عطني (( قصيده )) ,

فهد القحطاني ونايف المقاطي

لخبطتونا هنا جب القصيده المطلوبه بعدين اطلب

وهذي لـ رشيد الزلامي

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الزلامي كيف رمح الهوى صابه=والهوى ماصابنامن على اولنـا
ياهل البيت الخضرسكرو بابـه=سكروبيبانكـم ياعـرب عنـا
وامسكواورع الهوى اللي بلشنابه=كـل ماجينامـن الـزام قابلنـا
هزرمش العين والاضحك نابـه=ضحكـة ٍمنهاالنجـوم يتهاونـا
امسكـوه ببيتكـم قبـل نبلابـه=وأن طلع لاتامنون العتب منـا
لايكلمناولايطـلـع الـجـابـه=لوصبـاح الخيركنـه يلعـنـا
مايخاف الله ولايرحم اصحابـه=جاهـلا ًبعيونـه السوديفتـنـا
اتمناحـرب مـدفـع ودبـابـه=والعيـون السودعنّـا يصدنـا
بس ياهل الورع متنامن اسبابه=مايردالمـوت لاانتـم ولاحنـا
ورعكم يلعـب ودنيـاه لعابـه=مـادرى انـا قدلعبناوهـونـا
مالقينافي طريق الهـوى ثابـه=زتنافي بحرالاهـوال واهملنـا
الهوى عله ولاتوجـد اطبابـه=دايما ًراعيـه مفتـون ومعنـا
ودنابيت الهوى نقطـع اطنابـه=ونطلب الوالي عسى العفويشملنا [/poem]

ونبي لعيد بن مربح عشان غيمار

..

وهذي لعيد بن مربح

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالمور خذ نمرة الخامس من اليمنى=تحتر تبرد ترى الأخـلاق خربانـة
والله لتبطـي وحنـا ماتفاهمـنـا=مـادام ميقـوع ماعقبـت قلبانـه
ولاتشكي الظلم حنا الوقت ظالمنـا=دليل ظلمي تراك تشـوف برهانـه
البارحه مع ثلاث اوجـاب مانمنـا=مكينتك تشتغل والعيـن سهرانـة
ان دبرت شدنا يرخـى محازمنـا=نروى بدلو يضيّـع مـاه شقانـه
وان أقبلت خصمنا يقضي لوازمنـا=صداقته تستحـل بيـوت عدوانـه
عـزالله انـا مـن الدنيـا تعلمنـا=درس صعيب على التلميذ نسيانـه
الله يجيب الصديـق اللـي يعلمنـا=ابنشده عن (غريب) وحال عربانه
لولاه فـي بيـت جدانـه مطمنـا=ياوسع صدري عليه فبيت جدانـه
لو قصدنا البعـد مرينـا وسلمنـا=مير البـلا شوفـة الديـان ديانـه [/poem]


وعطونا لـ عبدالله المسعودي "رحمه الله"

صبرت صبر الجمل معاد انا صابر ولايوم
الصبر غلّق وميعاد الفرج عند النهاية
اما حياة بجار العز والاموت مرحوم
والناس احد مات قدامي واحد مايت ورايه
الموت لي عن حياةٍ دربها يعرض علي اللوم
أخير من عيشة يلومني فيها غدايه
ابا السوق واللي يشتريني يغلي السوم
أما دفع لي ثمن والا عجز عن مشترايه
ياديرتي مانسيتك لو تولوا فوقك القوم
لكن صادتني الحيله بعد شقرت عصايه
وان قلت لك ياعصاية ليش تنشقرين مظلوم
هيّه تقول انت مخطي وانا اقول انتي خطايه
في ذمتي يابلادي كل ما اقعد وكل ما اقوم
عليك جدي موصيني وانا ما ابغى وصايه
ومن يشهد اني رضيت ولا الزعل في جبهتي حوم
وانا اذا ست راضي مايزعلني رضايه


ولا هنت يا ياسر ، .

