(......... كنوز مرصوده ........)

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ليا أتعبك صمتي منت عن حالتي مسؤول=أنا داخلي حاجات ماني بفاهمها
من أيام صحوة مجتمعنا قبل كــم حول=ليا الحين وآنا غارقٍ في مفاهمها
لو الطول فيها عرض والعرض فيها طول= قدرت أستشف أسرارها وآتعلمها
لكن المصير أظلّم من الواقع المجهول= حسب مالقيت ومابدى من معالمها
فلا الجهد ينفع راعي الساعد المفتول=ولا أهل الهوى تقدر تفسر طلاسمها
وأنا إنسان مؤمن بالعقيده وبالمعقول=من حقوقي أنضر فالقضيه وأقيّمها
قضايا الفكر فالأصل ماهي مجرد قول=تغنّى به العالم على حساب عالمها
قضايا الفكر توجيه رأي ونتاج عقول=يعمّر له شعوب وبالإمكان يهدمها
قناعاتها إستنتاج. وإعلامه المرسول=يفرّغ حصاده فالضماير ويقحمها[/poem]

مطــــلق بن عبيان

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حريةالرأي في ظل إنعدام الضمير= فرصه لحضرة خفافيش الظلام تّعبر[/poem]


مطلق بن عبيان

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياسلطان قرّب وإسمع العلم ياسلطان=كلامٍ على معنى ومبنى وله مقصود
على ويش يومنّا نروح إنترجى فلان=نعقد الرجاء به كن ماحولنا معبود
نكرر على جواله ونطرق البيبان=نبا الفود منه ويمكن إنه ماعنده فود
ونسينا الكريم المعطي الرازق المنان=يصلون له من يعبدونه وحنا رقود
ترى أصحابنا أصحاب المناصيب وأهل الشان=مافي يدينهم للآدمي نقص والاّزود
تذكر وفكّروإجتهد وإلعن الشيطان=وتعلّق بربك وإنتبه له وبر العود
ترى للفرج مع كل مطلع فجربرهان= وترى أرزاق ربي ماحدٍحدها بحدود[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عساني مثل غيري ماني من عبيد المال=وعسى المال يفدى أهل النقاء والقدى الوافين
وعساني لياحطيت كفي على الجوال=تذوب الشريحه قبل لأسمع من المسكين
ذكرتك وأنا مقفي ولا أطلبك نص ريال=ورحمتك وأناأشوفك تحت شرهة الشرهين
آداب المروّه والكرم ترفع الرجال=ومقام النشاماأكبر من العشروالعشرين
وترى عابد الدنياإن قصر به عمر وإن طال=ماحديذكره لاذكروا أهل الجناب الزين
(......)لاتضايق وإعتبروالرجال أفعال=ترى البخل مايعرف بيوت الشرف والدين
قظيت العمرمثل البشر نازل ورحال=ولا شفت أحد يفعل ماتفعل ليا ذلحين
يعيشون عبّاد الدراهم على اردى حال=مايدرون عن طعم(النعم)زين والاّ شين[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بريق المنايا في كنف قوة المارنز=يصب المذله في ظلوع الشجاع الصلب
وأنا كن لي من بينهم راس مال وكنز=مـ بيّن ماطاولني من المشكله والغلب
على شان شقراًكل ماعرّضت بالجنز=تقول إن يسمرني على لسان كبدي خلب
خويها وسايقهاسوا عند باب البنز= كلابٍ وقوف وكل واحد وزانه كلب[/poem]

