ثلاث عيوب .؟!

متواضعه اتمنى لها بعض رضاكم
.
.


هبوب النود هبـّـت والهوى بين الضلوع يلوب ..
ـــــــــــــــ وصكات الهوى يا أهل الهوى ما هيب تنطاقـي ..

و إلى فارت كناين صدري (إ) من الحر واللاهوب ..
ـــــــــــــــ الاحيها .. و أناحر للهبوووب تهــب خفـّاقي ..

تذكـِّرني .. ولامنـّي ذكرت الحب يالمحبــوب ..
ـــــــــــــــ ذكرتك يا بعد كل اصدقـاي .. وكل عشاقــي ..

يا ويلي منك ما شاء الله عليك ويا عليك إسلوب !.
ـــــــــــــــ يزعزع سطوة الساطي .. ويخلف هقوة الهاقي ..

تراسلني ... ولامنـّـي قريت الخط والمـكتوب..
ـــــــــــــــ تحدّر دمعي .. وجرّح خدودي وأحرق أوراقـي ..

تذكرت.. الكلام اللي على راس اللسـان يـذوب..
ـــــــــــــــ تمر الكلمه ويبقى صداها داخل أعماقــــي..

بغيت اسلا واقفـّي عن دروب اهل الهوى وآتوب
ـــــــــــــــ وأكفر عن ذنوبي وآتلاحق عمري الباقـــي..

لكنك جيت في دربي .. ولحقت الذنوب ذنــوب ..
ـــــــــــــــ وأظنك بتحداني للهلاك ...وتقطع ارزاقـــي ..

أشوف إنك فريد ... ولا لحقك العيب والعـذورب ..
ـــــــــــــــ سعيت لكل درب من دروب الخيـــر سباااقي ..

عذولك لو بغى ! والله ما يلقى عليك درووووب ..
ـــــــــــــــ اعرفك .. والله انك ما تخالف فيك الأذواااقـي ..

تتبعتك ولا حصلت فيك الا ثلاث عيــــوب !.
ـــــــــــــــ تعاملك الرقيق ... ومستواك وفكرك الراقـي ..

تواصيفك عجب ! حسن وأدب فتنه وسحر قلوب
ـــــــــــــــ خليجي من مواليد اصفهان ..و دمـّك عراقي ..

لو إني بقدرك والله لحطك للحلا مندووووووب ..
ـــــــــــــــ عشان تحرّم اللي مدمنة لـ سواق الأسواقي ..

انا وشلون؟ والا كيف؟؟اروح بصوب وأنت بصوب
ـــــــــــــــ عقب ما حن رعادي عليك ولاح براقـــي ..

انا (في ذمتك)و(ادخل عليك)..و(طالبك مطلوب)..
ـــــــــــــــ لا عاد تجيب لي ذكرى الفراق وتطري فراقي..

عقب ماجبت لي ذكرى الفراق..وخاطري منكوب
ـــــــــــــــ تعكر جوّي ..وضاقت عليّ ..وشانت أخلاقي..

مع إني والله إني خابر ٍ عقب الشروق غروب ..
ـــــــــــــــ وهذي سنة الله سنّها في كل الآفاقــــي ..

و كلٍ يجتهد واللي يجيه مقدر .. ومكــتوب ..
ـــــــــــــــ عليه انه يكافح .. ويتوقـّى / والله الواقـي ..

ختام العلم يا أغلى من عرفت وصار لي محبوب
ـــــــــــــــ تقبـّل حبي..و وافر سلامي وأصدق اشواقي..




وسلامتكم