ابي قصيده مدري من قايلها لكن حافظ منها يقول راعيها /

ياهل الراكيب لا نويتوا بالاسناد
عوجوا عليّ رقابها وأردفوني
أسرح انا في زملكم واشغل الزاد
وليا بغيتوا حاجةٍ من عيوني
وليا وصلتوا دار مركوز الانهاد
وفت جمالتكم وانا حولوني

..

8

8

عن نفسي ما لقيتها

والظاهر ان الطلب صعب فـ حاول تغيره يافهد عشان الموضوع يمشي

8


سموحة الخاطر مثل قضيان الحاجه ، خلاص نغيّر الطلب <- طنّقر ابو الشباب


ههههههههههههههههه


نبي اي قصيده لمطلق الثبيتي ( رحمه الله )!!


.

وهذي لمطلق الثبيتي ( رحمه الله )

[poem= font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
غنيت من زين الطـــــواريق طاروق =قاف ليا قلته تنشــــط طروقـــه
لعيون غرو يشطح الشوق من فوق =يا جعل ضدات الـدهر ماتعوقه
اللي ليا منه تمخطر مع الســـــوق =يعمى بعينه كـل عين سروقـــه
ماهو بمن برقا ولا هو بمــن روق =يشـــدى لغصن لينات عروقــــه
طب لقلب من هوى البيض محروق =والسعد قدامه وتحــته وفوقـــــه[/poem]

ونبي للشاعر / ذعار الفريدي (( ولد امس ))

..

ذعار الفريدي

[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شاعر ممنول وشاعـر لهلحيـن =وأفلج الخصم الواقعي وأنفلج لـه

والشاعر اللي ما لشعره براهيـن=مثل لمات أحياه ويش إيهرج لـه

لاقلت من دافع لـو أقـول بيتيـن=عن حوفهن نقادة الشعـر خجلـه

للبيت أكون رأس وأرجول وأيديـن=ودورة دمويـة بطيـة وعجـلـه

ماني معفي لاشاف ضول معفييـن=فزع وعوقه بين عنقـه وحجلـه

فزع ما يعرف المين ومقابلٍ ميـن=جمع اللوامي فيه ما تنفـرج لـه

ينكف ما خلص دين ومدان في دين=ورسم الغلاف إيغازله ويغنج لـه

عبرت عن ما ضر شعر البرييـن=ياالله تجلى ضره و ضـري إجلـه

في هذا لي شعار جيلـي أمقريـن=وأنا لهم كلـن أموقـع أبسجلـه

ماهم مزاهيفٍ بوسـط الدياويـن=والمقفي يعفون عن عضّ رجلـه

واليا التقيت أنا واحدهم خصيميـن=يعذر عـدو أدم أبمكـره ودجلـه

المعجب نزرع في خياله براكيـن=لايحرج الراوي ولا ينحـرج لـه

من حاضري يأخذ رموز ونياشين=أوجزت موجز لاجل مثله ولجلـه [/poem]


ابي قصيده للشاعر : عبدالله بن زويبن

وهذي لـ زبن بن عمير "رحمه الله"

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جاض قلبي يوم شفت البيت طــوّي=جوضت الـلي واطي ٍ راس الحنيشي
شاف الأفعى بين رجليه مــتلوّي=وإندفق عقله مثل عقل الخريشـي
قمت ألاع الورق ما أدري وش أسوّي=للحزن والهم في قلبي هـويـشي
من عشيرن إختلف نوه ونــوّي=حال دون الغالي الخد الوحيــشي
بعّد الغالي وأنــا وياه تــوّي=ناعم الأثمـــار نايشهن نويـشي
يوم أشــوفه كني أسرّح وأضوّي=عند بيتي طرش عماش الدويـشي [/poem]