مطلق بن عبيان

بعد التحيه وفائق الإحترام:
هذه القصيده تشرفت بإلقائها في زواج أبناء العم محمد بن عارف وحمدي بن عارف بن مطرقبل مده.
أحببت ثوثيقها في هذا المتصفح الذي لايزداد بزيارة مرتاديه إلا سمواً ورفعه.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بسم من نزّل على عبده كتابه سوره سوره=الحكيم القادر المالك عظيم الشاني
أبتدي به قبل مأبد بالشعر وبحوره=قاسم آجال العباد المعطي المناني
ياعسى نفسي على مايفرضه مفطوره=والكلام الطيّب الزاكي حصيدلساني
ماتجيك النفس منهيه تجي مأموره=وكلها بأمر الولي لا أول ولاثاني
والمقام اللي يشرف والشرف بحضوره=يبهج الصدر الحزين وينعش العمساني
مرحبا...عد الربيع اللي تشع زهوره=مبتداها المسك واليشموم والريحاني
ماهقيت النفس في ماجوبها معذوره=دامت إن المد وافي والصدر شفقاني
ياهلا يامرحبا فالحله المعموره=بالعلوم الوافيات ومذهب الجداني
عند ربعٍ فالزمان فعولهم مشهوره=في المواقف تخلص الطلاب والدياني
منهم وفيهم جذور الطيب قبل بذوره=ماخذوها من فلان ومن عيال فلاني
وهبة اللي بالرواسي ثبّت المعموره=وإبتدع من فوقا سبعٍ بلا عمداني
إن تطاروا فالكرم كلٍ حسب مقدوره=الدلال بهيلهنه والصحن ملياني
عاشت نفوسٍ على بذل العطا مفطوره=مادخلها شك في قاص العرب والداني
ريف مكتوف النصيب إمّا أسعفن أوموره=لاجفوه القوم والأصحاب والخلاني
روس قومٍ كل طايل معتلين وكوره=كلهم حسبة يمينك عدهم من داني
يعلم الله لولا ذكر الكلمه المأثوره=والهروج العوج والمزهاف والعجلاني
قلت تيجان المراجل بينهم محصوره=ذخر رجالٍ يعدي طايل الأيماني
يوم بعض الناس حي وسمعته مقبوره=باردٍ ناعه ومنباعه وحيله واني
صامدٍ قدم الزمن كنه زعيم الثوره=بإسم خيرالله ينادونه مع العرباني
مشبعٍ سبع الخلا وطيور شلوى سوره=ناصر المظلوم ومعين الخوي والعاني
مع طحاطيحٍ تفر الخصم مثل الكوره=ديدن الفريّس والأبطال والشجعاني
من يخالف عن هواهم ماتطير طيوره=بين رمشه وإلتفاته دونه خسراني
وإن ذكرت الجد الأول وإن ذكرت عصوره=ترجف قلوب الرجال وتذهل الأذهاني
وإن بغيت العدل حتى إنك تجي فالصوره=مانقول الحجه اللي مالها برهاني
حيهم وأكرم بهم من عزوةٍ مخبوره=بيّدوا صنع الفرنج وصنعة النصراني
من عطوه سهوم بقعا ماتطول شبوره=ماكسب غير النكد والويل والخذلاني
يشهد التاريخ لصقور الوغى ونموره=ويقنع الجيل الجديد ويقنع الشيباني
وإن شهد ظلعٍ طويلٍ ماتون سبوره=تشهد جبال الحجاز وتشهد الشعباني
مادرج دم الخصيم ولادفق شختوره=من طرف رعديد والاّ طلقة عليماني
من عسامه شابوا اللي فالمهاد بزوره=من عسام النار والبارود والدخاني
ودارت الأيام ياكاف المصايب دوره=وإستدار الحال شمل وقرّت الأعياني
الزمان يدور وأيامه تعد شهوره=والعرب سردادهم مرداد فالميداني
والجمل لا زاد حمله دق الأرض بزوره=وإستوى للسارق المزاح والقوماني
دم الأخصام يتقطّع كنه النافوره=من تحت حد الحدب بسم الله الرحماني
لين طيّرنا العماس عن الجبل وصخوره=وإستتب الأمن لهل الخاطر الزعلاني
وإستوينا عدل والغازي طفى دافوره=لاعطىً يذكر ولابالسعر والاثماني
بالمشوّك والصوك والعزوه المذكوره=والرماح العلط والسيف الخظيب الحاني
ماتركنا من مقاصدنا ولامذروره=غير شيٍ ما يجي بالعقل والحسباني
ومن يبي حلو الزمان ولايذوق مروره=ماقضى له نوب لاريض ولاعجلاني
قلتها وكلٍ يصوغ الشعر حسب شعوره=والقبايل كلبوهم والنعم من داني
كل دارٍ تحتميه ذيابتة وصقوره=وكل قوم إلهم على حمول الشقاء بليهاني
ولو أبا أعد الخفايا وأبهل المصروره=وأسرد اللي في ضميري وأستغل أوزاني
إنقضى ليل السعد والصبح شعشع نوره=ماختلف نبعي ولاشعري ولا وجداني
أنتقي جزل الكلام ولا أتقرّب زوره=وأحسب حساب الزلل والزود والنقصاني
والغلط مرجوع والهرج الصواب إسطوره=وأطلب الهادي على دروب السنع يهداني
والفضل للعزوه اللي يعتزون بنوره=من بعد فضل الكريم المعطي المناني[/poem]
مطلق بن عبيان.

