قصايد X قصايد

للقدير فالح الهاجري :-


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياوطـنّا لو تغاضيت عن جدوى الحلول = المصايب تدهّـر والبلا عقـبه بلا
ما ورا رزّ البـيارق ولا قـرع الطبول = غير ستر الله على اللّي تصبّر وابتلا
والمواطن ما لقـا له على وضعه قبول = من غلا الأسعار عاف التغلّي والغلا
يرقص التاجر على جثّة الشعب الخجول = شعب ساكت والسكوت ابلغ آيات الولا
ينتظر فجر الحكومه ولا للفجر زول =ما تجلّت شمسها لا / ولا الليل انجلا
كل تشكيلة وزاره تبدّل كل حول = وين يصلح فاسد الذمّه اوضاع الملا ؟
ينهبونك يا وطن كنّك الصبح بتزول = كلّ من عـبّا جيوبه عن ترابك جلا
يا وطنّا لا تسمّع كلام ابن سلول = يطعنك ليل وصباحه يصوّت لك : هلا
لو بكيفه كان حرّج عليك : بكمّ اقول =طامعٍ ما يشبع ولو شرب منْـك وكلا
من وزاره لا وزاره يصول ابْها ويجول = كل ما جافاه كرسي على كرسي اعتلا
والله انها حيرةٍ تربك ثـقال العقول = لين حتى الشعب صدره من الغيظ امتلا
شعبك اللي يوم كانت على ظهور الخيول = شب دونك ناره وصلّ فيها واصطلى
باع عمره لك ولا / وارتكى لشيل الحمول = ما تراخى يوم غيره عن اوطانه سلا
طبعنا نوفي عهدنا على حسب الأصول = عهد ( بدوٍ ) ما يبي له شهودٍ وكفلا
يا وطنـّا / كم وطنّا / الفتَن وطي السيول = ما ترى فـ البدو جاحد ولا تلقى عملا
يـا وطنّا / ما تغيّرت في كل الفصول =ان تجرّعت المرار أو شربت من الحلا
غصنك أخضر لكن ورودك اتعبها الذبول = والبلا / داخل / عسى الله يكافينـا البلا[/poem]


نواف نايف من يختار لنا من قصيده ..

يقوول نواف

المشاركة الأصلية كتبت بواسطة نواف نايف

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الوصل فرحه كل عاشق والهوى بحر غزير=من طب في جوفه غرق ولا على موجه سرى
وانا سريت اسبح معه واضمد على جرحٍ خطير=الصبر مفتاح الفرج والوصل للعاشق ذرى
وانتي غلاي المعتبر والشوق والحب الكبير=والفتنه اللي جعلها تسلم من عيون الورى
ادله عن اهمومي معك واضحك وانا ماني بخير=قد قللت لك جرحي هدى لكن جرحي مابرى
ليا سرينا وابتدا من ليلي الثلث الاخير=قمت احترق من داخلي والدمع لفراقك جرى
اشم عطرك في يدي واغيب عن عقلي واطير=واصحي على علم وخبر بين اشتياقي والزرى
قدمت لك قلب العطا مااوحيت في حبك شوير=اللي جهل عن حالتي واللي عن الحاله درى
هم مادروا بانك غذى روحي وعقلي والضمير=وانك هناي بدنيّتي يفداك حالي لو برى
تقودني يمك خيوط الشوق ديباج وحرير=لانك ملكتي خافقي والملك مافيه خشرى
نعيش في جو الغرام وكل مكتوب يصير=هذي طراه ارواحنا بين الثريا والثرى
ان قلت احبك صدق ماهو كذب والله الخبير=اقسم قسم لو تبعدين اطيح من قمه كرى
والوصل كنز من ذهب في عيون رجال فقير=يشهد عليه منتدى المرقاب والقاري قرى[/poem]




وسلامتكم

ونبي سلطان ابن بتلاء

تواصل ممتع .. و قصائد لا تمل ..




يقول نواف نايف



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حسافة كيف حبيّتك مصيبة ماقدرت أنساك=أشوف الذل بعيوني وانا ساكت وراضيبه
وهم عشته وصدقته بكيّت ولا كسبت رضاك=تجرعت الجفا علقم ولا ظنيت تدريبه
ملكت القلب واخذته من ضلوعي على يمناك=ولحدٍ غيرك يشوفه ومنك وفيك تعذيبه
ترجيّتك وناديّتك وعشت العمر في رجواك=رجيّتك رد لي قلبي ثلاث سنين مقفيبه
تهل العين بأسبابك دموعي في شقى ذكراك=واكف الدمع بيديني كوت خدي لواهيبه
مضالي وقت صدقني قبل لا اعرفك ولا اهواك=عزيزٍ ماهويت الذل ذا طبعي وناشيبه
تصافق بي هموم الكون ودربي ممتلي بأشواك= ولا فكرت يوم أضعف أكن الهم واسريبه
هذاك أول تغيّرت وسبب ماصابني لقيّاك=بعد ضحكي من أهل الحب مولايه بلانيبه
أبد ماعاد لي رغبه سوى ربي معي يبلاك=وأشوف الذل بعيونك وانا ساكت وراضيبه[/poem]