ونبي للشاعر / بدر شامان الشيب

[align=center][align=center]لاهنت


ذي لبدر بن شامان الميموني

قصيده رددها الكثير وإنتشرت عبر البلوتوث في أنحاء المملكه

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جيت الطبيب وقلت أنا انسان مرضان= وفحص علي وقـال قرحـه وقالـون

وجاب الحبوب أصناف واشكال وألوان =قال أكل هذي قلـت مانـى بمجنـون

قال أنت تلعب قلت مانـي بسكـران =أكل حبوب (ن) جبتها ملـي كرتـون

ومشيت من عنده معصـب وزعـلان =وجيت المطوع قال اخذ زيت زيتـون

قلت السبب قال أنت بالحيـل تعبـان =عندك قلق ومصارعة جـن وعيـون

قلـت الله أكبـر يامطـوع سليمـان= ياللى تبيع الزيت والنـاس يشـرون

يمديك من بيعـه مطنطـخ وفسقـان =ويمدي رصيدك فوق عشرين مليـون

قال انت صاحي قلت صاحي ياوجعان= أنـت وطبيبـك كلبوكـم تهلـسـون

أنا بلايه من هـوى خـدر الأعيـان =أشحن غلاه وخاطرى منـه مشحـون

أتلى العهـد بـه يـوم روح مسيـان =عصرية الجمعه على جيـب صالـون

جيتـه موقـف عنـد كبـري بنبـان =فى جيبهم تهريـب علبـة دركسـون

وعطيتهم جيك(ن) من الزيت مليـان =قالـوا نبـى نعطيـك رقـم التلفـون

وفطنلـى السـواق والعلـم نيـشـان =قال امش قلت أبنتظر ليـن تمشـون

وتابعتهم والجيب مسـرع وعجـلان =أذنهـم فاحـدى المحطـات يقـفـون

وعلى مغيب الشمس مع وقـت الأذان= قلت أنهم حـول أم سـدره يصلـون

وسريت معهـم ليـن وازنـي أبـان =ولفيـت للبتـرى وعيـوا يلـفـون

واخذت رقم الجيب ابي منـه عقـلان =وروابع المشتاق مـن دون فـى دون[/poem]


نبي قصيده لشاعرالكبير


رشيد الزلامي[/align][/align]

[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أليا جهلت انشد ترى مابها عيب=لا تنخدع للجهل وأنت السبايـب


عيب الفتى مافية شك ولاريــب=ترك الفروض وقطع وصل القرايب


والعيب ترك ملازمات المواجيب=وتبع الردى ومجالسة كل خايب


فالتجربة برهان مافية تكذيــب=واليا جهلت انشد من القوم شايب


ولا قول يوجد شايب يعلم الغيب=الغيب يعلم به مدير الهبايــب


لاشك يوجد شايب له تجاريــب=ومن الدهر شاف الفكر والعجايب


بيض النواصي جبهته كلها شيب=من كثر ما مرت علية المصايب


قد صارع الدنيا على الخبث والطيب=فالغوص وإلا فوق روس النجايـب[/poem]

