يا سعود دورلي زبون

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا سعود بايع هرج دورلي زبون =هرجي وانا يا تاج راسي حايكه
الحال يا مشكاي من دونٍ بدون=وانا نعاطيسي براسي صايكه
وضعي على حاله واناشاعر شجون=وعوطفي كم لي سنه متعايكه
لا فايده نجني ولاهم يحزنون=يحول يا همٍ بقلبي لايكه
عجل علي عجل علي ولا تهون= ودي بموتر حول باب البايكه
صالون من با البيد يبهج للعيون=يا شبه عنقاً با الكنب متوايكه
للبدي لون وللمراتب فيه لون=جلدٍ مطرز با الحرير احمايكه
اذا لفا للخافق المبلي ضنون=ادق سلفه ليلةٍ متما يكه
وسج فكري والعواذل يقمحون=ويطري زمانٍ حي ابو مطرايكه
وضرب بكفي فوق حيد الطابلون=والي عطا ياحي ابو عطايكه
يا كثرهم ياسعود ناسٍ يشترون=اديوك مدري يا الغلا مدايكه
بالشعر يا خزنة فودي يسمعون=واذا شراء كم بيت قرب مايكه
إزبّط الغترة ويوزن مكرفون=وازرته من بطرته متضايكه
لا سولفو ما ودك انهم يسكتون=ماهم بشر حشا حشا ملايكه
وعلى لكبيرة وصغيره ينقدون=وهو كل شيٍ فاالبسيطه عايكه
ايميزون الشعر هم ما يفقهون=من رايكه في رايكه في رايكه
ينقد قصيدك عالم ما يفهمون=نفسه بحسده للاوادم ضايكه
شاعر لكنه لابلش جر الحون=من خوف ياقع في حبل شرايكه
خابر وانا خابر وغيرك يخبرون=لو مالي ومال الدروب الشايكه
لكن دورلي يابو متعب زبون=هرجي وانا يا تاج راسي حايكه[/poem]