اختار عبدالله غازي السعير

فالح المصعوك




سبقتك

رجاء قصوا رقم من الكاونتر لا تزاحمون كذا


هاذي من اسمى الشعر للرائع سلطان بن بتلاء :-


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


ليت (الهشاشه) في عظامي ولافيك=أو ليتهم يرضون.. وانقل عظامي

ياليتهم يرضون..والله لااعطيك=لااعطيك منها ماانحنى واستقامي

الين ترجع مثلها اول خطاويك=وتعود هيئة جلستك والمقامي

مادامني يالغاليه منك واليك=ممنون لك في حملي وفي فطامي

ابقى فدا راسك وفدوة مواطيك=ماهو تفدّاي الغزل والغرامي

يااطهر من الانهار واصدق من الشيك=شيك الثقه ماهو بشيك الحرامي

ابوي مابين الصبايا منقيك=ولاهي برميه جات من غير رامي

اخذك من شيخ ٍ بطيبه مربيك=وجبتي منه ستة حرار ٍ كرامي

رجل ٍ نجح واللي يدلّك وينبيك=دايم ..(مره خلف اي رجل ٍ عصامي)

يااعطف بشر.. وانقى بشر .. في مباديك"=لو امدحك ماهو مكفّي كلامي

كم ضقت من دنيا البهاذيل واجيك=واروح .. والدنيا اقلّ اهتمامي

بطفولتي ..في لعبي ازعجك واشقيك=واليوم اهمّك لو أروح لدوامي

جنه براحة كفك.. وتحت رجليك=جنة خلود تفيض.. برد وسلامي

الله هو اللي يالعزيزه معليّك=جعل رضاك اهم من هالانامي

عسى الولي يااغلى المخاليق يشفيك=وياليتهم يرضون .. وانقل عظامي[/poem]


المطلوب / عوض ابو فقايا ،

^
^

لا..سبقتك انا

وهذا الطلب ياسداح

يقووول عوض ابو فقايا

المشاركة الأصلية كتبت بواسطة عوض ابو فقايا

:
:

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

حياك ياللي تبي تسمع قديم وجديد=لعيونك اثني قياد الشرد وعقالها
اقلط وانا باتعوذ من ابليس المريد=واصب لك دلتي وتذوق فنجالها
مابه ثمن للقصيد إلا انك تطلب قصيد=ولا لعوص المهار ايكون خيالها
ادحم بفضل الولي واثبت بقلب حديد=عسى الله يخل عين الحسد بخلالها
مااصدق من الصدق غير الله ويوم الوعيد=والرحمه اللي تظل الناس بظلالها
رحمتك يامن خلق فينا شقي وسعيد=دنيا الغرابيل فال الله ولا فالها
مااخبلك ياللي تقول ان البعيده بعيد=ياهيه دنياك ماتبقي على حالها
كم فرقت من جموع وجندلت من عقيد=تلف وتدور والنكبات تبرالها
شف اللي امس وهو يبطش وكفه يبيد=ماكنها الا له اولاكنه الا لها
اليوم بيديه قيد وبين رجليه قيد=اشتالته صفعة الايام واشتالها
يالله دخيلك وفي وجهك عساي استفيد=واخذ من ام العبر عبره وموالها
يارب عفوك وثبتني بعقل رشيد=واعوذ بك من عجوز ابليس وعيالها
مانيب شمات لا والله ولاني بليد=ولا بطماع في بقعا وتمثالها
ياللي تقول ان فلان عبد وفلان سيد=وتقيم الناس بصورها وباشكالها
لو انك قيمت نفسك قبل زيد وعبيد=بتقول لعباد ربي مالي ومالها
ماكل من تستشيره جاب راي سديد=برق وفرق وشف يمناك وشمالها
اكبر دليل ان مهي تاتي بسطوة عنيد=كم واحدٍ يطرد اهدافه ولا نالها
ان كان ما الله عطاك افعد ماكن لك ايد=وان كان مالك يدين شلون تنتالها؟!
مواهب من وحيد الملك ماله نديد=لو انها بالمحايل كلن احتالها
والرابح اللي لك الله يستفيد ويفيد=ماغرته من تخلخل له بخلخالها
اللي عمل للممات وفي حياته زهيد=خلا جمال الضلاله عند جمالها
يدري ولو طال عمره ماخذا مايريد=ونهايته حفرةٍ متهايل جالها
والموت ماهوب يوم تروح روح الفقيد=لاقفت سنين الحياة وطويت حبالها
الموت والله بعد الموت علمٍ اكيد=عند الصناديق يوم اتفتح اقفالها
ولا الحياه ان تعيش العمر عمرٍ مديد=لابد لو طولت ماتقصر طوالها
لاوالله الا حياةٍ بعد موتك شهيد=او يغفر الله لنفس ويقبل اعمالها
دنيا البقا خير من دنيا الفنا والمزيد=في علم من علم الانسان باهوالها
سبحانه المبدي الفرد الصمد والمعيد=ماغير رحمة ولي العرش نلجالها
نرجيه حسن الختام بساعةٍ ماتزيد=والمغفره يوم تجزى النفس باعمالها
يقول في محكم القول ان شكرتم لازيد=وان الامانه عجزها الطود ماشالها
ويقول جل ان كفرتم فان عذابي شديد=اّمنت باللي امر جبريل بانزالها
يبقى الرجا باللي اقرب من حبال الوريد=يابخت نفسٍ رضى المولى تهيالها
ماكل عيدٍ على اهل الشرق للغرب عيد=ياسرع دور الليال البيض وهلالها
والشجره المثمره تثمر وترجم بحيد=ويسبها اللي بعيدٍ عنه ماطالها
نركض ورى احلامنا ولكل ضدٍ ضديد=ويحلها ساعة الضيقات حلالها
ان جات ماردها منك عضيد ورصيد=واصحاب الاموال ماتدفن مع اموالها
وجيد الحكي واللسان الطلق ماهوب جيد=الناس بافعالها ماهيب باقوالها
تذوب بعض السوالف مثل ذوب الجليد=اضرب مثل والاوادم تضرب امثالها
والنعم بابنا الحمايل كل حرٍ يصيد=قسمه ليا هد دق الصيد وجلالها
هذا بعض ماانتقاه الفكر غفلٍ وغيد=ياخذ من جزالها ويجنب هزالها
بيني وبين القصيد الجزل ساعي بريد=مثل المخاييل يوم تهل همالها
اشطب 100 بيت لاجل اصوغ بيت فريد=للي يميز خفاف الوزن وثقالها
يامن طلبت الجديد انا لك ابن امهيد=تاتيك بالضمد ماتاتيك بلحالها
هديتي لك قصيده من عيون القصيد=من سمعها قال صح لسان من قالها
وسلامتكم [/poem]

