ناسً كذا ماعاد نعرف مزحها من جدها

السلام عليكم ورحمة الله وبركاته
ابيات متواضعة اتمنى ان تحوز على رضاكم واستحسانكم

وبالنسبه للتنسيق عجزت وانا ازين ولافاد

تعبت اجامل خطر الخبلان بالعذر السمين
من خوفة" لا اجرح خواطرها واوقف ضدها

بس البلا شفت المماشى لايسار ولايمين
ناس"كذا ماعاد نعرف مزحها من جدها

كان الميانه مثل ما قالو جموع الماينين
لابو الميانه من لسان وقلب لابو جدها

مايعمي العاقل الى من ضاق غير الجاهلين
والصبر ماله فود دام النفس باحت سدها

يابو محمد لو تخفي ما حصل لازم يبين
ولاتضايق دام نفسك بالرخامه ودها

اما فطنت ابما حصل غيرك رجال" فاطنين
لكن عينك لدها في الي فعلته لدها

واخذ الخبر من واحد" ما يجهله زين" وشين
يعرف خراجه في دروب"ماتعب في كدها

لولا خوانك ما نصيتك مع جموع الحاضرين
ويش انت لولا الله وثم الي تعيش ابمدها

لافعل" يجملك مع ربعك ولا هرج" ثمين
يلي تسولف بالمراجل وانت دايم ضدها

والمرجله ماهي مزاجات" وحين" بعد حين
ولا هروج" يا لخبيل اتجيبها واتردها

وانا مع العربان رجل" من رجال" غانمين
اروم للجزله وهزلات العرب ما اعدها

لا اشتدت الايام غاب النذل والصامل يبين
ولاني من الي قال له كلمه ولاهو قدها

ريف" لضيفي لا نصاني يبشر بسمن وسمين
وسعد" لابن عمي على روس العدا واضدها

والرفقه الي مع مثل شرواك رفقة خايبين
ياعزتي لقلوب ناس" معك ترخي ودها

نايف