نبي للشاعر مصلح بن عياد الحارثي

[poem= font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يا روحي اللي عن الهفـوات مانعهـا=لو كان من صوبها يحدانـي الحـادي
هي ودها تمشي بدربٍ مـا ياسعهـا=وأنـا مـاودي بـدربٍ فيـه نقـادي
أجاهد النفـس ليـن تصـد وأقنعهـا=عن زاد ماهـو بقـدر لـي ولازادي
مطاعـة الله فـي دربـي تطوعهـا=اليا هدى الله روحي صحصح فـؤادي
روحي على اللي خلق روحي مودعها=عسى وأنا أبو فهد يهدينـي الهـادي
يازين صوت المـؤذن يـوم ينشعهـا=اللـي يكبـر بـآيـات الله ويـنـادي
الله أكبـر علـى الأفـاق ماأوسعهـا=الخير والشر فيهـا صـار متـلادي
المؤمن اللـي يفكـر فـي موادعهـا=عنده يقين إن بعد الـزرع حصـادي
والجاهـل اللـي يباريهـا ويذرعهـا=يرصد لها في خلايا مخه أرصـادي
ماهمـه إلا مـن الأمـوال يجمعهـا=ويعانق الطايـرات وجوهـا الهـادي
من طاوع النفس قامت به على أربعها=وأومت به وماي لين يحـدر الـوادي
إليا انحدر حولت به فـي مصانعهـا=مصانـع الـذل والخبيـة والأنكـادي
أمسى مع البوم وأصبح في مواقعهـا=تحول الصقر بـوم وصـار ينقـادي
ياصقر عود بروح الصقـر وأرفعهـا=العار والـذل مالـك فيـه مقعـادي
الروس ماعابـت الإ مـن تصدعهـا=خيب رجاها السموم وسـم الأكبـادي
اللي من الغـرب وزعهـا موزعهـا=وعربيا تشتريهـا كـاش وأقصـادي
القبح فـي وجهـه شاريهـا وبايعهـا=قطاعـة الديـن لا قـوة واعـتـادي
الله وأنـا مصلـح العيـاد يقطعـهـا=قطع الرشا فـي قليـب جـاه ورادي
النفس تبغـا لهـا رجـل يصارعهـ=ارجال ماهـو قليـل ديـن وربـادي
تـرى الرياجيـل معروفـه طبايعهـا=صدق ونزاهة وديـن وزاد وزنـادي
غض النظر واقصر الخطوة وسنعهـا=احفر بها حفـرة الميـت والإلحـادي
ادخل بهـا منـزل الميـت وسمعهـا=صياح الأحفاد والزوجـة والأولادي
اخذ الجنازة علـى متنـك وشرعهـا=بالقطن والشاش والكافـور والكـادي
اربـط كفنهـا وجودهـا وشيعـهـا=على النعش لين تاصل بيتهـا العـادي
اليا طويـت اللحـد مندونهـا دعهـا=اسحب عليها تراب القبر من غـادي
رح للعنايـة وعايـن فـي ودايعهـا=جسم بلا روح وأرواح بلا أجسـادي
تعيـن الأجهـزة واسمـع لعالعـهـا=لاتنشـد أحـدٍ ولا ينشـدك نشـادي
حتاك تروي خـدودك مـن مدامعهـا=تشوف ماشاف غيرك يابن الأجـوادي
ورح للمساجين وانشدها وش أودعها=في منـزلٍ ماتهنـت فيـه مرقـادي
السجـن ضيقبهـا والقيـد موجعهـا=سد الحراسات من ضبـاط وأفـرادي
رح للفقراء وعايـن فـي مضاجعهـا=وأعلم ترى الخافيات أدهى من البادي
العسر خلى الرجال تعض أصابعهـا=ياما كسر من مقـام وكسـر أوتـادي
مايطعـم المـرة إلا مـن تجرعهـا=انشد مجرب يجيك بعلـم الأوكـادي
الطيبة في المكـان الطيـب ازرعهـا=انفق من المال لاتطغيـك الاعـدادي
ابعد عـن الشـر والفتنـة ومولعهـا=النار تمسي شرار وتصبـح رمـادي
ارفق على النفس واحذر من تراجعها=خلك مجاهد جهـادٍ صـدق ومفـادي
على الهوى واصل الرحلـة وتابعهـا=ارجع كمـا كنـت ماعنهـا تلـدلادي
أصل المحـلات الأربـع لاتقاطعهـا=حتى لو صدفةٍ مـن غيـر ميعـادي
ميصالـك إلهـا يذكـرك بمنافعـهـا=فزعـة وجزعـة وتذكيـر وتعبـادي
ترى الوداعة بترجـع عنـد مودعهـا=والصفحة تبيـن الممتـاز والعـادي
لابـد مـن يـوم ينزعهـا منازعهـا=تـدور اللـي يذكرهـا التشـهـادي
مهما تطول العمار اللحـد مرجعهـا=رعيان الأدباش وإلا ملوك وأسيـادي
[/poem]