ونعود لـ طلب دارين : عبدالله غازي السعير

المشاركة الأصلية كتبت بواسطة عبدالله غازي السعير

اخواني واخوااتي اطرح بين ايديكم بعض مشاعري بعد ان سمعت بوفاة الشاعر والعلم ( صياف بن عواد الحربي) عسى الله ان يرحم صياف

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


انا البارحه جيت المدينه ودمعي سال = لحيث (ن) حِلي فالمدينه وترحالي
وواد الفرع جيته وشفته كسيف الحال= ورابغ نشدته قال في وضع يرثالي
وعكست اتجاهي يم عسفان ضلي مال=ونشدته وقال اصبر ترى الدهر ميالي
ونصيت المدينه رد قلت الدهر وش قال= ومفرق بدرجيته وطلعت جوالي
ورفعته وقلت ارحب وقال انت ليلك طال= وصياف ابومفلح على الموت نزالي
وانا خابر(ن) دستور بقعاء على الترِحال= لكن السحيمي روح بالفين رجالي
وتركت الطريق ورحت للهضبه ام هلال= يهب الهوى خشمي وميلت بعقالي
قريب المدينه واعرف إن الدهر ميال= ولآمن ذكرته قلت هذي خلآ خالي
وأحر التعزي للقوافي على اية حال= بشعر النبط والا بمحراف موالي
بعد موتت اللي بالمواقيف مثل الجال= ليا قِدم الدرهم تقدمت بريالي
هذاك السحيمي والليالي لها منوال= لزوم انها تسقيك للمر فنجالي
وابا اختم كلامي واقصره والحزن لوطال= بدعوه لرب البيت علام الأحوالي
عسى مسكن اللي راح في عالي المنزال= وتغفر ذنوبه يوم نشرات الأعمالي
وحنا ترانا حرب للمعضلات جمال= رجال(ن) على الشدات وقفه ومنزالي
[/POEM]

نبي نقراء لمحمد مشوط

المشاركة الأصلية كتبت بواسطة محمد مشوط

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ازهميني تسان باقي لي وجود = بين ريعان الصبابه والغلا
وإلاّخليني على قفايه لا أعود = مابقى فيني مراتع للبلا
شاننا روّح مراويح البدود = لاتلت قطعانها خضر الكلا
ذا حدر للشرق والآخر سنود = وذا ميمم صوب واحات العلا
يطردون احلامهم حول العدود = وإن صدفها من مقادير الجلا
مايطيب لهم مقامات وقعود = تسان مافاضت مجاويف الدلا
رسم واقعهم على سمر الخدود=كـ الوقوت اللي غشا روض الفلا
كاتمين أنفاس ولوالٍ يكود = عن مراسه مايطيقون الملا
بالعزايم مايبيحون السدود =لو يحلّّ بهم ماحلّ بكربلا
وانتي اسرفتي بتقليم القيود =لين راحت مثل مرواح اولا
شاننا مافاخت الحظ القرود =عانقه وابدا مكانين الولا
عاث به و أوطا على تلك العهود =بعد ما طيفك توشح بالحلا
فالك البيرق عسى الفال محمود= لاندمتي يامجاريح وهلا
من قديم الوقت والايام سود =في عيون المهتوي والمعتلا
شوفي قاموس التراجم للصدود = واعرفي ماراح في حكم الخلا
وتسان ميدك عند باقات الورود= كنها عندي هلا يامسهلا
يعني فيقي من تلاويع الكبود =خانك التفكير واجتاحك ألا
بابتعد مقفي ولايمكن أعووود = لو هي روحي معك لا لا لا ولا[/poem]

