ذبحـك حـلال ‍؟

المشاركة الأصلية كتبت بواسطة سداح

السلام عليكم

والسهر وما يسوي .. حقيقه جالس ألالي لحالي

مير اسمحولي واسمحوا لهالبسيطه ..



[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]يا رهيف الحس يا عذب الخصال=المحبّه لد عينك يمّها


.


منت ناقص مير لله الكمال=فيك حاجه ما قدرت تتمّها


.


تنفعل وأنا ما أحب الإنفعال=وتلبس الضيقه وتنفض كمّها


.


لا تقول المسك من دم الغزال=وأغلب الغزلان ما أثقل دمّها ‍؟


.


معتقلني يا هوى البال إعتقال=شب نارك والمياسم حمّها


.


رز خشمك وأزعل وروح وتعال=والهبوب اللي تمرّك شمّها


.


مير جاوبني على قد السوال=ليه تنثر حيرتي وتلمّها


.


أن ذبحتك بالغلا ذبحك حلال=وان تركتك كل نفس وهمّها


.


سقت لك كل الجوارح بالعدال=وأنت ابوها عقب جاتك سمّها


.


وصورتك لا جابها وحي الخيال=عيني أخطتها وقلبي خمّها


.


لا تخليني معك مضرب مثال=أدعس الحيه تموت بسمّها


.


خذ نصيحه تنفعك في كل حال=كان لك قلب ٍ كبير يضمّها


.


أعتقد ما يجهلك فرق الرجال=ولا يغرّك مدحها من ذمّها


.


أنتبه تعطي لخلق الله مجال=شرهتي مابين أبوها وأمّها[/POEM]


وسلمتوا ،،

ياسلام عليك اي والله

وتقول ماتحب شعر الغزل ؟؟؟ لا بالله الا نطلب منك المزيد المزيد المزيد


المهم صح لسانك مليار ولا تكفيك ياحبيب تسبدي

اخوك مرق من هنا