نبي لـ بندر بن سرور رحمة الله عليه

استلم يا محمد

[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله من عين طرقها صواديف =عميت ويبسنّ العروق الصخافي
شفت الوزا بالعين من عرض ماشيف=شفته وغيري من فطن له وشافي
وقت تغير فيه حتى العواصيف =جافي عواصيف الرياح اختلافي
شره قناطير وخيره مقاطيف = يفطن له اللي يرضع الديد غافي
كم واحد جاله زمانه على الكيف = واغترته نفسه يبا الجود وافي
يطلع مطاليع العيا بالسواليف= بين العذارى عد روحه اسنافي
يفرح بهرج بالقفا ويكره الضيف = قتّات والقتّات بالنار هافي
يعلق قصيره علقة النار بالليف=عيّ ٍ ولد عيّ ٍ زنوده ضعافي
ان رخصت الحذوه توقي عن الحيف = وان غليت الحذوه مشى اللاش حافي
يرقد ويلحق والدينه تخاليف = دايم ومرقد ميت النار دافي
هو مادرى ان الجود يبغى تكاليف=سهر الليالي مقبلات مقافي
يبغى ايدينٍ للعطايا مغاريف = ويبغى ارجولٍ ماتمل الوقافي
والصبر بنحور السنين الشواحيف= اللي قساهن مثل حد الرهافي
مايقدرون الجود سود الاطاريف=امشاركة بيض النساء باللحافي
يقدر عليها اللي حكم نجد بالسيف=واودع قبايل والقبايل اولافي
عبدالعزيز اللي يبث المصاريف= يجدع قناطير الذهب بالفيافي
يمشي على دربه جموع مزاريف = نوٍ تنثر ماه والجو صافي
تشدي لواقيط الزبيدي بعدريف = مما كسا البيدا تفيد الضعافي[/poem]

نبي لـ عايض بن سعد المروجم الشهراني

..

قصيدة عايض المروجم الشهراني

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياهل الركاب اللي من البعد لافين= اللي عقب طول المسافه ونايا
قدكم لشب النار والكيف مشفين=عقب التعب على ضهور المطايا
خلوا الركايب تتجه يامضانين=يم الرفايع حي ذيك القرايا
تلقون ابن جدلان في المنزل الزين=مشطر بيته عديم السجايا
لاشافكم على مدى شوفة العين=رحب وكثر من جميل التحايا
يفرح بضيفانه على العسر واللين=ويجود لاما شحوا اهل العطايا
سلم سليم وارثه ورث جدين=سلم على سلم العرب له مزايا
تريضوا ولا تصيرون عجلين=واخذوا من النادر نوادر وصايا
اخترته من الناس الاقصى والادنين=حسب الثقه في طيبين العنايا
ياشيخ شعار الجنوب المسمين=غصب على الحساد واهل الحكايا
سوالفه ما سطرت بالدواوين=ولاهي علوم اهل العلوم الدنايا
اشكي عليك الجور من وقتي الشين=ياشيخ سوابي زماني سوايا
ماشفت به رحمه ولا شفت به لين=ماشفت منه الا ردي النوايا
ولاقلت ياوقت العنا والمعنين=الى متى ياوقت كشف الخفايا
قال احتمل واصبر معك ناس ثانين=ناس معذبهم وناس ضحايا
الله على جوره وشداته ايعين=ويجبر عزا من راح قلبه شضايا
يابو محمد شف لي الحل ذاللحين=لاهنت ياشوق البني الصبايا[/poem]

مشكور اخوي عفاس علي الموضوع

ابي الشاعر ابن سجوان الرويس

وهذي لـ عبدالله ابن سجوان الرويس

[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا (دحيم) ديران الرفاقة مريفه=واللي مع الأجناب كنه على نار
والطير بالجنحان ما احسن رفيفه=وليا انكسر حدا الجناحين ما طار
ويمنى بلا يسرى تراها ضعيفه=ورجل بلا ربع ٍعلى الغبن صبار [/poem]