/
\

وسوالم ،،،

نبي لـ ناصر آل صامل

يقوووول ناصر آل صامل

المشاركة الأصلية كتبت بواسطة ناصر آل صامل

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الشاعر احيان .. شعره يخالف شعوره=ويجوز يكتب .. بما يخالف قناعاته !!
احيان .. يكتب بمايرضي به غروره=حتى ولو مابقلبه .. عكس ابياته !!
واحيان .. يكتب بمايرضاه جمهوره=ولو على حساب آراءه ونظراته
واحيان .. يكتب عشان يمشّي اموره=يشّد ويقطع .. لاأشياءه وحاجاته
واحيان .. يكتب عشان عيون غندوره=يكذب عليها .. لجل يشبع ملذاته
لذا ؟! برأيي أرى .. ولكل منظوره=ان ماسبق في اعتقاد القلب .. معناته
الشعر موطن .. وصدق القلب دستوره=والفكر حاكم .. وصدق البوح راياته
بمعنى ان .. الشعر ما يعتبر صوره=للشاعر .. ولايعبر عن معاناته
الا اذا شاف مايخرجه عن طوره ؟!=يمكن يحارب ملذاته ورغباته !!
وانا اذا إن المهبل .. تعلن الثوره ؟!=ولاشفت كلٍ علي يفرد عضلاته ؟!
اطب امواج شعري .. وادخل بحوره=وارصّ محارته من جنب داناته
وامشي .. واخلي القوافل تكمل الدوره=ولاهمّها الكلب .. لوكثرن نبحاته !
لاني لو ألد يمه .. وادهن سيوره=نزلت نفسي .. عشان اسوي سواته
بعض الاوادم .. على بعضه كذا عوره=اذا حياته خطأ ! وشلون كلماته ؟!
الشخص .. ( بستان زهر ) .. اخلاقه زهوره=واخلاق الانسان .. تـُنبي عن ثقافاته
والعقل .. لو ماوضح فالادمي دوره=ولا انعكس في فعايله و حركاته
تلعب به الناس والدنيا .. لعب كورة=ويصير من قوم ( لاوده ولاهاته )
عموماً .. النفس منهية وماموره=وكلٍ على حسب رايه واتجاهاته
والنفس .. بمعاند الحسنات مفطوره=والرابح ؟! اللي ملت دفترْه حسناته
وانا اذ قلت : بأن الحال ( مستورة ) !!=اقل حاجة ..! عذولي اكسب سكاته
ياهي علومٍ بوسط الجوف .. مقبورة=من حزني الي مدخلني متاهاته
الحزن دوله .. بها روحي امبراطورة=والدمع خادم .. وصولاته وجولاته !
إعلان لبدايته .. وإيذان بحضوره=برعاية الله .. تبدأ اول محطاته
عليك ياام الحلا .. اللي صار اسطورة=ياآية الحسن .. يااجمل حكاياته
لي عام .. قلبي عجزت اجبر كسوره=محروم من ابسط حقوقه وغاياته
من يوم صارت حبال الوصل مبتورة ؟!=وانا الى الآن !! .. حتى الليل مااباته
ميـّت وله .. والنفْس ماهيب مسروره=والقلب .. مافادته كثرت محاتاته
يابري حالي .. على جرحي ودكتوره=وانا ادري الحال .. ماتنفعه برياته
على غرامٍ .. تعبت أشيـّد قصوره=واحد وعشرين عام .. ابني بناياته
ثم هدّه اللي ماخاف الله من جوره=في ظرف ليله .. حرم قلبي طموحاته
خلاني بديرةٍ بالحزن معموره=احاتي البعد .. واشكي نار لوعاته
لكن عموماً .. ظروف الوقت مشكوره=خلت قصيدي يطرز داخل ابياته
بيت ٍ أبتركْه .. للتاريخ وعصوره=وأسجله بالذهب فأول ملفاته
الشخص .. ( بستان زهر ) .. اخلاقه زهوره=واخلاق الانسان .. تـُنبي عن ثقافاته[/POEM]

وسلامة عيون كل من مر

ونبي لـ مطلق الجبعاء

انت تآمر أمر يا فالح .. وهذي قصيدة لـ مطلق الجبعاء

المشاركة الأصلية كتبت بواسطة مطلق الجبعاء

[align=center]../

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ودي أغنـّيهـا غضـب=ودي أبكّيهـا رضـا
الليلـه إحساسي نضـب=يكفينـي أذكر ما مضـى [/poem]

../

/ ..

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غريب ضايع من زمن = يسكت .. إذا دار الكلام
أغلب حكاياته .. حزن= وأجمل صباحاته .. ظلام[/poem]

:: ::

:: ::

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وقف .. وعكّازه هموم = وقف .. وعيا لا يميل
وإن طاح ما يقدر يقوم=الله .. يا صبر النخيل[/poem]

.
..
...
..
.


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما طاح هم الليالي .. / لو يطيح الحطب =وأنا أغتسل عن غرامك .. /بالصبر والونيـن
كلمة أحبك صدى .. مردود كلمة تعب = حكاية ٍ ما تسولف غير ../ دمع و حنيـن
هذا المصير الكئيب اللي علي أنكتب= لوحة حزن غامقه .. /فيها عيون ويديـن
مليت أناظر يميني وش خسر وش كسب = وتعبت أدوّر عذر .. / مل اليسار اليميـن
رضيت أكون السلالم .. /ووصلك للسحب = تقطف من نجوم عمري كل شي ٍ ثميـن
شفتك صغير وبريء وكان وقتي صعب= وعودت همي لعينك يختفي ما يبيـن
وخليت قلبي حديقه .. /والمشاعر لعب=وكبرت فيني وشفتك ثالث الوالدين
لجلك ضحك قلب ما يضحك ورحب هدب = ولجلك رخصت الجواب وشلت لك كل سيـن
ما اظن عاشق عشق مثلي ومثلي وهب = أصابعي شمع والقاسي عشانك يلين
وخسرت أجمل سنين العمر / وأنت السبب = ومن صدمتي ما اصدق كل كلمة خدين
لكن أبسئل سؤال ولا تظنه عتب = لو تعتذر لي ../ بتقدر تعتذر للسنيـن ؟
وقـّف ولا ترجي الرجعه .. ولو هي غصب = ما جيت طالب هناي ولا رجيتك ضنيـن
دام الذهب لو تردى وقت .. يبقى ذهب = شفت التجارب تبيّن كل معدن دفيـن
غنيت لحن الشموخ ودمعتي تنسحب = وقررت أودع غرامك بس في كلمتيـن
ما عاد فيني صبر.. يابو الحسب والنسب = الله يسامحك .. والفرقا على القلب ديـن
لكنّ قبل المفارق ودي اطلب طلب = عشان خاطر هوانا .. لا تقفي حزيـن[/poem]






..[/align]