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامن رماني باالتمادي وإتهمني بالوصول=الأوله عين الخطاء والثانيه عين الصواب
مادام يبقى في عروق العبد حباً للفظول=من يوم يبدأ نشأته حتى يوارى فالتراب
ظحيت بالدنيا برمتها على حساب المثول=من شان أقفل دون وجه المنتظر عشرين باب
واثق بنفسي مثل ماثق بالحديث عن الرسول=ولا دخلني في مصيري لاشكوك ولاأرتياب[/poem]

مطلق بن عبيان.

مبروك افتتاح الركن

اهنيك على هذا الشعر الراقي البعيد عن الاسفاف

السهل الممتنع بحق انت شاعر علم ومثقف واعي

تعي ماتكتب في اي مجال احب الشعر الراقي

وهنا وجدته لااجاملك ولاكن هذه الحقيقه من

منظوري المتواضع لك مني المتابعه والاحترام

اكرر اسفي لاقتحام ركنك في بداياته ولاكن اعذرني

اعجابي هو الدافع للاقتحام بارك الله فيك---

معدي

الله يبارك فيك وفي أيامك يامعدي

لا أخفيك أنني لم أجد سبباً مقنعاً لكلمة(أعذرني)وإن كانت بنية تواضع العظماء
الذي يحسب لك.لكن دعني أختار البدايه من بين كلماتك الذهبيه لأنك لم تجامل
ولم تكتب إلا مايمليه عليك الظمير الذي يملي الحقيقه لأجل الحقيقه.
فإن الردود التي لاتحمل سوى المصداقيه والإخلاص بحق الرأي والكلمة
ليست إلا بمثابة جني الثمار للشخص ومقابل معنوي للجهد المقدم من قبله.
ردود الأفعال هي الدافع للعطاء والتقدم والرقي وكسب الثقه.
أنالا أعتبر هذه الكلمات إلا( مقدمه وإهداء ) لهذا الركن الذي سيظل مديناً
لهذه الكلمات ولكاتبها الذي يتكي على مخزون معرفي وتجربه مشرفه في
هذا الصرح المميز برواده.وتقبل شكري وتقديري لتواجدك وتشريفك أيضاً.

مطلق بن عبيان.

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعامل بجد وواقعيه وخلك ذيب=لايضحك عليك غليص والناس تضحك به
ترى إعلامنا الشعبي يبي له مزارق طيب=يامن تهمل المظمون وتلمّع السكبه
قبل تندفع كلك ماتعلم بطون الغيب=توقّع توجّه لك لدربٍ ماودك به
مجاملك للغالين ماهوب ذنب وعيب=إذاكان مايخّر معاصي ولانكبه
سبوعين بالترهيب وإسبوع بالترغيب=لياصارذكرك له على حد جدك به
وإذا شفت لك خبلٍ يود الحكي ويجيب=يا...دق خشمه دق وإلاعطه ركبه


[/poem]
مطلق بن عبيان.