نبي لـ مرشد البذالي

سرى الليّل كلّه والمصلّي نصى الجامع
وانا اخيـل نـوّن نازحـاتٍ مرابيعـه

صدوقٍ من الرعّاد والبـارق اللامـع
ينثّر دقاق المـا علـى يابـس القيعـه

صفا نقع شهلوله على مشرعـه قامـع
عسيرٍ على الورّاد صافـي قراطيعـه

قريباً من الحدّاث عسرٍ على الطامـع
ربيعـه ورى حـدٍّ تعسّـر مطاليعـه

جديدٍ زهر نبته على مشرعـه شامـع
تداخـل نباتـه ماتعـشّـا جرابيـعـه

يدير الهوى فكري على مخلف الرامع
تصافا خفى روحي وجوهر مواضيعه

اصوّر بنون العين من طبلـة السامـع
معامل خبير الروس واسرار تصنيعـه


نبي لـ الامير عبدالله الفيصل الله يرحمه ..

آخر ثلاث أبيآت من قصيدة (مبسم هيـآ) يقول فيهـآ:


قالوا تـتـوب من الهـوى قـلـت لا لا
الا ان تتوب رماح علـوى عـن الـزرق
قـالـوا تتـوب من الـهـوى قـلت لالا
الا ان يتـوبـون الحناشـل عن السـرق
قالـوا تتـوب عن الـهـوى قـلـت لالا
الا ان تتوب الشمس عـن مطلع الشـرق

//

لـِ ("[mark=993300]الأمير: تركي بن حميد[/mark]")

الشيخ / تركي بن حميد

[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحـه بالـنـوم كـنّـي مــوراّ=جا حلـم ليـل يـوم عبّـر ولاشيـف
اونست هاجـوس على الصـدر مـراّ=منـه الفـواد معـلّـق بالمخاطـيـف
وابدى كنيـن الـروح داخـل وبـرّا=من نقـض مايفتـل وفتـل بتكليـف
يـارازق اللـى فـى رجـاك يتحـرّا=من مدّ جـودك ياوسيـع المحاريـف
ان جــت مــن الله ماعدويـضـرّا=وليا ادبرت قلـت دبـور المصاريـف
مـادون ربـك واحـد لـك يـسـرّا=للـرب حكمـه بالمعانـى وتصريـف
قـم يامحمـد سـوّ حـلـو ومــرا=رسم الى جوك النشامـا هـل الكيـف
مـع منسـف حـول المنـاره يجـرّا=واشناق حيل صفوهـا لـه ذواريـف
واعمـل بخيـر ولا تجـازى بشـرّا=وارجى الفرج من عند والى المصاريف
واجهـد بتقـوى الله لـدار المـقـرا=العبـد طـرقـىّ ركـابـه مناكـيـف
دنيـاك لـو زانـت تراهـا مـغـرّا=دنيـا خـراب ولا عليهـا تحاسيـف
فيهـا لبيـب العقـل مـا يستـغـرّا=لـو امهلـت لابـد رحلـه وتخفيـف
اخشـع تواضـع لا تكـبّـر تــزرّا=ما شفـت ميـلات الليالـى مراديـف
ورفيقـك الغـالـى مـنـه لاتـبـرّا=ادمح خطـاه اللـى تعبّـث عجاريـف
يشرب معـك صافـى وكـدر ومـرّا=ويرد معك حوض المنايا الـى عيـف
نـوب تـذرّى بـه ونـوب يـتـذرّا=عديـل عمـرك باليالـى الشفاشيـف
جر القلـم واكتـب لنـا اللـى تـورّا=سلام احلى مـن حليـب المشاغيـف
منّـى لمـن تابـع هـوى كـل غـرّا=شيخ يروّى بالملاقـى شبـا السيـف
زيـزوم غلبـا كـل يــوم تـجـرّا=واطرافهـا تاطـا الغبـا والمشاريـف
ذولـى يسرّحهـن وذولـى تـسـرّا=وذولـى مغيـرات وذولـى مناكيـف
والى عـدا باللـى عـدا فيـه غـرّا=بر بع على قحص المهار المزاغيـف
سلاحهـم شغـل العجـم والمـجـرّا=ودهـم الفرنـج مفرّقـات المواليـف
وصلّوا على المختار والصحـب طـرّا=ماهبت الانسام مـن رايـح الصيـف [/poem]