نبي لـ خالد الذيابي

يقول ابو سعيد

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
باسم الله ابدا ولا ابدا غير باسم الله = والحمدله والثنا والشكر سبحانه
واعوذ بالله من الشيطان والزله =حيث ان طاري القوافي فز شيطانه
وانا حريصٍ على نفسي من الخله = واخس مايلزم الرجّال بلسانه
لكن يهب الهوى ويقول عبدالله = من عاكس الوقت ما طاعه ولا صانه
يامن لعينٍ تريق الدمع وتهله = شمّر عليها الزمان الصلف ذرعانه
فيها من الوجد والويلات والذله = ما يكفي لعين ابو عداي واعوانه
من عقب طاح العراق وطاحوا الشله = وماتوا عياله و صار الحزب هجانه
ثم انطرح من يهودٍ تجهل المله = والحين يذرف دموعه وسط زنزانه
وياتل قلب العنا والود ياتله = تلّت سروقٍ لجيبٍ صاح ونّانه
ثقل على نمرته حتى اختلف دلّه = ماغيّرالا بعد ماشاف دخانه
صحيوا به الناس واهل الدار والحله = من صوت قيره وصفّارات شكمانه
من سبّتك ياظريف الطول والطله = لوعات قلبي وحسراته ووجدانه
يوم اذكره والربيع الزين والدله = واذكر لزومٍ لفابي عند شيبانه
واذكر جديلٍ تلاعبّه مع ظله = وعيونه السود ورموشه وحجّانه
واذكر شفق نظرته وانا مريفٍ له = يكتم مواري الولع وتقولها اعيانه
واذكر صفا حسنها الصافي ولا امله =مصيونة الفكر صون المال بخزانه
منقيّة الساس والمجلاس محتله = صمت الليالي وضحك الصبح واشجانه
وضّاحة الوجه كنه لا بدا كله = نورٍ يسقّي الضحى من طفح كيسانه
مشفوقة الخد تقصر عن لظا المله = والفم لونه يقارب حب رمانه
والخشم سيفٍ قويمٍ بارع السله = ما خنّ بالصوت والا عيّب اوجانه
أذا تبسّم وبيّن عن ثمانٍ له = كن البروق اتّسالم بين نيبانه
غنجه رهيفه تقول القول وتعله = ميّاسة القد مسلوبه وريّانه
منتوقة الجيد والخصرين منسله = مرتزّة الصدر رعبوبه وفتانه
يوم اذكر اني وصلته واذكر محله = اجاهد الفكر لكن زاد عصيانه
يصرفني الشوق عن دربي وانا ادله = واغوص في غبّةٍ ما وسطها دانه
واهيم في ليلها شفقان وموله = يصرخ بها الفكر والهاجوس والحانه
كم واحدٍ مات صمته موقدٍ غله = لأن الرجا منقطع والناس ديّانه
وش عاد نفع الحكي ياهاجسي قله = لا صار ريح اللقا مقطوف ريحانه
وش عاد يجدي الحكي ياغبن عبدالله = طاح الغرام وقتل من سيّس اركانه

وسلامتكم على الله[/poem][/QUOTE]
والاختيار من ابداع السواط محمد

حق الفيتو

ودي اقول ان فالح المصعوك استغل كلمة تعديل




*


*



يقول خالد الذيابي

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

تعال يالبيه يا حلو النبا=ياغيث وجدٌ للظلوع الناحلات
ياشاذى الجورى وياعنق الضبا=ياروح روحى ياسمو الشامخات
حبك وصل سيله إلى حد الزبا=فى وسط قلبى مالكٌ كل الجهات
لك فى فوادى ملك بلقيس بسبا=والوقت من دونك شتاتٌ فى شتات
قم ضمنى للوصل والبعد يهبا=بل العروق اللى لوصلك ضاميات
شلف الجروح أمست على قلبى دبا=وأنت الدوا لجروح شلفٌ ساطيات
قم عوض المجروح عن وقت الصبا = يأغلى طموحٌ فى طريق الامنيات
خذنى غريبٌ ماعرف وشهو يبا=طالب حنانك والليالى قاسيات
الوقت بأحزانه مكن في وسبا =فرحه عيونٌ لاجل شوفك ساهرات
أغليك لا والله حبك كالربا=لكن زودك قدر دون محرمات
إن قلت عطنى قلت لعيونك جبا=الشعر بعيونك يصير مجوهرات[/poem]



اختار سالم محمد اليامي

اولا شكرا لصاحب الفكره

ثانيا لك سالم يا دارين

المشاركة الأصلية كتبت بواسطة سالم محمد اليامي

الله يمسيكم بالخير

صلــو على النبـــي

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
بسـم الله الرحمـن الرحـيـم
السلام عليكم ورحمة الله وبركاته