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حب العمل والتفاني غير حب الظهـور=وحب الظهور,انهيار العالـم المحتـرف
والناس كتلة مشاعر مع ضياع الامـور=تعـرّف المنكـر وتستنكـر المعتـرف
والمنحرف لو مشاكله الجهل والغـرور=سهله اذ اكان يعلـم بانـه المنحـرف
وانسان يعكف على المسكر وحب السفور=لابد حوله ضحية فـي قضيـة شـرف
والظلم يجرح شعور انسان ماله شعـور=في ذا القضية ولايحسب شريك وطرف
وانسان في غبة التقليد الاعمى يـدور=طبيعي اقرب حدث يستحسنه ينجـرف
وانسان مهزوم,مرجلته خمول وفتـور=تلقاه يبني من احـلام الامانـي غـرف
وانسان بالمال. والابنـا والابـاء. كفـور=تسعين فالمية من ابناء البذخ والتـرف
وانسان مؤمن .تذكرّه البعـث والنشـور=لاشاف حال الامم, دنـّق وصـد وذرف
وانسان خاين: حرامي. في ملابس غيور=ليا كبحتـه. كبـح وليـا ائتمنتـه .زرف
وانسان تفتح له الدنيا ممـر وعبـور=يقظي العمر في سبيل المغريات يهـرف
وانسان محتاجك. تحاول يقـول معـذور=مهما تصرّفـت فالاعـذار ماينصـرف
وانسان يصحي على وقت الغدا والفطور=تجاربه دون من عانـا وكـد وكـرف[/poem]
مطلق بن عبيان.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ترى الشاعر اللي فالحقيقه ماينقل هم=من هموم هذا الشعب والدين والدوله
ياإنه ماهوشاعر!ياإنه ماعنده دم=ياإن غيرته في بعض الأمور مقتوله
تفرد به الحب المعتّق وسمه سم=وغدت نضرته للواقع المر مشلوله
لكن علموه. وقولوا:إن كان ماتهتم=على عاتقك شرهة هل الفكر محموله[/poem]

الحياه
بدون صوتك
مالها أية قيمه!!!!!!
كيف عاد الباقي
من أوصافك السحريه؟؟؟؟؟

إن شكيتك!
بانت وجيه عذالي.
وإن تركتك!
فاح صدري من الونه.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حسبي على الهجر والترحال والغربه=ماعاد باقي بعدها للفرح باقي
لحقت على حالتي وأخلاقي الذربه=وتهدمت لجلها الآمال فـ أعماقي
كربه.عسى الله يبيح ويفرج الكربه=والاّ وش اللي موقفني على ساقي
أقوى من السيف والسكين والحربه=على شراييني وعقلي وخفاقي[/poem]
مطلق بن عبيان.

هذه القصيده تمت المشاركه بها في الحفل المقام بمناسبه عودة إبن العم :مخلد بن مساعد. من الولايات المتحده الأمريكيه بعد إكمال المده والمهمه بنجاح وتميّز.
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الأوله فبداية الموضوع بإسمك يارحيم=يا من على بابك مصافيط العطاء والإتكال
واللي بعدها مرحبا في منزل عيال الكريم=اللي نعده كل ماعدّوا مطاليق الرجال
واللي بعدها سم ياقافي وذعذع يانسيم=بالشعرماتاقف بي أقدامي على الجرف الهيال
أناأعرف إن المستقيم إن شاف دربٍ مستقيم=يصير أصم أبكم عن الزله وعن كثر الجدال
واللي قظى الغربه عن بلاده وأنا مثل اليتيم=اللي يتكسّر قلبه من الحزن في كل الحوال
لو ما فقدت معرّب الجدّين والحرالعديم=بريٍ من العرف والرفقه ليا يوم السؤال
واليوم يوم إن المهمه تمت بحكم الحكيم=جاء للمشاعروالشعروالقاف والشاعرمجال
يامخلد أهنيك وأبارك بمنهجك القويم=جعلك تعيش أيام عمرك كلها بـ أتم حال
صبرك يشرّفني ويبهجني ومنزالك عظيم=في عيني وعين القرابه من بني عم وخوال
ونجاحك وسامٍ على صدري وتقديرك مقيم=وإنجازك يعدونه إلك اللي يعدون الخصال
أنا أعرف بحور التجارب ماعبرها الاّ فهيم=وأنته نصيبك من رصيدك فالتجارب رأس مال
والعلم,علّم نخبة السارين فالليل البهيم=لين إستدلّوا بالكواكب فالجنوب وفالشمال
والعلم,علّم راكبين الفلك فالبحر الطميم=بالتقنية.والبرمجية عبرسلك الإتصال
والعلم,يجعل للتنافس روح في قلب النديم=يبني به من المعرفه والعرف ما يازن جبال
والعلم,يرفع راية الرجال عن رأي الغشيم=ليا إنعقد حبل القضيه فالقصار وفالطوال
والاّالسنين.تدور والأيام مافيها مقيم=على سفر والعمر يطوينا مثل طي المحال
والرابح اللي من مناقيد البشر قلبه سليم=وإن غثربوا مايذكر الاّ (الصلح خير من القتال)[/poem]

