بعد ما ملكنا القوم صرنا حلال القوم

[align=center]السلام عليكم ورحمة الله وبركاته

قصيدة قديمة بعض الشيء من باب المشاركة ارجو ان تجد بعض القبول

[/align]


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على الكون يا اهل الكون منـا عتـاب ولـوم=ورا البوصلـة تقلـب وتعـكـس مواقعـنـا
ورا الشمس غابت عن فضا المشرق المكلـوم=دياجـي اللـيـال الخرمسـيـات يفزعـنـا
وعلى الغرب شمس(ن)في فضاه وسحب وغيوم=تـرى الشمـس حنـا والسحايـب مدامعـنـا
سقـى الله زمان(ن)فيـه كنـا فلـك ونجـوم=تـلال الثريـا كـانـت ادنــى مرابعـنـا
بعـد مـا اتبعنـا سنـة الهـادي المعصـوم=وصـار النسـب باسلامنـا يــوم جمعـنـا
ونوينـا نبـث النـور فالعـالـم المـحـروم=سنـا المجـد يجذبنـا والاســلام يدفعـنـا
وكانـت ذخايرنـا صـلاة وزكـاة وصــوم=وعقيـدة وذكر(ن)مـا يـفـارق مسامعـنـا
حكمنـا وصـار الكـون بيديننـا محـكـوم=وجميـع الخلايـق رهـن اشـارة باصابعنـا
محى نورنا نـار المجـوس وصليـب الـروم=وصـارت ملـوك الارض فـالارض تتبعنـا
وطينا النفوس اللـي تشيـل الكبـر والـزوم=ورفـع قدرنـا بالكـون هيـبـة تواضعـنـا
نشرنـا ضيانـا فـي دجـا العالـم المنجـوم=ديـاجـي التخـلـف بددتـهـا مطالـعـنـا
وزرعنا صحاري الفكـر ديـن وادب وعلـوموسقينـا الصـدور الممحلـة مـن منابعـنـا
عطينا الزمن قيمـة ملينـا النفـوس عـزوم=نثرنـا المعانـي فـي حياة(ن)بـلا معـنـى
لكن الشـرف والعـز والمجـد ضـاع اليـوم=بعد ضاع منـا الديـن عـن مجدنـا ضعنـا
لهينـا بدنيـانـا ورحـنـا بغـفـوة نــوم=غفيـنـا قــرون وضيعتـنـا روابـعـنـا
صحينا لقينـا مجدنـا اللـي مضـى مهـدوم=وعلى انقاض ماضينـا بكـت عيـن واقعنـا
لقينـا مواكرنـا سكنهـا الـرخـم والـبـوم=تغـذت وكبـرت والثمـر مـن مزارعـنـا
ولا باقي من الماضـي العـذب غيـر حلـوم=زمان(ن)مضـى وليـا ذكـرنـاه يشلعـنـا
على سالـف الامجـاد فينـا اسـى وهمـوم=همالـيـل ذكـراهـا تسـاقـي مواجعـنـا
فسخنـا المعـزة وارتدينـا الهـوان هــدوم=وطعـام القهـر والـذل والغـبـن مشبعـنـا
بعد ما ملكنـا القـوم صرنـا حـلال القـوم=عـدانـا ولتـنـا ثــم قـامـت توزعـنـا
وصرنا بضاعة كاسـدة مـا يجيهـا السـوم=وخـسـران شاريـنـا وربـحـان بايعـنـا
وكـان اعتبـرنـا ذلـنـا واقع(ن)محـتـوم=وعـن سقطـة استسلامنـا مــا تراجعـنـا
ترى اشرف لنا من مجلـس الغانميـن نقـوم=وبـدال الغـتـر نلـبـس ....... .........





[/poem]