الوقـت يمضـي والليـالـي مدابـيـر=والجسم من زود الهوى ((هـد حيلـه))
تقبـل علـى همـوم بقعـا طوابـيـر=وتشـب صـدري مثـل شـب الفتيلـه
واصبر واقول بصمت((يالله عسى خير))=يمكـن مـع الأيــام تـاتـي قليـلـه
اشـوف نـاسٍ نعبـوهـا ((طراطير))=تبغـى تطيـح بـراس شاعـر قبيلـه
قولولهـم بـدري عليهـم ((وبكّيـر))=اهـل القلوب((الحاسـده والرذيـلـه))
مهما يطيـر ((البوم))ويطيـر ويطيـر=((بينـي وبينـه الـف ليلـه وليلـه))
يامسـويٍ حالـك مثـل سالـم الزيـر=((الله يرحملـي زمــان الجليـلـه))
وانا شموخـي ماعلـي منـك ياصغيـر=((ادوس راس اللـي نوانـي بحيلـه))
ومـن لا يقـدر مالـقـى اي تقـديـر=تلغيـه كـل النـاس باسـرع وسيلـه
وانا ماقول اني ((انا حضـرة جريـر))=لاشـك لـي موقـع ورايـه طويـلـه
وانـا تـرى ماهمني((نافـخ الكيـر))=همي مـع اللـي لـه رمـوشٍ ظليلـه
اللـي غلاهـا فـاق حـد ((التعابيـر))=((مهره أصيله ايـه مهـره أصيلـه))
اللـي لمـن قالت((ابي))قلـت بيصيـر=تامر على اللـي بـس تبغـى الكحيلـه
ياويـل حالـي كـل ماقامـت تسـيـر=((لا والله الـى ويـل قلبـي ياويلـه))
تقول كنها مـن علـى القـاع بتطيـر=((ماتعتـرف بسلـوب لفـه وميلـه))
وأن سولفت يانـاس وشلـون باصيـر=يفقـد ((ابـو محمد))بقـايـا دليـلـه
ويضيق صدري لين ((افك الأزاريـر))=واسرج خيول الفكـر واجلـب حصيلـه
واجيه انا وحـروف شعـري مساييـر=نروى ونـروي كـل عـرق ومسيلـه
إذا زهمنـي قـلـت لـبـى وياخـيـر=امـر ولـو جـات السوالـف طويلـه
لو كنت انـا ويـاه ضمـن المشاهيـر=((والله يضيع القيـس وتضيـع ليلـه))
ولو كان تدخل فـي سبـاق الأساطيـر=((فازت فقـط باالثـام راقـي وشيلـه
((وانا بفوز بحرفنـة شاعـرٍٍ غيـر))=حرفٍ سلس واخرى حـروفٍ جزسلـه
طغـت علـى كـل البنـات الغنـاديـر=((أم الحـلا وأم الغنـج والجميـلـه))
الشمس تبكي لـه مـع حـزة عصيـر=والليـل سامـر فـي روابـع جديـلـه
والثلـج ذايـب سايـح بجمـة البيـر=والنـار داعبـهـا نسـايـم عليـلـه
يسعـد صباحـه كـل ماغـرد الطيـر=ويسعـد مساهـا كـل يــومٍ وليـلـه
هـذا الهـوى والحـب مافيـه تفسيـر=تجعـل عيونـك مـن دموعـك ذليلـه
اقولهـا مـن قلـب صـادق وبضميـر=الله لا يقـطـع خـلـيـل بخلـيـلـه

وســـلامـــتـــكـــم


الـــــــــــــراوي[/poem]

انا اطلب الغايب المحبوب

سعد الشيباني

هاذي لحبيب المرقاب
سعد الشيباني :-

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه ماوقفت الا على جاله = برقٍ ملامح همومه جت تخايلني
واقول لاشعّ فال الله ولافاله = الهاجس اللي مع الايام مشغلني
نكبات الايام رجليّه وخياله = ياحيلة الله متى الايام تمهلني
ان جيت اسج القدم واجهت محباله = وجه السعد في دروبي مايواصلني
واستغفر اللي جميع الخلق تلجاله = عن كلمتي قبل يامعبود تهملني
عفوّك وانا عبدك اللي وجهك يساله = رحمتك لاجيت في قبر ٍ يهوّلني
اعبدك ما اعبد وزير البشت ورياله = إمشكّله قبل لا أحتجّته يشكّلني
والغايب اللي عليّه مشغل ٍ باله = قولوله إن السهر من غاب حللني
وقولوله إن الغلا باقي على حاله = بس البطا وانتظار النفس مللني
وقولوله إني على صوته ومواله = مشتاق ياليت من صوته يموّلني
لبيه ياللي يسر الخاطر قباله = لبيه لوكان طول البعد حملني
حملني الهم والغربال وأشكاله = والصبر مني قضى والسهر طاولّني
واهنيّ قلبٍ مِريح من الهوى داله = ماذاق خمر الغرام اللي مكبلّني
ماذاق من زعفرانه وسط فنجاله = مرتاح وانا المجامل مايجملّني
لاهب ريح الغرام وهلّ هماله = تتوق نفسي وموج الحب ينتلّني
واسجّ مع موجته وأطيح وابراله = تيار الايام لاسجيت غربلّني
واقف على ذكرياته واتحراله = يمكن ظروفه ليا هانت يواصلّني[/poem]


شوفوا لنا للمبدع مطلق المطيري ،

فكرة أكثر من رائعة



وهذا مايقول المبدع مطلق المطيري


صبيت في كاس غفواتـي شـراب سهـري"
" حتى ثمل جفـن عينـي بالتعـب والسهـر
واعطيت نـوم المخـده والفـراش ظهـري"
" وحطبت لي من شراييـن المواجـع سمـر
حتـى نبـتَ لمجاهيـم القصيـد عـثـري"
"عقـب الغيـاب المرتـب والهـدوء الحـذر
لعيون مـن تيبـس اطيافـه علـى دفتـري"
"وواقف وانا ف..انتظاره عمر ليـن انكسـر
اجيـه وانـا افقـر العالـم واعـود ثـري"
" وان غاب صرت اكثر اهل الارض هم وفقر
ينبـت بغيباتـه الخفـاق شـوك وشــري"
" ولياحضرينبـت الخفـاق ربـل وزهــر
ابطـى واناديـه ليـه ابطيـت يامفـتـري"
" عقبك تليـع المشاعـر مـن غيابـك قفـر
القلب مافيه عرقـن مـن عروقـه صـري"
" من الوجع لو تظاهر لـك بطـول الصبـر
يابن الحلال ارجع ارجع(وابك) وش تحتري"
" اصنع لك اعذار لاكن مابقـي لـك عـذر
ولا اعتبر ماانت من دمـي وموتـي بـري"
" ايه اعتبـر0 ولا(تـدري عـاد) لاتعتبـر
اللـي فقـد لـه حبيـب وغايبـن يحتـري"
" المشكله وش يسوي مـن فقـد لـه عمـر


وعطونا محمد القثامي

هالمحترف الانساني يحتار من يختار احدى قصائده

لكن اسمعو هذي :