نبي لـ (( بدر الحويفي ))

يا رَجل لا تنقل نبا كـل نقـال
به ناس حتى الميـت مايتركونـه
والقيل عندي له مفاتيح واقفـال
معناي ماكل العـرب يفهمونـه
ولا أقول أنا زايد على كل رَجْال
كم واحدٍ مايقصر العرف دونـه
خص الرَّجال اللي يجيدون الأمثال
البيت عن معنـاه مـا ينقصونـه
أخص لي ناسٍ يحوسون الأقـوال
البيت لو هو معتـدل يكسرونـه
لو هم كبار أعمار بالعرف جهال
ومن عمي قلبه ماتفيـده عيونـه
وان شفت لي شخص خيالي وخيال
ما اشفق عليه ولا تدخل بشونـه
ينبيه عن حظه تواريـخ الأجيـال
يجهل خبـر والنـاس مايجهلونـه
يشوف نفسه وين ما مثله امثـال
ترميه باحضان الجهالـه ظنونـه
والناس تعرف بالطبايع والافعـال
واللـي تعـزه سمعتـه يمدحونـه
والماء يجيبه عذب ويجيبه احثـال
والكون به من كل كايـن نمونـه






أبي :- قصيده للشاعر ( محمد الدحيمي ) .. .

وهذي للمرقابي " محمد الدحيمي "

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
للتـرف خيـل ٍ غـدا مركاضهـا... صـدري=وطيـور شوقـي غـدا مقيالهـا .. عيونـه
لبـا جفونـه ولبـا .. طبعهـا الـخـدري=ولبـا سـوادٍ رقـد .. فـي خـدري جفونـه
اثـره بضحكـة سنونـه حافـر ٍ قـبـري=ولا كنت اظنـي بامـوت بضحكـة سنونـه
شرهـة متونـه علـى شلالهـا الخمـري=وان نثرتـه الهبـوب .. مــردّه متـونـه
جيت اجبر الكسر لكنـه .. كسـر جبـري=مجنـون والحـظ ساقـه يــم مجنـونـه
يتفنـن بلوعـتـي .. واتفـنـن بصـبـري=حتى غـدت لوعتـي مـن اجمـل فنونـه
لا رحم ابوالحظ ساق الهجـر مـن بـدري=وشيّد جسـور الجفـا مـن دونـي ودونـه
واقفيت لاني ضريـر .. ولانـي ببصـري=اليـا منعنـي الحيـا ... ساقتنـي المونـه
وجهمت اسوق الخطا في الدرب واهـذري=تكفـون ياللـي خـذوا خلّـي تردونـه
ابطى .. وخلّـى سـؤال ٍ يلهـث بفكـري=مادري يصون الغلا ؟ .. مادري هو يخونه؟
ويوم اني اسـجّ بيـن ادري .. ومـا ادري=عقب البطا .. جاء يقول : الـدار وشلونـه
قلت انت : دارك هنا.. وأشٍّر على (صدري)=قال انت : دارك هنا .. وأشًّرْ على (عيونه) [/poem]


انا ابي اعكس النظام وابطلب طلب خاص

ابو محارب

نبي لـ " مطلق خالد البراق "