(نموذج من السخط الغزلي):
تظايق الثوب
من ردفك وصدرك
زمى
وأوحيت دبك
الخيول المسرجه
فنحري
لكن ترفق على
حالي عساك
العمى
والاّإصطفق موجي
الهادي وهاج
بحري.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لبست ثوب السهر والشوق غلاب=والصبر في غيبتك مرٍ مذاقه
وأنامقيّد بدين وفكر وآدآب=ثلاث مالي بها قدره وطاقه
لكن عن إذنك بروح أدوّر أسباب=يمكنّ الأسباب باب الإنطلاقه
منتي بريشه يجينا بك الهوا الهاب=أنتي فصل وأصل وأمجاد وعراقه[/poem]
مطلق بن عبيان.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لولا سلوم العرب والوازع الديني=ماشفتني كل يوم وحالتي حاله
لكن لاتاقف على حروة عناويني=قبل إتصالي معك خذ لك رساله
حسب إعتقادي مايمديك ولايمديني=نبني جسر وإنتواصل من خلاله
مسجون لومالي إسم مع المساجيني=ورقيب ذاتي موشح بالعداله[/poem]
مطلق بن عبيان.

رسالة جوال ودّيه: للزملاء بدر القحطاني وعبدالوهاب الأحمري بعد إختبار مادة(english grammar)يوم الأحد10-7-1432
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رحنا ظحايا مع الجرّه بابدر الجنوب=ولاعاد تنشد عن الباقي بعد مامظى
سلّم على الأحمري .وإن مرّك بدون ثوب!=أكيد ماهوب مرضيه القدر والقضا
ومعذور لوقدمي وقدمه تضيق الدروب=من يوم (سيني )*حدانا فوق جمر الغظى
أخاف بكره مانلقى فالسفينه ركوب=وتضيق في عيني وعينه حدود الفضا[/poem]



*سيني:إستاذ الماده.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بعض الضماير مايجمّل فالدفاع وفالهجوم=إن قالوا إفزع مافزع وإن قالوا إرتح ما أستراح
وأنا ما اسير مع الدروب الاّ وأنا راعي لزوم=أسوق رجلي في حراويها عصر وإلا صباح
والشعر وهبه مايسجّل بإسم قومٍ دون قوم=واللي يقول خلاف هذا يطيح من دون النجاح
والرأي وقف.لمن يبت من الطحاطيح القروم=والسر ريحٍ كل مالفوه تحت قماش فاح
وإن كان ما صح الصحيح وتم ضاعنّ العلوم=وإنهد حيد الكون وأدون به ذعاذيع الرياح
أشوف راع الرايه البيضاء يطيح ولايقوم=في وقت تشتيت العقل بالعولمه والإنفتاح
والقول زاد عن البحور الهوج والفعل معدوم=والسالفه من كل وجهه في وصوف قرين ظاح
يأهل القرار أنتم من يحافظ على حفظ السلوم=بالمعرفه والرأي والتوجيه فـ حدود المباح
يمكن ينوم الجفن والقلب الشقاوي ماينوم=ورى الظلوع الحدب مثل الطير خفاق الجناح
وهواجس الأطلال والذكرى على روس الرجوم=تعرض على الشاشات لين الفجر يذن للفلاح[/poem]
مطلق بن عبيان.

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
السلم مثل العرف باقي وموجود=والحق وارد واتحرّى مثوله
مانيب عن طرق التماثيل مردود=ولاهمني بحر القصايد وهوله
ولا أشرفت بقدامي على درب مسدود=تزخر هجوسي بالعطاء والسيوله
أسوقها ولياعصت قدتها قود=حتى تنول اللي نبيها تنوله
وأعشق بيوتٍ ظمت الطيب والجود=وأحبها حبٍ ماهو بالسهوله
وأقدّر رجالٍ تكود العدا كود=وتقرى كتاب الله وسنة رسوله
يوم العرب شرقين طارد ومطرود=والسيف يصرخ والذلول معقوله
ويوم المصايب دقت العود بالعود=حازوا من الدنيا النعم والرجوله
[/poem]
مطلق بن عبيان.