المشاركة الأصلية كتبت بواسطة محمد القثامي

بسم الله

00000

000

0
[POEM="font="Simplified Arabic,5,black,bold,normal" bkcolor="transparent" bkimage="" border="double,4,gray" type=2 line=1 align=center use=ex num="0,black""]
تموت البل باسباب النّخاله = وراع البل مايِعْجِبْك حاله
بعد ماكان يَحْلَم بالمزاين = خسر حلمه وضيّع راس ماله
ودارت سالفة ماصار للبل = أحد يشكي وَاحَد جا مِن شكاله
وموت البل بهالكثره مصيبه = تِضيّق بال مِن مِرتاح باله
وانا دقّقت فالموضوع كلّه = جنوبيّه وشَرْقه مع شماله
وقريت ايات فالقرآن تتلى = تجاوب كلّ سائل عن سؤاله
تقول الذنب سبّة كل بلوى = وذنب العبد سبّة ماجراله
وسبّة ماحصل منّا وفينا = سواءِ ابْعِلْم والا عن جهاله
بدا التقصير والإسراف منّا = وكلٍّ للطَّغى يَشْعب جماله
وعشنا بوضع مايرضاه عاقل = لِحق وقت الفَقر باوّل لياله
ومن يبغى على قولي دلايل = بَقلّه شي واحد في عجاله
مية ناقه دية رجّال شرعاً = وهذا الحق في شرع العداله
لَكِنّ اليوم صار بعير واحد = يساوي له مية رَجْل ٍ لحاله
أهذا حق ؟ لا والله ماهو = بِحق ومن زعل مالي وماله
صحيح البل رمزٍ نفتخربه = مِنِ رْموز البدو اهل الشكاله
لَكِن مالله رضى باللي فَعَلْنا = وحدانا لاستهان بذنب شاله
أقوله واطلب الله والتجيبه = يِعوّض من فقد غالي حلاله
ويرحمنا ولايغضب علينا = ويحشرنا مع محمد وآله[/POEM]

وعطوني للمبدع / عبدالله العسبل

المشاركة الأصلية كتبت بواسطة محمد السواط

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بين الصباح ولهفتي والمسافه=الملم اوراقي على جيّة العيد
وبين الخطر ومصافحه للمخافه=يشدّني عزمي وانا قاطع البيد
حتى سرح لحني على صوت قافه=وغنيت في معنىً صدى صوته بعيد
صوتٍ من الذكرى يسيّر مطافه=وامشي على حيده وبرّح له الحيد
مره يريِّحني واحب اكتنافه=واشب له في داخل الصدر تنهيد
ومره يلوِّمني والوم اختلافه=وارميه من صدري على لعنة الـسِّـيد
أهلّ لوعات الهدب من ضفافه=ويزيد في اللوعة وانا ازيد واعيد
وان جرّمن صدري كثير الحسافه=ماينهزم له داخلي غير ماريد
ودام الزمان بقسوته وانحرافه=يطيح للكايد من يغرّه الكيد
كف الضعيف تناوله بالضعافه=وكف الجويد تورّده للمواريد
والعز قوت محرمين اللقافه=والذل جود الخبل من قلة الفيد
والعدل ميزان العقل واحترافه=والظلم معدال الردى للمناقيد
والطيب ظلٍ يسـْتراح بـ منافه=والحـَرّ والشرْ والقشرْ للتناكيد
واللي خطامه رابطه في خلافه=ماينحزم عند الصناديد له قيد
وفرش النذل لو شيل حقده لحافه=يخفيه لو قدر الغدر عنده يزيد
ولو خطوتي ساقت علي التوافه=تدوسها رجلي وانا اطارد الصيد
الواجب اللي تبسطه فـ الضيافه=إن ماقنع به زيد يرضى به عبيد
والحق سيفْ ولمعته في انتصافه=وانا على الحق اعتقد قابض الايد
هذا صدى صوتي وبعض اعترافه=يومي على سوق القدم قاطع البيد
والدّ من بعد النظر للمسافه=واقرّب لعيني فرح جيّت العيد [/POEM]
.
.

المطلوب .. درّه من درر الغائب الحاضر دائماً
ابو ريما / فيصل السواط

ياسلام

تستحق دارين الشكر الجزيل

فكره رائعه اطلعنا من خلالها على شعر مذهل

بس ياليت يتم التركيز على الشعراء الغايبين

ولايتم تكرار اختيار الشاعر لنستمتع


غيمار

فيصل السواط يقول :_

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العلاقـات الغراميـه و(علـم الفيـزيـاء)=التجـارب أثبتـت صـدق العلاقـه بينهـا
واثبتـت ان الرياجيـل الدهـاه الأذكيـاء=أكثر اللي روّحوا من البشـر فـي يدينهـا
إنشدوني عن هنوفٍ ضيّعت قلبـي هبـاء=غيّبتني ثـمّ غابـت فـي ركـود سنينهـا
إنشدوني عن (قوانين الطبيعـه) والبقـاء=يـوم تحدانـي شرايينـي علـى سكّينهـا
وانشدوني عن لهيب النار لا هب الهـواء=كيف يحرقني ويسرق دمعتي مـن عينهـا
وانشدوني عن (محصّلة القوى) عند التقاء=(ذبذبات) الشوق في كفّـي وفـي كفّينهـا
(وإنسكاب الماء فوق الترس يعطي كهرباء)=تشعل (أنوار) الشوارع فالصدر من حينهـا
ياخسارة قلبـي اللـي مالحقـه الإحتـواء=مـن سبايـب فاتنـه يازينهـا ياشينـهـا
يعلم الله كـلّ لحظـات المـوادع واللقـاء=أرغمتني (تجربة) عشقي علـى تدوينهـا
واكتشفت انّ المحبّه في زمان الـلاّ وفـاء=شجرةٍ ماعاد يشرب عرقهـا فـي طينهـا
(يانيوتن) في قوانينـك ضيـاع الكبريـاء=لنّ مال (الجاذبيـه) ظلـع فـي تكوينهـا
و(كلّ ردّة فعل بعد الفعل ) شي امن الغباء=لنّ تهجير العواطف مـا ضمـن توطينهـا
و(القصور الذاتي) وكثر المحبه و العطـاء=ما عكس (شحنة) يسار المعمعه ويمينهـا
و(احتكاك) الروح بالفرقا وحلـم الإنتمـاء=ينشر أوجاع (الحـراره) بينهـا ويهينهـا
و(المعادن) ناس مابين التجلّـي والخفـاء=واهنيّ ياللي يجـي دينـه موافـق دينهـا
والوقايه خير من شـرب البنـادم للـدواء=والحياه يظلّ مصدر جيمهـا مـن سينهـا
والحقيقه انّ قلب الادمي مثـل (الوعـاء)=كلّ ما مـرّت سحابـه قـال لـه يازينهـا [/poem]