للمرحوم / عبدالهادي بن راجس

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
ياوي فنجال شربته الحالي =فنجال ماله ثانيا بالفناجيل

فنجال من غالي يمده لغالي =وتهديه قبل أبديه سود مضاليل

مده عليّ وقال خذ يا حلالي =لا يا بعد من ينقل القال والقيل

وأخذت فنجالي وريحت بالي =وثنيت رجلي عندهم للتعاليل

دار الحديث وكل شيء صفالي =وارهيت منهم بالوفاء والمحاصيل
قمنا على ما قال لا له ولا لي =الا وعود بالليال المقابيل

والله علم عن مقبلات الليالي =هن يلحقن وإلا بعد يظهرن حيل[/poem]


نبي للشاعر /
بدر الحويفي

هذي قصيده للشاعر بدر الحوفي

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أشوف بعض أصــحابــــــــنا مايمرون =وأنا الجفاء من صاحبي ما استــــحقه
وعندي خبر عن غاية اللي يكـــــــنون =شافوا بحالي من جفا الوقت رقـــــه
وأنا من الهجران ماني بـــمــــــمنون =ما جفا رفيقي لو جفاني مـــعــــــقه
ولو إنهم عن غاية القلــــــب يدرون =مروا عليّه ماعليهم مشـــــقـــــــه
لكن مع الدنيا واهلها يــــــمــــــيلون= ويعطون راع المال من فوق حقه
ولو تنفع الدنيا نفع مــــــــال قارون= جاهه وماله ماعدل وزن بــــــقه
والدايم اللي بقدرته كون الـــــــــكون =وارسى الجبال ومجْرى الأنهار شقه
والآدمي ما هو عن النقص مضمون= يفنى ويفنى المال جلّـــه ودقــــــــه
عمر الفتى لو طال للحق مرهون =لا يامن الديان بابه يطــــــــقه
أتلى العهد لا قالو افلان مــــــــدفون= ولفوا عليه من ارخص الخام شــقه
ويقرأ الكتاب اللي به العبد مـــديون= والكل يحصد مابذر وســـــتحقه[/poem]

واترك طلبي للي يجي بعدي يختار اللي وده

مشكور يابو محارب والله لايهينك

على تلبية الطلب


ودام الاختيار عندي .... استلموا

" متعب التركي " يقول /


[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحة.. مـدري وش اللـي خذانـي؟=يوم اجنبوا عنِّي من الضيقـة اشملـت !!
جيـت أتكلـم بـس .. عيَّـا لسانـي=ماكنِّي إلا مرتكب ذنـب.. واخملـت !!
الله يسامـح مـن ذكـرت / ونسـانـي=وأنـا أدري إنـي لاذكرتـه .. تجمَّلـت
عانيـت وأدري كـل طيـب يعـانـي=وعلى حساب طعوني الخضر.. جاملـت!
يامـا خـذوا منـي ولا احـدٍ عطانـي=من " طيبتي " في حق نفسي تساهلـت!!
عـزااااي لامـنـه تجـهَّـم زمـانـي؟=يممَّـت وجهـي للكريـم و توسَّـلـت
واللـي يبـي قربـي وبعـدي لقـانـي=أمشي على وضـح النِّقـا مـا تختلـت
يامـن سكنـت اجمـل زوايـا كيـانـي=ياما على نفسـي " عشانـك " تحاملـت
مرَّات أحس إنك معـي شخـص ثانـي=ومرَّات احس إنك "حبيبي" .. وما زلت ؟؟
لا تفـرح إنـك دجـت بيـن المحـانـي=لو ماتخُـون الذاكـره مـا تسلّلـت !!
عشان ماضيـك الجميـل .. وعشانـي =حاول تشيل مـن الوفـا رُبـع ماشلـت
ماني علـى خبـرك حبيبـي.. ترانـي ..=حتى عن صغـار الامانـي.. تنازلـت !! [/poem]


ونبي لـ متعب التركي