يا أبن أبـــوي !!!

[align=center]السلام عليكم ورحمة الله وبركاته ...

مساء / صباح الخير

أولا أشكر الأخوان على ثقتهم الكريمه تجاهي ...


ثانيا أتمنى ان أقدم ما يرضي ذوائقكم شعراء ومرتادي هذا الصرح الشامخ ...

صلو على رسول الله




[poem=font="Traditional Arabic,6,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شد حيلك وأزرق الدمع ما يقضـي لـزوم=لا تنزل قيمتك وأنـت فـي عينـي كبيـر
لا يهمك طعنة الوقـت وصـراع الهمـوم=الرجـل يبقـى رجـل فالقليـل وفالكثيـر
من تعـرض للهبايـب ولفحـات السمـوم=وأقتـوى عظمـه ونـوخ للأقـدار البعيـر
يعتبرنـي محزمـه فالـدفـاع وفالهـجـوم=ويبشر بدعوة من أخـوه فالثلـث الأخيـر
يا بن أبوي أبشع من القل لا جيـت مهـزوم=في عيون اللي يقـوده لهـا سلـك الحريـر
الشماتـه والتهكـم وزومـات الخـشـوم=ناس ما تقصـر بلاهـا ولا تضـوي بخيـر
الفقر ما هـو بعـذروب والدنيـا قسـوم=كم غنـىٍ مـن زمانـه تمنـى أنـه فقيـر
يا أبن أبوي الناس ما بيـن معطـى ومحـروم=ميـر سيرهـا وبأمـر الله المعطـي تسيـر
يا أبن أبوي العزم يحسب على أصحاب العزوم=والتهاون ما يجيب ألـك لـو حبـة شعيـر
يا أبن أبوي أعرف ترى الوقت طبعه ما يدوم=والليالـي كلوبـهـا رحــاةٍ تستـديـر
الشمـوخ الله يقطـع محاريـف الـرخـوم=والرغى ما هو بمرغوب مـن عقـب الهديـر
[/poem]




وسلامتكم[/align]