نريد .. من إبداعات محمد صالح العتيبي ..!

^
^
طااايب يامحمد..يقووول محمد صالح العتيبي

المشاركة الأصلية كتبت بواسطة محمد صالح العتيبي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الشعر عمره طويل وسيرته سيره = من أول حروفه العذبه ليا آخرها
يعطي مفاهيمه الجزله مداويره = ويعيش ف صدورهم ويعيش شاعرها
لومات مامات تأثيره على غيره = يبقى إمتداده مع الناس ومشاعرها
ركبانه الذوق والمنطوق والغيره = رسالةٍ تنتشر .. والناس تعمرها
إليا إمتلا بالحماسه يحتمي ديره = وإليا إمتلا بالهجا .. خرّب ودمرّها
وعذوبة إحساسه وسحره وتأثيره = يدخلك ف أجواء ماتقدر تهاجرها
واليوم كثرت على دربه جماهيره = الله يزيد الجماهير .. وينورّها
في ظلّ نفط البلاد .. وبيع تكريره = بعد ظلال الإله اللي مصخرّها
عمّ الرخا والشعر راجت مزاميره = وأطيبهم اللي عيونه مايسهرّها
لاجاك مثل السوالف قلّ تقديره = فضلاً على ذلك العيّه يبربرها
المسك من حامله ؟ والكير من كيره ؟ = ياللي تغط الحقيقة لاتزورّها
شاعر وامدّ النظر وادوّر الخيره = وكم غبةٍ في محيط البحر باحرها
وانقد قصيدي واحَفُظه من محاذيره=والنفس من نزغة الشيطان احذرّها
ولاقول عندي من النقد ومعاييره = لكن قناعاتي المفروض .. اقدرّها
اقدّم العذر .. واقبل منه تبريره = لي رغبةٍ مع هبوب الهجس أمترّها
بيني وبيني مداهيله وتفسيره = ولاتطلع الكلمة ألاّ لين أحاصرها
وراعي شمنصير يقعد في شمنصيره = ماني بويّا العلوم اللي يمررّها
دويرةٍ تبترم من فوق دوّيره = الضايعه عيبٍ لمثلي يدوّرها
حتى ولو فاقت الهقوه مشاويره = ترجع وتصغر من أولها ليا آخرها[/poem]

ونبي لـ سعود مناور

سعيدة بتواصلكم .. وحماسكم للشعر وأهله ..

وكل الشكر لكم جميعا دون استثناء



يقول سعود بن مناور العتيبي



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تفحيط في تفحيط وادخل عرض والعالم تشوف=واعقد على كبود الرخوم ولا عقدت اجرّها
بثنين لين اسمع سواليف البساتم والبلوف=ولو كان يحصلي وعوّد للحفل لكرّها
لعيون من حطت بوشم اسمي على ظهر الكفوف=يامر فرقاها على قلب المولع مرّها
ان كان جتني مسرعه وان جيت عيّن الظروف=كم ليلةٍ عودت لثيابي وقمت اطرّها
يالفاتنه من بعدك اعلنت التنحي والعزوف=عن سكةٍ ماعدت اميز خيرها من شرّها
راحت حياتي كلها بين المبرز والهفوف=مالي لزومٍ فالشواطي لو عطوني درّها
اطلع من الديره وجنب عن شوارعها ماطوف=فيها وانا كنت افلي الديره فلي وفرّها
يا فرّ عقلي والجفى قتّال وفراقك سيوف=والعين تبكي والبكى كثر البكى ماسرّها
انشهد انك غير غير الناس ووصوفك وصوف=مالك على البيداء شبيهٍ فالمدن وهجرّها
الفرق مابينك وبين الغيد واضح ومعروف=حوريه انتي في بحر عيني ومهرة برّها
سلهامت عيونك لها سكره وضحكاتك دفوف=من عاش معك يعيش فالدنيا بديع صورّها
اذا ذكرت شعورك اللي لا ظفت فوق الردوف=ونيت ونه من توحاها شكى من حرّها
اذا وقفتي يابري حالي على وضع الوقوف=واذا انثنيتي قلت باعلا الصوت لله درّها
واذا اعترضتي عرضك يعرّض محبك للحتوف=عندك تضاريسٍ عنيفه كان ممكن مرّها
تعالي الله لا يعاقبني ببعدك يا هنوف=دربٍ يجيبك يمّنا فيه الورود نذرّها
اما نحرنا لك جمل ولاّ ذبحنا لك خروف=وكلي وبعض أعضاك لابدّ الشحم بيبرّها[/poem]




اختار فهد بن دلباح