبـّط فصيح الشعر عيّا زهير = قلت النبط يا زهير إش رايك تفصحنه
وأنا من الله ما أداني فلسفة شكسبير = وأكره هل الكنكنه وأكره هل الحنحنه
والاّ أنت يا فيصل البحر الطميم الغزير = راسك مغن القصيد الفارِه ومسكنـه
قريت حلمك وإبن سيرين ماله مطير = عن شرح حلمك وتفسيره بما يمكنه
تحمّد الله مواري الحلم خيره وخيـر = أن جيته من أيسره وأن جيته من أيمنه
لا تزهم عتيبة الهيلا وتنخـى مطير = خلاص روّح زمان الحكم والهيمنه
ما يستعاب الرغا ذا اليوم بعد الهدير = في عالم الغش والتدليس والملعنه
في الحلم معنى البعير الصبر يا مستجير = والصبر محمود عقبى يوم والاّ سنه
واللي يدوّر على الشينه وحوس المرير = بقعا تصوعه وأنا بألْعَنْه وأنت إلْعنِه
ماني بطالب من الأعمى يقدّي الضرير = ولا آتفرعن ولا ذي حـزة الفرعنه
لكن لقيت البصير وقلت قدّ البصير = لا يقـذف المحصن ولا يقـذف المحصنه
جا للخفاره خفير وللسـفاره سفير = اللي على لكزسه واللي على ددسنـه !
واللي يقول البحر هذا بيرجع غدير = قل له تشاؤمك يعني الذلّ والمسكنه
تفاءل الخير وإليا قدّر الله غير = فالجهد جاك أسمنه والعذر جاك أسمنه
أما نذيرٍ يجي والاّ بيـاتـي بشيـر = وأيات واحد بتدري وش حوى مخزنه
عادل إمام ورفيق أيامه أحمد بدير = قدعان بس الفوارق نسبة القدعنه !
عموماّ العلم الأول والوسط والأخير = الصدق خير الكلام ونقوته وأثمنه
نضمن خويّ الأمير اللي يحبه الأمير = بس الحقيقه طويل العمر ما نضمنه
والعلم ما بين بن جدلان وآبن سمير = يخفيه عيد وسعد للناس ما يعلنـه !
[/poem]

دمتا