مهداة للشيخ/نايف بن فيحان بن ربيعان

هذه قصيدة مهداة للشيخ/نايف بن فيحان بن تركي بن ربيعان . حفظه الله
وابو عبالعزيز يستاهل اكثر
وقد تشرفت بان القيتها امامه في الحفل الذي اقامه العميد سلطان بن سعد العصيمي
بمناسبة تخرج ابنه الملازم سعد بن سلطان

ويسعدني ان اقدمها لكم هنا
وابو عبالعزيز يستاهل المدح فهو حفيد من قال به بندر بن سرور
(تركي ليامن الليالي غدت عوج::: حمله عتابه كلها ماتشيله)
وابن الشيخ فيحان حفظه الله وهوغني عن التعريف


[poem=font="Simplified Arabic,5,black,normal,normal" bkcolor="transparent" bkimage="" border="double,7,darkred" type=0 line=0 align=center use=ex num="0,black"]
يامرحباترحيب ازكى من الطيـب=لا داربين اهـل القـدر والفضيلـه
حييت يانايـف حصـان الاطاليـب=شيخ على الطالـه يمينـك طويلـه
ياكاسب النوماس زبن المواجيـب=ياوافـي المـده وراع الجميـلـه
ياللي ليا صكـت علينـا المغاليـب=تحلهـا باهـون سبيـل ووسيـلـه
بالعرف والحكمه تحل الاصاعيـب=وان ضاع راي الغير ريـك دليلـه
ياسور ربعك عن سموم اللواهيـب=مثلك ليـا ضاقـت علينـا نجيلـه
ونلقاك ياستـر البنـي الرعابيـب=مواقفـك تبـري الكبـود العليلـه
شيخ يطول ويفتل الراي ويصيـب=مابينـت سـود الليالـي حفيـلـه
شيخة فعل ماهيب شيخة مناصيـب=ورثـة زحـول يقـدرون الثقيلـه
جتهم بفعل المرهفـات المحاديـب=اللـي تفـرق بيـن خـل وخليلـه
يشهدبها العدوان قبـل الاصاحيـب=يـوم القبيـل يعـد طـات قبيلـه
واليوم هم مقدم رجـال المعازيـب=ال السعـود معدلـة كـل ميـلـه
ابوك ابو نايف عطيب المضاريـب=وجدك بعيد الشـوح عـز القبيلـه
يقـول بنـدر يـوم رد الهناديـب=حملـه عتيبـه كلـهـا ماتشيـلـه
وانته حفيد اهل النقـا والتراحيـب=ياذخرنا وقت القسـى والصميلـه
وهبك رب العرش زين الاساليـب=وطيب النوايا والصفات الاصيلـه
وضحكة حجاجن صادقه مابها ريب=وتواضع شيوخ الفعـول الجليلـه
ماتستمـع لمروجيـن الاكـاذيـب=وتلطم خشوم اهل الردى والرذيلـه
وتعدل المايل وتطفـى المشاهيـب=وراع الحيـل فوقـه تهـد النثيلـه
حرن مربـك نايفـات المراقيـب=كل المدايـح فـي جنابـك قليلـه
وختامها ماتبدي الشمـس وتغيـب=حييـت يانايـف زعيـم الفضيلـه
شعر=ضاوي بن عايض العصيمي[/poem]