الثـــوب الجـــديـــد !!

السلام عليكم ورحمة الله وبركاته ,,,


قصيدة باغتتني فلم استطع ان احجبها عنكم ,,, لعلّها تجد ماتصبوا اليه ّ



هي لكم ,,



وعسا عيدكم مبروك قبل الزحمه


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=350% align=center use=ex length=0 char="" num="0,black" filter=""]
قالوا اسبوعين والعيد السعيد=تشرق انواره على كل البلاد
وانت وقتك ضاع في هلّ القصيد=والعرب تشري من اثيابٍ جداد
قلت خلوني مبي للناس عيد=ياعساهم دوم بأفراح وعياد
فالزمن مابه جديد الاّ يبيد=شي جربته ولا جا بإعتقاد
عيدنا ماهوب بالثوب الجديد=كم جديدٍ مع مرور الوقت باد
ياطرادالعلم مايخفاك أكيد=ماخفاك العلم .. لله ياطراد !!
والله اني منعم وعندي رصيد=مامنعني من شرا الثوب اقتصاد
غير من همٍ مع ايامي يزيد=كل مازادت بي الايام زاد
اصبح الاسلام مستهدف طريد=طاردوه اهل الجرايم والفساد
كل يوم يموت فالضفه شهيد=والجريح يضمّدونه بالضماد
اسرةٍ تبكي على فرقى الفقيد=واسرةٍ مع همها هم الهداد!!
واسرةٍ تصحي على صوت الهديد=ماتهنت عين جاره بالرقاد
واسرةٍ تنعي اعتقال ابنٍ وحيد=عن هله مسجون في سجن انفراد
ويش اسوي فيك ياأحساس البليد=كان وابعينك تشوف الاضطهاد
اليهودي كيف يفعل مايريد=في فلسطين العرب واسلام اباد !!
والعراق يعاني الهم الشديد=ويش ذنب الشعب يومنّه يباد ؟؟
كل يوم يهددونه بتهَديد=كثّروا تهديدهم لين استهاد
يالعريبي لا تقول ولا تعيد=مانبا تنديد حثوا للجهاد
هيه مافلّ الحديدالا الحديد=قرّب الاصباع من ريش الزناد
واترك التنديد ياعبدالحميد=واضربوا بالشلف وسيوفٍ حداد
ياطراد الموت في حبل الوريد=والشهاده حق والدين اجتهاد
ناويٍ لي نيةٍ عنها ماحيد=مقدمٍ في الامر كان الله آراد

[/poet]
رحيّم الغنّامي ..